بخصوص أستفساراتك اخوي
مثل ما قالك ولد وايل أن Z71 هذا نوع مجهز بتجهيزات أضافية للطرق الوعرة أهمها الدفلوك وهو الكتروني في الدفرنس الخلفي فقط يرمز له بالرمز G80 ونوع Z71 يجي أختياري مع الدبل يعني ما يجي طراز Z71 بدون دبل لكن يجي دبل بدون Z71
بخصوص القطع 1500 و2500 الفرق بينهم:
أن قطع 1500 يجي منه 3 محركات الأول 6 سلندر سعته 4.3 لتر وهذا ما أعتقد يتوفر بأسواقنا وضعيف جدا حيث قوته 195 حصان فقط!
المحرك الثاني 8 سلندر 4.8 لتر قوته 295 حصان والعزم 305 رطل/قدم (يجي في الانواع السياحية عندنا)
المحرك الثالث 8 سلندر 5.3 لتر بقوة 315 حصان وعزم 338 رطل/قدم وهذا يجي في الفل كامل
على فكرة القوة المكتوبة فوق من موقع GMC بخصوص الكتلوجات الي عندنا تكتب قوة أعلى من كذا وماني متأكد من مصداقيتها يقولون علشان دبة التلوث مشيولة من الي مخصصة لأسواقنا
وعلى فكرة يوجد محرك رابع لقطع 1500 بس مو متوفر عندها وهو 6 لتر راح أتكلم عنه لاحقا وهو متوفر في طراز 1500HD فقط ويجي في الغمارتين فقط
قطع 2500 يجي منه محركين واحد بنزين والثاني ديزل
المحرك الاول 8 سلندر 6 لتر قوته 367 حصان والعزم 375 رطل/قدم
المحرك الثاني 8 سلندر ديزل 6.6 لتر تيربوديزل قوته 365 حصان وعزم 660 رطل/قدم (غير متوفر في أسواقنا)
أما بخصوص القير العادي فهو يجي أختياري في اي فئة حتى على الدبل لكن حسب توفره لدى الوكيل يعني ساعات يجيب وساعات لا
بخصوص الصندوق هو يجي طويل وقصير للغمارة ونصف والغمارتين
أما بخصوص الغمارة الواحدة
فهو يجي قصير وطويل في قطع 1500
لكن يجي صندوق طويل فقط في قطع 2500
وهذي صورة لقطع 2500 غمارة (لاحظ طول الصندوق)
والله شوف مشاكل القير هي عيب مصنعي في اليوكون والتاهو ما ادري عن السييرا لكنه يحمل نفس القير في قطع 1500 وهو 4 سرعات آلي
لكن قطع 2500 فهو مختلف تماما! لأن القير فيه التماتيك 6 سرعات! والقير التماتيك يصلح للبر بس مو زي العادي العادي أنشط وهذا معروف لدى الجميع
على فكرة ترى قطع 1500 الجنوط تجي 6 مسامير بينما قطع 2500 تجي 8 مسامير
الرساوة ما يفتيك فيها إلا الي مجربها لكن أعتقد أنه راسي بشكل معقول
والله شوف قطع 1500 تعليقه مختلف عن تعليق 2500
بخصوص لما تشوف قطع 1500 أخبر يجي يايات في الخلف أما 2500 يجي في الخلف سيست طبعا السيست أفضل في التحميل لكنها بالخط تطامر بيكون فيه راحة لانه مو دايم يطامر ولا مطامر الأمريكي مثل مطامر البيك أب الياباني غثيث بالراحة بس مو أريح من قطع 1500
بخصوص الصورة الداخلية
هذي صورة لداخلية الغمارة قطع 2500 دبل تماتيك وتقريبا أيضا قطع 1500 الغمارة نفس اشيء
على فكرة يمكن تستغرب تقول ليش ما تجي داخلية السييرا مثل اليوكون
شوف هذي هذي داخلية سييرا
شوف هذي كيف فخمة
لكن مثل هذي الداخلية تلقاها بس في قطع 2500 الغمارة ونصف أو الغمارتين لكن الغمارة الواحدة ما يجي داخليته زي كذا تجي الصورة الي قبلها
وهذا ما لدي :)
