فورد ماركيز 2003 فل اوبشن اعلى فئة ( ليمتد) لون ابيض

نقطك في الهيدروليك صحيحة مية في المية

أما القير خاطئة ، أنا زيت القير حق سيارتي الماركيز ما قد غير من طلعت السيارة من الوكالة بأمريكا
والحين ماشية حول 90 الف كيلو والي لاحظته عليها إن تغيير القير فيها محسوس جدا وواضح
وديتها لأكثر من ورشة كلهم قالو زيت القير ما غير من قبل غيره ويرجع القير طبيعي

الله يعطيك خيرها رائعه

الحزاااام بسيط مره اذا انت من سكان الرياض روح لم العليان حق زينة السيارات الي على طريق خريص وقلهم ابغا البلاستيكه الي تركب مكان الحزام وراح تلقاها ان شاء الله البلاستيكه هذي تشوف القطعه الحديد الي بالحزام (اللسان المعدني) تكون بدالها وتركبها وتريح نفسك من الصوت والحزام يكون بنفس مكانه بس خذ حبتين لأن وحده ماتكفي لازم السواق والراكب انا مجربها بفورد ولومينا
وتقبلو مروري

بالكويت موديل 2007 على 5000 تقريبا او 4500 وفل كامل بس دينار اللي يبي يحسبها الريال احسب الدينار=14 ريال
وعليك الحساب

الله يعطيك خيرها ويكفيك شرها

لكن والله غاليه يا الحبيب

ليتك رحت الكويت وشريت من هناك

2005 تإخذها بسعر خمسه واربعين

وال 2005 ما عليها جمرك يعني صافيه خمسه واربعين

حبيت اضيف بس على كلامي انا مبدل الدينموا وماراحت هالمشكله اللي هي ضعف ضوء العداد يعني الدينموا مالك سليم ان شاء الله

واعتقد لو تستعمل بانزين 95 افضل انا صحيح من اهل الكويت لكن لي جيات لحفر الباطن وكل المواتر الجديده والاوتوماتيك خاصه تعبي بانزين 95
وبصراحه الله يعين مكاينكم على بانزينكم لان سيارتي كانت تقطع ولما وديتها اسويلها تصفيه بدلت فلتر البانزين العامل انهبل قال شنو هذا؟قلتله شفيك؟قال الفلتر حيل حيل متوصخ .. عقبها سألني تعبي بانزين السعوديه؟قلتله ايه ليش؟فيه مشاكل؟قالي ان البانزين مهو مصفى مثل بانزين الكويت .. عموما الله يعينكم على هالبانزين .. ونصيحه ثانيه كل فتره وفتره شيك على فلتر البانزين .. اسف على الاطاله

الله يعطيك خيرها ويكفيك شرها يارب

اخوي انا عندي نفس موترك بالضبط بس مواصافات الخليج ولونه ذهبي .. موجود بالتوقيع صورته

الشباب قالولك كل شي وانا احب اضيف اللي اعرفه

بالنسبه للاشياء اللي بدلتها .. ناقصك تبدل الكويلات واعتقد عددهم 3 كويلات
وبالنسبه للكهربا وانت صافط تحس انها تضعف وتقوى انا مثل مشكلتك بالضبط لكن للحين ماسألت عنها لانها بيني وبينك مومأثره سلبي على اداء السياره

ونصيحه بالنسبه للهيدروليك اذا ركب معاك شخص بالسياره وسمعت صوته يشتغل لاتحرك الموتر خلك واقف الين مايرتفع الهيدروليك ويسكت صوته عقبها حرك اضمن لك

وفلتر القير انا افضل انك ماتبدله لان معظم السيارات من تبدل زيت او فلتر للقير احتمال يضرب معك

ونصيحه اخو .. اذا انت حاس موترك فيه شي وانت توك شاريه لاتوديه الا للوكاله صحيح تبي تقط عليه فلوس بالهبل لكن انت من داخل تكون مرتاح لان قطع الغيار مكفوله .. وشغل اليد مكفول والسياره بالوكاله ماهي عند مصري ولا سوري ولا هندي يعني شغل السياره مضمون لكن انتبه! اذا مثلا تبي تسوي شغله بسيطه بالسياره مثل تبديل زيت او فلتر او بواجي او فلتر هواء شغلات خفيفه يعني وغير حساسه لاتبدلها بالوكاله بدلها بره ارخص ونفس الشغل ماراح يزيد او ينقص اللي قصدته بكلامي اذا كان الشغل اللي تحتاجه سيارتك يخليها تبات في الكراج لاتسويها بره الوكاله اما اذا شغله وانت واقف سوها بره اوفر لك ..!!

والدينمو اذا مشتك منه انت افحصه عند الوكاله او اي كهربائي عشان ترتاح نفسيتك!
ونصيحه اذا حاشه خراب لو بسيط لاسمح الله .. لاتهمله لان الخراب يجر خراب لما تتراكم ..!!

اسف على الاطاله واتمنى اني افدتك .. واي سؤال تبيه اسأل وان شاء الله اقدر اجاوب عليه .. سلام

ماشاء الله تبارك الله

السيارة طقم مع سيارتي:eh_s1: ولاتقول انها من البيان بعد:smilie6:

السيارة جديدة ماشاء الله ولاتحتاج لتغيير أي قطعه

ممكن توضح لي وش المشكلة من الكهرب حتى أساعدك....!!

لأنها تطلع مو من الدينمو أكثر الأحيان.

بالتوفيق

الف مبروك ويعطيك خيرها ويكفيك شرها

انا من الناحية الفحمات نفس الحكاية وماسبق الذكر من اخواني لاتشيل هم
اما من ناحية الجرس انا فقط شابك الحزام ورابطه من ورى المرتبة
اما من ناحية الراكب الثاني مافيه مشكلة مايطلع جرس

لكن حاول تتجافى الزوائد الالكهربائية كالزينون الا انك تركب ظفاير وخاصة الامريكي

ولكم مني اجمل تحية والله لايوريك فيها مكروووه

الله يبارك فيكم ياشباب

ومشكورين على النصايح الحلوة

واحب اوريكم صورة الموتر

قولو ماشاء الله ^ ^

هذي صورة الموتر من داخل





وهنا صورة الموتر يوم كان بالفحص البريدي حق معارض النسيم قبل مااشتريه ^ ^





صورة ثانيه









نسيت اقولكم اني غيرت بعد المساعدات لأن المساعد اليمين كان مش كويس

فغيرت الأثنين الامامية


وان شاء الله بشيك على زيت الدفرنس

اخوي جذاب اجل الحين مطقمين نفس اللون ونفس الموتر هههه :2smilie40:

الله يبارك للجميع ^ ^

طبعا الفحمات كنت ابرجعها بس لأني استخدمتها اكثر من 4 ايام والصوت ماطلع إلا بعد يومين او ثلاثة

فرفض انه يرجعها

اهيم شوقا

بالنسبة للبانزين فهو 91 على كلام الميكانيكي اللي بالبيان


مشكورين وماقصرتم على الإفادة

ولو فيه أحد عنده شي عن الكهرب

طبعا رحت شيكت على البطارية كنت اتوقع السبب منها صارت سليمة

فالظاهر ان البلا من الدينمو

بس مانيب مستعجل بروح لأكثر من ورشة وبشوف وش الخلل


^_^

صراحة سعرها رخيص جدا والله يعطيك من خيرها ويكفيك شرها


وش نوع البنزين الي تستخدمه؟

الف مبروك والله يعطيك خيرها ويكفيك شرها
والله الله بالمشي الهادي والصيانه الدوريه

علئ البركه الله يعطيك خيرها ويكفيك شرها

ماشاء الله نفس سيارتي ونفس اللون كمان:smilie6:

السيارة عملت لها اللازم ومايحتاج تسوي شئ ثاني والسعر بصراحه روووعه

وزيت الدفرنس شيك عليه اذا كان ناقص او لا.؟؟

ولاتغيره خليه على شد بلده.

الفحمات يحتاج لك تسوي صنفرة لها وللهوبات ..وبعدين لما اكتشفت انها درجة ثانية ليه مارجعتها للمحل...؟؟

على العموم هي تؤدي الغرض ولاتشيل هم الصفير.

وسؤالك عن ضعف الكهرب لما تغير من Dإلى R هذا طبيعي في الفورد انه يضعف بعض الشئ

لكن اذا كان بزياده واذا كنت تحس ان السيارة بتطفى عن الاشارات مثلا فهي تحتاج لتنظيف

منظم الهواء ومكانه في أخر المكينة من جهة الزجاج الأمامي

وبالنسبة لجرس الحزام الله يعينك تربط الحزام وهو أفضل لك ....ولكن اذا معاك راكب ثاني لازم يربطه

لأن فيه حساس في مقعدة الراكب .

وأي سؤال أو استفسار لاتتردد.

ينقل لقسم الاستفسارات

الف مبروك يعطيك خيرها ويكفيك شرها

فيه شي ناقص
فلتر الهوا وتراه ضروري وعند البناشر وقطع الغيار تلقاه

والسعر مناسب جدا
ومشكلة تصفير الاقمشه طبيعيه لانها موتر كرافت نوعها امريكي وممتازه والغالبيه العظمى من اصحاب الفوردات يغيرونها والحقيقه هي نوع ممتاز وقريب جدا من الاصلي لكن يعيبه صوت التصفير لكن الاصوات تتلاشى وتختفي وتخف مع مرور الايام اذا ماتبي صوت صفير غير اقمشه اصليه تلقاها بالوكاله وكرتونها عليه ختم فورد الازرق والابيض

ومشكلة الكهرب مامرت علي ولااحب اقول شي ماني متأكد منه
لكن الافضل افحصها كومبيوتر فحص شامل
ولو الدينمو فيه خلل راح تلقى لمبة البطاريه شغاله عندك
ايضا قد تكون البطاريه على نهاية عمرها
ولاتستعجل قد يكون طبيعي انتظر اصحاب العدادات الالكترونيه ونشوف رأيهم