حيا الله السمي اخباركم ياهل الكويت ونعم الرجال والله شهامه وطيبه وفزعه وقبل هذا كله اهلنا
يعلم الله انك كفيت ووفيت ويرحم والدين جابوك
بس بسألك اخوي بندر هل الوكاله يصلحون النور يعني يزيدون من قوته لانه انا سألت الوكاله قالو ماعندنا الا مثل نور سيارتك تبي او رح ركب كتاوت وشغلات انا مابيها
قلته انا اعرف وادل الطريق مايحتاج تقولي رح وشف برا يركبون قال ماعندنا الا اللي قلنا لك
وربي يخليك لعين ترجيك
تراي بسيير عليكم بعد العيد ان شاء الله
الله يحييك ويبقيك ماعليك زود يالسمي.وبالنسبه لسؤالك الوكاله صحيح ماتركب زينون ولو في احد من موديلات الفوردات تجي فل ابشن مع اضائه زينون كان قدروا يركبونلك .. لكن هذا احد عيوب شركة فورد ماتحط زينون بالسيارات ذات المواصفات الكامله..عموما مالك الا هيفا على مايقولون،اللي اقصده تركب زينون وبالنسبه للضفيره لتلافي الاضرار ان نتجت من الزينون ركب ضفيره اضافيه للزينون فقط!عشان لا سمح الله احترق مايحرق ضفيره السياره،معني مركب زينون ولاني مركب ضفيره لانه قالي تبي ضفيره للزينون ادفع5دنانير=70ريال سعودي فا رفضت وقلت خله على ضفيره السياره،واخوي والله الاخوان بالمنتدى كفوو ووفوو بهالمواضيع وانت دور بالمنتدى وبتلاقي حل لمشكلتك انا لقيت حل للماركيز مالي عندي حلين:-الاول:اركب عدسات وهي شغله مكلفه بالنسبه لشخص عاطل عن العمل،الحل الثاني والانسب:-تركيب جهاز بوش الماني اصلي مو الصيني اللي مايمديك تعدي عتبت المحل الا خرب معك+اخوي انا سألت عن رقم شمعات الزينون حقت الفورد وبصراحه كل واحد يعطيني اجابه واحد يقول رقمهاH4 وواحد يقول9002 وواحد يقول 9000 والله ماادري اصدق منو لكن فيه قاعده تجي فيها شمعتين لكل ليت يعني يكون عندك النور عالي وواطي وهذا اللي حنا نبيه اصحاب الفوردات سواء ماركيز او فكتوريا بس اللي يبي يخليك تزيد التكلفه هو ان كل ليت راح يطلب منك انك تركب محولين يعني النتايج=4 محولات عشان تشغل الزينون العالي والواطي في الليتين!واذا انت جاي الكويت وحاب تشوف الاسعار بعينك وتسأل يمكن تلاقي شي يناسبك قولي عشان ارسلك عنوان شارع الزينه بالكويت وبتلاقي محلات كثيره بهالشارع وكل واحد له سعره واجهزته!بس الفوردات بالكويت شبه منبوذه!لان اكثر استعمال الشباب الكويتي هو اليوكن او التاهو او الوانيتات الجمس و الشفر فلذلك كل ماسألت عن اكسسوارات للفورد يكون الجواب"لاصديق مافي"
عموما انا عشان اختصر عليك المسافه حصلت جهاز زينون بوش+شمعه عالي وواطي زينون واصفر يعني يا تخلي الزينون عالي والواطي اصفر او العكس!وهذا سعره طال عمرك 70 دينار بما يقارب 996 ريال واذا ماخاب ظني قالي الضمان يا سنه او سنتين او ثلاث خبرك الذاكره معدومه عندي ومااتذكر!
اسف على الاطاله .. واهلا ومرحبا بك .. تقبل مروري المتواضع .. !
