إيش رايكم في جراند ماركي

اخوي اشتر الفورد وابعد عن الكابريس انا مجرب الكابريس 2001 امشي وانا حاط يدي على قلبي دايم

مشكور أخي 200km ..

قطع المازدا عندنا في السعودية أيضا غالية بس قيمتها فيها وهذا الكلام عن تجربة ، فقد كانت عندي مازدا 626 موديل 1992 ركبت لها فحمات بريك وصار عندي تنسيم ماي في الراديتر وارتفعت الحرارة وطبعا مع ارتفاع الحرارة مسك البريك وظليت أمشي بها حوالي 50 كيلو متر وريحة الفحمات طالعة وأنا حاط الدعسة كلها و يالله أمشي 60 حتى وصلت الصناعية وأنا أقول في نفسي أن الفحمات الجديدة راحت والله يعيني على غيرها، ولكن المفاجأة أن الفحمات نفسها ظلت على جودتها إلى سنة ونصف على ماحصل . وكذلك باقي القطع التي وضعتها في السيارة لم اشكو منها مرة أخرى حتى بعت السيارة.

وهذا ماشجعني على اختيار مازدا6 التي تعتبر خليفة 626.

أما بالنسبة للعشى ، انتظر حتى أبيع الكابرس اللي عندي ، و أجمع لي كم ريال ، بعدين أروح للوكالة وأقول لهم أبي كامل المواصفات ويقولون لي انتظر شهر ، وبعدين أقولك متى العشى.. وتكرم عيونك.

تحياتي

اختيارك حلو يا شهاب ,,لانه وبشكل عام الياباني احسن من الامريكي ..لكن مادري شلون اسعار قطع غيار المازدا ,,لكن عندنا نوعا ما غاليه مادري شلون عندكم ‍؟
والله يوفقك انشالله ,,اقووول متى العشى ؟:)

مشكور أخوي 200km
الصراحة فكرة الفورد راحت من راسي بسبب سعرها المرتفع ( لكن سعرها فيها )
والظاهر أني باخذ لي مازدا6
أما عن الكابرس فأول ماطلع كنت متحمس له وكنت معزم أبيع الكابرس اس اس 96 اللي عندي واشتري اس اس 2000 بس قلت انتظر شوي ، وصار أن احد الشباب شرا له LTZ وطلع الامارات وشاء الله أن يطيح القير -كيف مأدري- وتبهدل هناك بهدله وتم اصلاح السيارة في الامارات على حساب الجميح ومن بعدها وأنا شلت الفكرة من راسي

مرحبا اخوي شهاب
من واقع تجربه ..كان عندي ماركيز 2002 وبعته من فتره قصير بصراحه سياره ماعليها كلام ..سواقه اخر حلاوه ,,هدوء ثبات ولا ارووع وصرفيه حلوه يعني كانت تمشيني 400 الى 450 حسب الدعسه ! والحين ناوي انشالله على ال 2003 كامل الزيادات قير ارضي هذااااا اللي ذابحني :) ولد خالي عنده واحد وجربته والله روووووعه ,,شوف مقارنه هذي السياره بالكابرس ,,الولد عنده كابرس ونا من عشاق الفورد يعني قبل ال 2002 كان عندي واحد 98 ,,الفورد ارسى واهدى من الكابرس وصرفيه البترول اقل وصيانه اقل ,,الكابرس عزم اعووذ بالله طياره شكل حلو لكن بالمقابل خراباته كثيره ,,وتيحياااتي لك

شكرا على الرد

بالنسبة للكابرس فموديل 2000 وطالع طاح من عيني

وأنا الحين أفكر في الفورد ويمكن أغير رأيي إلى مازدا 6

الماركيز حلوه وميزتها انها تعمر وخراباتها قليله وسياره رسميه وشكرا