اخوي بندر والله انك ذيبان ماقصرت
انا معي فورد ولا ادخل قسم الامريكي والله على طول عندكم هنا
والله يعطيكم العافيه ياشباب
يعطيك العافية أخوي وأبشر بأي معلومة تبيها
هلا بندر حياك الله شرفت المطرح
طبعا اخوي انا عندي الفورد قاسي مغير له ييات ومساعدات فصار قاسي يعني تحس بجميع معالم الطريق سوا طريق محفر او مفقع بس ابي اسال هل الراكب يحس بشي لان عندي الولده الله يطول بعمرها ويشفيها مقعده والام بالظهر واخاف ازيد عليها المواجع
ثانيا هل تتوقع شنطة السيارة تشيل اغراضها (كرسي متحرك + فريم للمشي +كرسي اكرمككم الله للحمام )طبعا كانت الفورد يا دوب تشيلها
ثالثا هل ترى السعر 89480 ريال لقطه للفل اوبشن بمحرك 3,8 او اني رااح احصلها عند الوعلان باقل من هذا السعر
وترى رايك يهمني لان بيئتنا جبليه وحده يعني نفس المثل اللي يقول ( القرص من طرف العجينه ):a120(37): <<<< ممسكه غلط على امثال شعبيه
اتمنىانك ما تبخل علي برايك هل السيارة تراها مناسبه لي في ظل الاشياء اللي ذكرتها انفا =على ما اظن معنى انفا مسبقا
ولك جزيل الشكر مني
الله يشفي لك الوالده ويطول بعمرها ويعينك على برها والله يجزاك ألف خير على بر الوالده
بالنسبة لشنطة الأزيرا هي أفضل السيارات في سعة الشنطة من منافساتها
واتوقع لم تيجي تقارنها بالفورد تعرف شنطة الفورد لم تشوفها من برى أطول من شنطة الأزيرا
لم تفتح الشنطة بتلقاهم تقريبا مثل بعض مع زيادة بسيطة للفورد عشان امتداد الشنطة لم تشوفها من برى مع إني أذكر إنه الفورد شنطته غايرة أكثر من الأزيرا ولا تنسى إنه الفورد أعرض من الأزيرا
فأتوقع إنه شنطة الفورد أكبر
مع العلم إنه الأزيرا شنطتها أكبر من الأفالون وتزيد عن الأفالون بنسبة 17,5 % هذا إذا إنت شفت شنطة الأفالون
إذا كان السعر 89480 ريال للفل كامل بشاشة ومكينتها 3,8 فالسعر ممتاز لأنه حسب علمي عند الوعلان فل كامل بشاشة ونفس المكينة 91 ألف ريال
إذا تقصد بدون شاشة أتمنى إنك تشوف أسعار الوعلان والمجدوعي ممكن تلقى أرخص
بالنسبة إنها مناسبة مثل ما قلت لك فيها قساوة شوي بس إنت قلت الفورد مغير مساعداته وقاسي صار فما أدري ممكن تكون مثل الفورد الحين معاك أو أقسى عن مريحة للمقاعد مريحة أكثر من مقاعد كامري كانت معاي قبلها
بندر وبقية الاخوان وش رايكم باللون الرمادي ومن داخل بيج
ثانيا هل تنصحوني بالتمرين بالقير الوتو او العادي
ثالثا هل الضمان يفرق عندما اشتري السياره كاشعن لما اشتريه نظام تاجير
رابعا هل تنصحوني اسوي تامين شامل واش احسن شركة
معليش ثقلت عليكم بس والله اول سيارة اشتريها وكاله وابي لها الاحسن والاضمن وما نستغني عن شوركم
بالنسبة للون كل ماصار لون أغمق زاد من فخامتها
وأفضل لونيين على الأزيرا بالنسبة لي هو اللون الأسود والؤلؤي
ومن الداخل البيج أحلى لون عليها
عيب الأسود يبين الخدوش والحكات ويبيلك دائما تغسل السيارة لأنه يشوه منظرها
الؤلؤي عيبه لو صدمك أحد عسى ما تشوف مكروه يتعبك في اللون لم تدور تسمكره وتبي تضربه بوية
اللون الداخلي بيج حساس جدا يتوسخ بسرعة وكل شيء يبين فيه
بالنسبة للتمرين كلها مثل بعض بس أهم شيء لا يتعدى عداد دوران المحرك 4000 لفة بالدقيقة
ولا تتعدى سرعة 100 كيلو بالساعة إلين تخلص أول 1000 كيلو إلى 1500
بالنسبة للضمان مايفرق سواء اشتريتها من الوعلان أو المجدوعي وسويت الصيانة عند الناغي عادي ما عندك مشكلة والضمان يسونها حتى لو بالناغي وإنت شاريها من غير الناغي بس المشكلة عشان الضمان يمشي لازم تسوي جميع الصيانات عندهم يعني ما تفوت ولا صيانة أو إنك تسويها كل 10آلاف كيلو وهذا أنا الي اسويه أما إذا أهملت الصيانة وما واظبت عليها وإحتجت الضمان بيقولون سوي الصيانة عليها وبعدين ننظر في الضمان أو يقولون والله الضمان حق السيارة خلاص انتهى لأنه ماسويت ولا صيانة ونفس العيب هذا في تويوتا
بالنسبة لتأمين ما دام إنك ما خذها بالتأجير المنتهي بالتمليك الي أخذت السيارة عن طريقهم التأجير المنتهي بالتمليك هم الي يسوون لك التأمين تجديد الاستمارة وكل شيء تطلبه السيارة وحتى الصيانة الخاصة بالسيارة ما عدا الأشياء الاستهلاكية من بنزين وزيت وسيفون وأقمشة وكفرات وصفاية وغيره الأشياء الي تتغير كل فترة مو الخرابات هذي على حسابك أما الخرابات والصيانة على حساب شركة التأجير المنتهي بالتمليك وغير هذا ترى العقد باطل لأنهم يبعون لك سيارة وصيانتها على حسابك هذا ظلم وانا أنصحك إنك تبعد عن شيء اسمه تأجير منتهي بالتمليك إذا ما وافق الطرف الي بيأجر لك السيارة إنه يسوي الأشياء الي ذكرتها لك
أخوك بندر
