ممكن احد يفيدني كيف استعمل الدبل باختصار

2H: هذا سيارة تكون دفع خلفي يستخدم داخل البلاد وفي الخطوط
A4WD : هذا معنا دفع رباعي أوتومتيك
هذا يشغل الدبل لكن مايشغل إلا إذ غزرت السيارة
أول ماتغرز السيرة رح يشتغل الدبل
هذا تقدر تشغل وسيارة تمشي بس لزم تكون طارها سيدها وماتدعس بنزين
4H : هذا الهاي دبل الخفيف هذا الوضع يستخدم في الرمال و الطين والثلج
هذا تقدر تشغل وسيارة ماشية بس لزم تكون الطارها سيدها وماتدعس بنزين
4L : هذا لو دبل الثقيل عزم عالي بسرعة منخفضها يفيد في حال التغريز الشديد و سحب السيارات المغرزة نزول المنحدرات الحادة
هذا الوضع ماتقدر تشغلها إلا وسيارة واقفه تمام والقير على N رح تسمع صوت خبطتين هذا طبيعي
بنسبة لقيادة دفع الرباعي تختلف بختلف التضاريس من رملي صخرية طينية
بس فس المملكة إغلب التضاريس رملية
يفضل تشغل 4H و تنسم الكفرات 20 قدام و 25 ورى** عشق القير على 2 وشغل الزر الاوفر ديف
علشان القير يضلي على 2 مايرجع على الاول
وتوكل على الله
حالول انك تمشي بهدوء وتكون دعسك على البنزين بنتظام ولفك الطارة يكون خفيف كانك تتجاوز في طريق سريع
انصحك تشتري عيار هواء نوعية كويسه قرائتها صحيحه + خبطه ( واير سحب ) + منافخ هواء لكفرات
انصحك تخلي طلعت مش في رمضان لنك مبتدى
انا قبل سنتين طلعت في رمضان ساعة 4 و ساعة 5 و نص غرزت ههههه
وطلعت ساعة 6 بعد ما أذن
** يمكن تولع عندك لمبة في الطبلون بعد التنسيم لونه برتقالي فيها دائرة كانه كفر وفيها علامة تعجب هذا لمبة طبيعي تولع إذا نزل ضغط الكفر عن 30

مثل ما قال الاخوان..
خذ معك شخص خبير بالدبل الامريكي لسيارة اوتوماتيك..
تجربة واحدة في البر تغنيك عن الف كلمة..
تحياتي..

فعلا الله يجزاهم خير الشباب ماقصروا

مازيد على كلام الشباب الا نه ماينفع التعليم الا بالتجربة ...
يعني اطلع يوم منطقه قريبة ويكون معك شباب فاهمين او سياره ثانيه وجرب الى ان تضبط امورك بس انتبه ترى البر إدمان خاصة اذا حبيته...

اهم شي التنسيم الى 15 و انك ترجع القير الى D2 و بعدها تمش براحتك حتى بدون دبل

و للعلم اذا جيت تبغى تحطه في الثقيل ترا مستحيل يشبك لك الا والقير في وضع N و راح تسمع له طقه وهي طبيعيه و هي ناتجه عن التروس و انها لقمت بشكل صحيح

و اذا غرزت فضعه في الثقيل اللي هو L4 و احفر عن الكفرات و مهد طريق و حسب ما تشوف الافضل بالنسبه لاتجاه الاسهل لتطليع السياره و اذا منت منسم فنسم الى 10 و اذا معك اشخاص فخلهم يدفون معك و حاول تخفف من الاوزان اللي معك في حال الغراز و من الاساس لا تزل من الاسفلت الا والخفيف شغال

تحياتي

يا الغالي على طول تخلي السيارة 2H

و اذا دخلت طعوس A4WD و هذا الخيار معناه دفع رباعي مستمر يفصل و يشبك و يتوزع على حسب الحاجة , تحتاجة بالطلعات القوية خارج البر او في المنزلقات و اعتقد انك تقدر تمشي علية لحد سرعة 100 كلم
و الخيار 4H معناه دبل خفيف مستمر ما يفصل ابد ايضا لطعوس و غيرة جبال
و الخيار 4L معناه الدبل الثقيل اذا غرزت تستخدمة او اذا سحبت سيارة مغرزة يكون اقوى لعزم السيارة

و القيادة بالنفود على حسب و اكثر التطعيس ما يبي سرعة ابد الا اذا بترقى او ....
دبر امورك ادخل النفود و تعلم

اتمنى اني وصلت لك المعلومة

شكرا لكم
الدبل يشتمل على محاور متى يكون الاستعمال
المحاور هي على الترتيب
2H
A4WD
4H
4L
متى تستعمل
وكيف تكون القياده على الطعوس هل تكون بسرعه عاليه ام متدنيه؟
واذا غرزت اي نمره من الدبل اضع؟
شكرا لكم تجاوبكم

بالعكس يا اخي ياسر

الدبل الثقيل يريح الكلتشات من الحماوة الزايده في حالة الغراز و لكن لا ينصح باستعامله لفترات طويله لانه يحمل على المكينه ولا تتعدى به سرعة 50 كيلو و لا تكسر الطاره للاخير اذا شغلت الدبل لانه يضر بالعكوس و اذا شغلت الدبل الثقيل فلا تشد على السياره مشان ما تشد على الجنزير حق الدبل فجأة ثم ينثلم او تنكسر علبة الدبل

تحياتي