أستفسار:بخصوص الباترول 2008-2009 ضروري الله يوفقكم

مشكورين والله ماتقصرون
بس أنا سمعت أن معلومتكم صحيحه أن 4800 أقل صرفيه من 4500
بس وش مواصفات الفتك 2008-2009 أقل شي برفارف سود وهل مكيفه ورا في الوسط يعني خلف الراكب والسواق بس ولا بعد ورا في الاخير
وسمعت أن سعره بحدود 105.000 ألاف صدق ولالا
ومشكورين والله ماتقصرون

بالعكس صرفية ال 4800 افضل من صرفية 4500


ال 4800 تبدا من ال GL ال S فقط هو الي توجد عليه مكينة ال 4500

وعليكم السلام ورحمة الله وبركاته...

السيارة عملية جداً واستهلاكها للوقود معقول نوعاً ما ومريح بسبب نظام التعليق ولابد من أصوات الهواء على الخطوط السريعة...

بس اللي أعرفه إن السلق ( درايش كهربائية ومكيفين ) يجي بمكينة 4500 ومستغرب من الشباب اللي يقولون انه 4800...!!

مكينة 4800 جات على الفتك... نص فل وانت طالع..

وبالنسبة للعيوب الي تحصل للنيسان والمشاكل الخاصة بأصوات القرقعة في الديكور الداخلي هذا في الفل كامل لأن ديكوراته كثيرة... لكن الأنواع الأقل مافيها مشاكل أبد لأن داخليتها بسيطة ومافيها ذاك التعقيد...


بالتوفيق’’’

مشكور بس كم سعر أقل فئه من الفتك أبو رفارف سود

لمعلومتك اخي الكريم صرفية 4800 احسن من صرفية 4500
4500 تقنيتها قديمة اظافة الى انها تبذل جهد اكبر لحمل الباترول
بينما 4800 تقنية جديدة ومناسبة لحجم الباترول
اذا انت مصمم على الباترول لا تاخذ الا مكينة 4800 اذا قدرت
والله يكتب لك اللي فيه الخير

طيب ياياسر هل إذا طلبته طلبيه مكيف ورى يجيبونه لي معارض أو لا
وعلى علمي ان sgl-v هذا مكينت فتك ولا أبيه عشان صرفيته
ومشكورين على كل من رد على موضوعي وتفاعلكم جدا حلو ^_^

اتمنى إن الشباب أفادوك لكن انا انصحك بـ الاكستيرا ... موتر حلو قوي وسعر معقول وبالتوفيق
ولاتنسى اخوي صلاة الاستخارة والله يوفقك

ينقل إلى قسم طلبات وإستفسارات الاعضاء

حسب معلوماتي البسيطة متواجد بالSGL-V
بس مدري اذا الحمراني يجيبه ولالا

فكر في الباثفندر SE الموتر مريح والناس تمدحه سعره 112 ألف ثلاث صفوف 6 سلندر

وعندك البرادو vx1 سعره 120 ألف ثلاث صفوف 6 سلندر

وعندك الفورتشنر vx1 سعره 100 ألف ثلاث صفوف 6 سلندر

والباترول موتر ما عليه كلام بس ترى مافيه مكيف خلفي إلا إذا كان سفاري

الله ييسر أمورك ويوفقك بالموتر الزين

سلام

لاهنت ياسر مشكور والله ماتقصر وافي
jab 22 ماأبي مستعمل ياكرهيلي للمستعمل
بس هقوتك ألقا 2007 سفاري 1أو 2 جديد بـ100000

100 الف تجيب لك رقم 2 2007 مستعمل مكينة 4800 سي سي قيرين ترا موتر بر بحق وحقيقة
انحش من 4500 سي سي ا

اقل فئة الي تريد فيها درايش كهرب تسمى SGL هذي تجي فيها مكينة الفتك 4800

6 سلندر

280 حصان لمكينة ال 4800 فتك

وفوق العشر سنين ان شاء الله ومع الاستخدام الصحيح يعيش اكثر ان شاء الله


معلومة خاطئة مدري منين جايبها اخوي
قد يقل عزمه بعد 5 سنين وهذا شي طبيعي بكل سيارة لانها راح تحتاج تصفية مكينة وترجع المكينة وكالة

لا دفع خلفي اساسي ودفع رباعي عند الطلب

من اقل فئة الى اعلى فئة كلها دفرنسين

المكينة الجديدة الي نزلت صرفيتها هي هي صرفية اللاند مع فارق بسيط جدا تقريبا حول ال2ريال لصالح اللاند

شيئ طبيعي بهذه الفئة من السيارات

خذ راحك وهو لم يصنع الا لمحبي الطلعات البرية والاستكشاف

بيني وبينك كلهن يصرفن اذا كنت راعي دوران ماانصحك بالباترول خصوصا ال4500 لانه ثقيل بالديره خصوصا انك راعي دوران و بيجننك الجيب بالصرفيه وبما انك شاب خذ لك جيب صغير اريح لك واقل صرفيه عندك الفورتشنر والاكستيرا والاف جي

اذا حدك 100 الف افضل لك تشتري
فورتشنر او اكستيرا مواصفات افضل ومكاين اقوى وصرفية وقود اقل

وافين وافين قسم بالله
مشكورين ولا أقدر أعبر عن شكر لكم
بس الـ4800 يصرف بشكل غير طبيعي مررره وأنا بالنسبه لي الصرفيه سبب لعد الشراء لاني راعي دوران مرره خصوصا اول سياره
أنا أبيه ما يصرف واجد يعني زي صرفيت الجمس 1500 هذا صرفيته ولا أحلى وأنا سامع أن 2008 الباترول تغيرت صرفيتها صارت أقل هل هذا صحيح
مشكورين والله ماتقصرون
بس أنا حدي مره 100000
^_^
واليوم أنا سألت عن سعره السوح كفرات سلق درايش كهرب سعره ما يتعدى 97.000 ألف
وش رايكم هاه أصمل على فكره أنا مب شاريه الحين
بشتريه بعد شهر بالكثير
هاه خلاص أصمل عليه ولا لا

عليكم السلام ورحمة الله وبركاته
1-4500.
2-سته سلندر.
3-مدري.
4-نعم.
5-مدري.
6-لا لكن مافيه عزم وعليه ثقل بالديره لكن بالبر مايحتاج.
7-لا.
8-لا.
9-صرفيته حليله يعني تقدر تقول انه يصرف خصوصا اذا صار قير عادي .
10-فوق 140 لازم صوت هواء بحكم ارتفاع السياره لكن السياره يعتبر عزلها مناسب.
هو للبر مايحتاج لكن بالديره ثقيل وعزمه لك عليه شوي وبالخطوط مناسب .ياليت لوتقدر تزود دراهمك وتوصل للفتك اقل نوع قير عادي سعره 122الف عزمه ممتاز مره .
اتمنى اني افدتك واي سؤال حنا حاضرين .