الرجاء الدخول وإبداء الرأي بدون تعصب

السلام عليكم ورحمة الله وبركاتة

انا اقول لاتاخذ اف جي لأنه غالي وغير مجدي وسيارة بصراحة ماتقارن باللي اخترتها الاولى اللي هي اليوكن اعرف شخص من ستة شهور اخذ اف جي وسافر فيه الاردن ويقول كل ما اقابل تريلا كانها مرت من فوق راسي وهواها شوي يطيرني والمسكين سوا حادث هو وعائلته الله فكه وطلع سليم ويسب ويشتم تويوتا انها مهي راسية
ولكن الامريكي اليوكن سيارة خط بر ديرة ويكفيك الراحة تضرب الف كيلو خط متواصل يوم توصل تروح تدور على السهرات والوناسة اما ال F G تروح تدور على واحد يمتنك ويدهنك بفكس اخي مافي مقارنة لاتحاول تسمع كلام احد مع السلامة

معلومة مهمة لصاحب الموضوع

اليوكون الدينالي لا يصلح أطلاقا للبر

جاك العلم

وخذ الاف جي كروزر الي فيه انظمة للآسف ما تجدها بالجمس إلا نادر جدا

مثل الدفلوك والتراكشن كنترول

خصوصا مثل ما قال بعض الناس مستعمل أمريكي وجديد ياباني أكيد الكفة لصالح الجديد ولا الفرق شوي

اذا كان جديد خذ يوكن واذا كان منت ماخذ جديد فخذ اف جي

شكرا لكل من أبدى برأيه

أخوي فهد أنا ما جزمت على الـ FJ عشان الشباب يقولون إني يلعب على الخط خاصة إذا أسرعت لـ 130

إذا فيه واحد جرب الـ FJ على خط سفر وهو مسرع يا ليت ما يبخل علينا بتجربته

مرحبا اخوي ذئب الثلج او الذئب الثلجي
او الذئب المثلج . . . معليش الحر ذابحنا:smilie6:

بدوووووووووووووووووووووووووووووون اي تعصب
الـ FJ على طوووووول


ليش . . لان تحقق فيها 3 من 3 من طلباتك

خطوط يعني الراحه والاعتماديه ... وشبابيه ... وبر هب ريح

ليش ما تشوف البدائل الاخرى واقل سعر مثل الاكستيرا فل اوبشن 107 الاف ريال؟

تحياتي

:a122:

....................................................

اليوكن افضل من الاف جي ومافي مقارنه اصلا

انا كنت نفسك ابي FG وسئلت عنا بعض الاخوان اصراحه اسياره مائقول ماتسوا بس خبروني انها ماتصلح لسفر لانها تتمايل واجد عند 130 او 140 وانتا تبي تستخدم السياره لسفر كثير وتستخدم السياره للبر يوم واحد في الأسبوع . وموديل اليوكن التبيه احسن موديل نزل وليوكن غني عن التعريف



إليوكن سيد الخط:emot30:

اقول كيف الحال

المشكله انك من جنبها يعني ماتبي تعلم الرجال ان تويوتا تبي توقف انتاج الاف جي ؟؟

علم الرجل بكل سلبيات العلامه اللي تنصحه بشرائها ولاتوهق خلق الله فاهم

والله حرام يندفع في الاف جي مبلغ فوق المية الف

اليوكن 2006 مرغوب شكل ورزه ويكفيك مواصفاته

توكل على الله واستخير

وانا شوري لك تاخذ اليوكن لانه سياره ماراح تندم اذا اخذتها باذن الله

ان بغيتها للبر والا للسفر والا للعايله يعني سياره ماشاء الله ملتي سستم

والله يبارك لك فيها

اذا بتاخذ يوكن امريكى مستعمل لا والف لا

fj اطلق

الاف جي لاعتبارات كثيره

اولها انه جديد ولا يطيح سعره (( تويوتا )) ومرغوب بالسوق

موتر خط وبر ومدينه حسب كلام اصحابه هنا بالمنتدى خصوصا بالخطوط

شبابي لابعد الحدود ملفت للنظر وتحس انك راكب سياره تستاهل حتى وان كانت قيمتها 120الف فقط

اليوكن القديم عفى عليه الزمن الجديد اكل كل شي عليه لا من ناحية العزم ولا الشكل ولا المواصفات

باختصار اليوكن القديم مايوكل عيش راح تمل منه اول سته شهور

تويوتا صنعت الاف جي لساعة الصدر واستهداف الشباب سياره بسيطه بقدرات ماتلقاها في سيارات اغلى منها
انت استخر وجرب الاف جي قبل لا تشريه ان اعجبك توكل على الله

بصراحه ماعمري شفت احد تحسف على الموتر

الأف جي

لانه قوي ومصنع تقريبا للكشتات ورياضي وقوي

اتمنى لك التوفيق

خذلك يوكون وكاله فل مو شرط دينالي

صراحه الاف جي حسوفه عليه ال 120000

هذا رأيي وانت صاحب القرار

نصيحه لاتاخذ سياره الا وانت مرتاح لها

شكرا لكل من أبدى رأيه بصراحة

أخوي Kmzsrt حط في بالك الفرق بين شكل وقوة اليوكن و الـ FJ
بالنسبة لي شكل اليوكن 2006 أحسن من شكل الـ FJ و اليوكن 2007

غير كذا ترى سعر الـ FJ الفل 120000 واليوكن المستعمل يدور حول الـ 10000
فهذا اللي محيرني لأن الفرق بينهم 20000 وأنا مستكثر أدفعها على الـ FJ

حرام عليك تقارن امريكي مستعمل بياباني جديد :)