بعد السلام
انا انسان سويت غلطه ماله داعي الحياه وابي الفزعه
انا شريت ددسن مديل 83 موقفه له اكثر من 3 سنوات بمزرعه المهم شريت وقضيت من الشايب يوم جيت ابي انقل الملكيه قلت له يا عم من بأسمه السياره قال انشد فلان شاريه من عنده ولا يدرون وين الأستماره المهم رحت لفلان الي يقول قا يا ابو محمد الموتر شاريه انا قبل 18 سنه من الطايف وناسي اسم راعيه ولا نقلته
عاد انا مسوي ابو العريف قلت ما عليه انا ابزبط اموري بنفسي
وادق على واحد من الشباب بالمرور قلت لك شف لي اللوحه من بأسمه ام 6 ارقام هذيك
قال يالحبيب هذي مب مسجله بالكميوتر
قلت له سهله يالذيب امسك رقم الهيكل ولكن مره اخرى فشل المشروع قالي مب مسجله
وانا صلحت السياره وبدت تمشي بس المشكله ودي اكمل بس وقفت يوم حسيت اني ما اقدر انقله لأسمي ولا اطلع له لوحات جديده
فوش الحل يا اخوان الدبره تكفون والي يبي ينقله لي وياخذ حقه يبشر بعزه
ولا تكفون عطوني حل لانه مره ضاق صدري ولا عرفت وش اسوي
علما بأن لوحته هي السعوديه نقل 5212104
مميزه صح تكفون الحل يا جماعه الربع والله يجزاكم عن خير الجزاء
واذا الموضوع مب هذا مكانه ارجو من المشرف نقله ويعذرني
