اللي عنده حل لايبخل علي فيه .

الله يعينك ياكثر مشاكل الكابرس

شكراً لكما بجرب
وإن شاء الله تنحل المشكلة

أخوي فيه واحد واجه نفس مشكلتك بالضبط لكن على لومينا وحلها بتغيير قطعة ebtcm من التشليح

إقرأ موضوعه تحت
http://www.assayyarat.com/forums/showthread.php?t=138219

اخوي فيه واحد من الشباب صار معه نفس الشي
حتى انه يعلق يقول على العطل عين صابتها السياره
المهم وداها الشركه وكلفته 5000 الاف
موديل السياره 2000 كابرس
انا ماشور عليك تروح الشركه
دام فيك الخمسه الاف ابحث عن حل بديل
لعل احد الشباب يفيدك بس الحل لايخسرك بلا فايده
اتمنى تجد حل لمشكلتك
تقبل مروري

لكم مني كل الشكر والتقدير ، بجرب الحلول المطروحة ، وإن شاء الله تنفع .
أنا شايل فكرة تغييره ولكن أتصور أصحاب سيارات الكابريس 2000 أو 2001 أكيد مرت عليهم وأكيد عندهم خبرة في هذه المشكلة لإن في الوكالة قيل لي أن كثير من هذه الموديلات تتعرض لنفس العطل .
بارك الله فيكم جميعاً

انا عندي فكره احسن لك ودها ورشه كبيره مثل تراي ستار او الدوليه او سهم
وخلهم يفحصونها ولا انك تدفع 5400 ريال

والله الصراحه تكون ظلمت نفسك لو سويت هالحركه

انا اعتقد ان فحص الكمبيوتر يقدر يدلك على اي فيوز فيه مشكله او اي سلك مفصول
والله اعلم

اذا كانت لمبة واحدة فقط مثل لمبة Chick Engine هذي بسيطة ... ويقدر يكتشف العلة عن طريق فحص السيارة بالكمبيوتر بسحب رموز الاخطاء من كمبوتر السيارة ومعرفة الخلل..

ولكن على حسب وصف absaad المشكلة كهربائية اكثر منها عطل ميكانيكي...

والكمبيوتر اذا تعطلت برمجته لا يحدث مثل الاعراض اللي في سيارة absaad ...

اذا تعطل الكمبيوتر او برمجته المكينة راح تتصرف بشكل غريب.. مثلا تضخ بنزين بزيادة او تفتفه او او تتسبب في عدم سير السيارة بانسياب..

المشكلة دورات الكهرباء او الفيوز او احد الافياش .. وهذي بالغالب رخيصة جدا في قطع الغيار وفي التركيب.. لا تتعدى 200 ريال ... ولكن من يكتشف الخطأ وين؟ هنا السؤال...

أخي وكالات GM يميلون للسرقة أكثر من خدمة العميل..

5400 مبلغ كبير جدا جدا جدا....

هذا شغل كهرباء.... وفي الغالب تكون المشكلة بسيطة جدا جدا وابسط مما تتصور... سمعت بنفس المشكلة عند أحد الاقارب... وكان يعتقد بأن السيارة انتهت... وفي الأخير طلع مسمار "أرض" للكهرباء (والكهربائي راح يعرف ماذا تعني "أرض" او "ground") غير مشدود.. بس ما أدري وين بالضبط..

مثلاً: البطارية:: السلك السالب هو "أرض" او "ground" مرتبط او مشدود في الهيكل حق السيارة...
روح عند كهربائي فنان بمعنى كلمة فنان... خله يشيك على كل الـ "grounds" او أرضيات الكهرباء في السيارة.. وان شاء الله يكون هو الحل...

للمعلومة: سيارة قريبي كانت كابرس موديل 96 او 97 ....

وتأكد أخي بأن أكبر عطل كهربائي في الكابرس جميع الموديلات لا يكلف أكثر من 200 ريال... هذا اذا كان عطل غريب و يحتاج لقطع غيارر...

5400 ريال تغيير مكينة جديدة..مع قير..

والله من واقع تجربة احد الزملاء علقت علية لمبة في سيارته الاوبل

وفي الاخير بعد روحات وجيات اكتشف ان الشغلة برمجة كمبيوتر

واتوقع ان مشكلتك ماهي بعيدة عنه