عاجل عاجل عاجل .. يااخوان تكفون الفزعه اخوكم ورطان !!!!

ماونتنير 2003 @user_126215 · 13-10-2008

بسم الله الرحمن الرحيم

ياخوان كنت اتمنى اشتري سيارة دفع رباعي والحمد لله اشتريت ماونتنير 2003 فل كامل استخدام امريكي 8 سلندر ضمان 6 شهور ماكينة جربوكس دفرنس . سالت عن السيارة في هذا المنتدى ولقيت كلام جميل عنها واشتريتها بس المشكلة ما كنت اعرف ان السعودي ما يجي الا ستة سلندر . رحت وكالة الحاج علي حسين رضا وافادوني بتوفر جميع القطع ماعدا ( الماكينة ) ...
تكفون ياشباب افيدوني وش اسوي بعد ما دفعت الفلوس وطلعت الللوحات والاستمارة . انا موجود في جده
الله يوفقكم ويجزاكم كل الخير افيدوني بأي حل . ( فرج الله عنا وعنكم )
:emot76:

أبو LAMeS @user_107563 · 13-10-2008

طيب الصالة اللي طلعت منها السيارة ما يوفرون لك قطع المكينة ؟؟
إذا كان الجواب لا ...
حاول إنك تتفاهم مع نفس صاحب المعرض يمكن الله يهديه ويصير إنسان سمح ...
على فكرة بكم أخذت السيارة ؟

الله يسهل أمورك

Microsoft @user_17932 · 13-10-2008

مع إني ما عندي خلفية عن السيارة

لكن أحب أطمنك أنه في الغالب تكون المحركات متوافقة مع بعض السيارات

* مثلاً اللاند الجديد والبرادو والـFJ والفوتشنر كلهم محركاتهم وحده

فلو تنقل موضوعك (أو تكتب واحد ثاني) في القسم الأمريكي تسأل عن

السيارات إلي بنفس محرك وقير سيارتك بإذن الله راح تحصل

أخوي Dr:cafe واحد من الزملاء عندنا في العمل معه نفس الإكسبلورر

أو يفرق كم موديل المهم إنه محصل أغلب إن لم تكن كل القطع

* الفكرة هي كيف تبحث .. :)

أبـــوبـــدران @user_19528 · 13-10-2008

ان شاء الله ماتشوف منها الا كل خير ..

سيارات مشابهه/ فورد اكسبديشن , لينكولن نافيكتور .

اذا مالقيت قطع للسيآره لاسمح الله , تقدر وبأسهل طريقه تطلبها من برا , يعني من امريكا .

:)

Dr:cafe @user_8719 VIP · 13-10-2008

نصيحة بيع السيارة باسرع وقت تقدر

اخوي شراء فورد اكسبلورر 2003 امريكي 8 سلندر
وخرب عنده المكيف ولف على قطع الغيار بالشرقية وما لقى دبة فريون والسبب بان 8 سلندر تختلف عن 6 حتى التشاليح ما لقينا وحاونا في دبة الفريون حقة الاكسبدشن طلعت تختلف وما تركب

وغير كذا جاوب عنده القير وتكلفة اصلح شي خيالي
5000 ريال واقل ورشة عطتنا بي 4500 ريال وضمان فقط 6 شهور

فنصيحتي لك الله يعينك وحاول تتخلص من السيارة قبل تتبهذل معاها

وكل كلمة انا كتبتها مسؤل عنها .....

asak333 @user_43369 · 13-10-2008

اعتقد ان ماكينة الاكسبدشن تتطابق معها

اهلا اهلا @user_56982 · 13-10-2008

ان شاء الله الاخوه العارفين يفيدوك .