مشكله في الفورشنر!

اخوي camry4 السياه مازالت تحت الضمان وعمري ماوديتها اي ورشه ماعدا الوكاله وطبعا الوكاله ماعطوني اي سبب غير البخاخات ولكن المشكله مستمره!!
ولا انت قصدك افحص السياره بالكمبيوتر خارج الوكاله؟

وش لك بالهم كله افحص السيارة كمبيوتر و راح يطلع عندك الخلل وين

مشكور اخوي نواف وكل عام وانت بخير
وانشاء الله الاسبوع الجاي اخر محاوله مع الوكاله قب انتهاء الضمان

شف ياالحبيب مشكلتك اسلاك البواجي (ماهي البواجي) الاسلاك تاثر بالحرارة ولا توصل كهرباء بل الحرارة تزيد المقاومة للاسلاك لذلك المكينة يضعف عزمها وتكتم مع الدعس والتشغيل اذا دقيت سلف يطول على بال مايشتغل ثانيا الاسلاك بعد هالمسافة مانت خسران اذا غيرتهم

حياك الله اخوي انا اشوف و الله اعلم
ان عندك مشكله في دبات التلوث صايدتها ضربه قويه متكسر عندك الاسبيستس الي يحمي من التلوث وهو الي يكتم على السيارة الحل في تبديل دبات التلوث
لو كان عندك طلمبة بنزين لكان اول ماتخرب عليك في الطايف لان المكان مرتفع وله تاثير على الطلمبة نوعا ما و لكن ارشح بقوه ان يكون عندك تكتيمة من الدبه
وهي حالة ان لاتنطفئ السيارة ولكن تضعف واول ماتطفي الماكينه وتشغلها من جديد ترجع فترة قويه و بعدها ترجع على ماهي عليه
عشت هذه التجربه مع المرسيدس واحسب ان مشكلتك هي نفسها و الله اعلم

مشكور اخوي Type R

قبل يومين دخلت السياره الوكاله لعمل صيانة 55000 وطلع معي مهندس وشاف المشكله وقال هذي بخاخات وبالفعل غير البخاخات على الضمان ومن اول مااخذت السياره من الوكاله والمشكله زي ماهي!!

وهذا نفس البخاخ اللي عندي:

http://www.autobarn.net/elcl45wtoz.html

نعم ممكن تكون المشكلة حساس الهوا ، وتقدر تنظفه والشغلة ما راح تكلفك أكثر من 25 ريال :)

أدخل على هذا الموقع :

http://www.berrysweb.com/clean_your_maf.htm

هنا بتلقى الطريقة وهي مشابه لأغلب السيارات ، وأنا طبقتها على سيارتي السوبارو ومشي السيارة صار أحسن من قبل :)

بخاخ التنظيف نفس إللي موجود في الموقع أنا أشتريته من ساكو بـ25 ريال لكن أنا إللي أخذته مكتوب عليه :

QD Electronic Cleaner

بينما إللي في الموقع :
Electric Parts Cleaner

طبعاً الأول أغلى من الثاني لكن الفرق أن الأول مخصص للأجزاء الألكترونية بنما صاحبنا في الموقع أسخدم البخاخ المخصص للقطع الكهربائية.

وعلشان تكون في السليم أستخدم البخاخ المخصص للقطع الألكترونية "الفرق 4 ريالات".

63 مشاهده ورد واحد!!!!!

مافي اي رد؟

ياشباب جزاكم الله خير اللي عنده اي معلومه عن المشكله يفيدنا!