كلتش مروحة البليزر

اخوانى السلام عليكم ورحمة الله وبركاتة
انا عضو جديد فى هذا المنتدى وايضا عضو جديد فى السيارات الامريكى ( بليزر ) ز
لا اطيل عليكم
انا عندى بليزر 2005 فؤجئت بارتفاع درجة الحرارة فجأة فاوقفت السيارة واتصلت بوينش شالها على الميكانيكى طبعا المروحة كانت لا تعمل نهائى قالى ان المشكلة فى الكلتش روحت اشتريت واحد اصلى وركبته وبعد حوالى شهر نفس المشكلة حصلت تانى ز فما هو الحل ز بالله عليكم افيدونى . مع العلم انا الكلتش الجديد فى الفاتورة موديل 2003

أخوي الكلتش كهربائي ميكانيكي
لما يخرب الكلتش ويوقف عن الدوران .. فسر لي ليش يوقف وهو مربوط بكرنك طرمبة الماء ؟
هو ياخذ القوة الحركية من عمود طرمبة الماء ولكن لان سرعة دوران العمود غير كافة فيوجد بالداخل " داخل الكلتش" جهاز تروس وزيادة سرعة وجهاز حساس , "حساس سرعة دوران المروحة "وهذي هي النقطة اللي معقدتنا باستبدال المراوح بكهربائية بحتة تشتغل على حساسات المرسيدس زي اللي نركبها بالشيروكي
الحساس هذا وظيفته يرسل حالة سرعة الدوران للكمبيوتر وفيه حساس اخر للحرارة داخل الكلتش
هذا والله أعلم

الخلاصة أن الكمبيوتر يتحكم في دوران المروحة وسرعتها والتفسير المنطقي اللي سمعته ان الصوت المزعج او تشغيل السيارة لغرضين اولهما تجربة السرعة القصوي والثانية حسب ما ذكر لي هذا الشخص ان البليزر والانفوي فيه سخان يقوم بتسخين الماء والرديتر اول التشغيل اذا كانت السيارة باردة وذلك لان مكاين الفورتك تحتاج الى درجة حرارة معينة لكي تعمل بأداء 100% وهذا يلاحظه جميع ملاك البليزر
جرب تمشي بالسيارة وهي باردة وجرب تمشي وهي حارة
وجرب انك تطفي السيارة لما تكون جاي من مشوار وتكون الحرارة على النص .. وتشغلها على طول ماراح تسمع صوت المروحة ابدا والعزم بيكون تمام ...
الثقل سببه ضعف العزم وذلك للحفاظ على مكونات المكينة من ناحية البرودة والزيت واللزوجة وهذا كلام الشخص اللي قاله لي على علم ودراية و اشوف كلامه مقنع ...

كلتش الفورد يركب بالضبط على كلتش البليزر والانفوي ولكن بدون الاسلاك والكيبلات وبكذا راح تطلع لك تشيك انجن على طول
ولو جربت تركب مراوح كهربائية عادية سرعتين تخليها تشتغل على حساس حرارة تشريه وتحطه بكوع الماء والسرعة الثانية مع المكيف والدبل وغيره حل ممتاز من ناحية التبريد والعزم ولكن ستظهر لك مشاكل في الكمبيوتر اولها ses والحين قاموا يدفعون مبالغ لشركات برمجة كمبيوتر السيارة في امريكا علشان تعطيل حساسات المروحة

هذا اللي أعرفه أتمنى أن لا أكون قد أخطأت بشيء .. وأرجو ان أكون افدتكم بشي

هلا وغلا ..
اعتقد ان نفس المشكله اللي عندك هي موجوده عندي ..
لانه اسمع صوت المروحه يروح ويرجع وإلى الان مادري وش اسوي ..

ياليت تقولي وش صار الحين على الحراره وهل ركبت المروحه الجديده ؟!

والله يمكن من الدبات لاني شفت الدبه الي في الاخير متسكره بحاجه مثل الشعر فكوها ونظفوها قالوا لي هذا الشعر من الفلتر الي الدبه الاولي .... الحراره احسن بس مو مثل قبل يعني في نوع من الارتفاع . انا من شريت السياره قبل سنه طالعه لمبة check enging يعني السبب هو الدبات

بس لو تعطيني شرح لعمل الدبات وكيف وضع الحساس وكم تركيب الدبات تقريبا

تحياتي

مشكور ابو ريان على الافادة والمعلومات الرائعه هذي
انا ركبت نفس شكل هذي المروحة بس بالنسبه للرقم ماني متأكد

انا كان نفس الشي الامر طبيعي بالنسبه لي يعني كانت الحرارة ترتفع في الجو الحار بس يعني 45 درجه بس لما غيرت المروحة صارت ترتفع في على طول مع ان الجو الحين بارد يعني لو جا الصيف مشكله

غلطان يا اخي من البدايه

الكلتش اللي غيرته ما فيه شي اساسا

هذا الصوت اللي سمعته صوت طبيعي وموجود في البليزر الجديد وكذلك الانفوي
لذلك كان من الاولى انك سألت أصحاب البليزر والانفوي هل هذا الصوت طبيعي ؟ لانه موجود حتى في 2007 الجديد

أخوي أتوقع حل إرتفاع الحرارة البسيط هو من دبات البيئةّ(التلوث) في الشكمان
رح لمحل الشكامين وخله يقصها ويركب لك ماصورتين
وإنتبه خله يرجع الحساسين مرة ثانية في الدبة الجديدة(يخرم لها فتحة في كل دبه)عشان ماتطلع لك check engine
وترى هالدبة يشترونها منك لن فيها رصاص ومعادن ثمينة يعني ممكن تتفاوض بالسعر ويعطيك 100 أو 150 ريال عشان هالشيء

الكلتش قد يكون صوته مزعج في الدوران المروحة ولكنه ضروري في تنزيل الحرارة
ربما ركب لك كلتش بدون ما يتاكد من اشتغاله او لم يضف زيت للكلتش
هذا و الله اعلم

شكرا أبو ريان
بس أنا أعتقد أن أخونا تعجل في تغيير الكلتش
لأنه لازم يسحب من طاقة المحرك خصوصا بالصيف واللي جرب نيسان الباترول راح يعرف كلامي
وطبيعة الكلتش كذا
طبعا أعتقد الكلتش ميكانيكي وليس كهربائي بمعنى مافيه حساس يخليه يشتغل عند حرارة معينة
لذلك رجحت أن البرمجة تقتصر على حساس الرديتر لفتح البلف(الثرموستات)

هذه صورة الكلتش الجديد ، من انتاج شركة AC Delco ، ورقم القطعة 25790869


اسم القطعة : New GM Fan Clutch 25790869 AC Delco


وتستخدم لكل من : 2002 - 2007 Chevrolet Trailblazer GMC Envoy


وسعرها في أمريكا تقريبا : 289 دولار ، ما يعادل 930 ريال


صورتها :

حصلت لك الموضوع

http://www.assayyarat.com/forums/showthread.php?t=137636

جزا الله خير كاتبه ، ونريد ايضا رأي الخبراء

صارلي أكثر من نص ساعة وأنا أدور لك على موضوع قريته هنا في المنتدى بس ما لقيته

الموضوع كان يتكلم عن مروحة انفوي أو بليزر ما أذكر ، بس اذكر انه لازم اعادة برمجة كلتش المروحة بعد تركيبه جديدا ، وأذكر ان هناك رقم معين للمروحة أو الكلتش ولازم الواحد يشتري الكلتش او المروحة حسب الرقم اللي موجود على الكلتش أو المروحة الأصليان اللي راكبين اصلا في السيارة .

أرجو من أن يتم تأكيد ذلك من احد الخبراء

قد تحتاج لتسييخ راديتر
أو تغيير البلف
أو بالفعل تحتاج لإعادة برمجة حساس الحرارة حتى يفتح البلف على النص
سؤالي هل إشتغلت لمبة المكينة بعد تغيير الكلتش أو لا؟

كيفك ياخوى
انا عندي بليزر 2003 وارد امريكا والحرارة بعض الأوقات فوق النصف بشرطه وأوقات بشرطتين

وديتها للميكانيكي قال لي الحرارة طبيعية

يعني يالخوي لاتشيل هم ولا تضايق نفسك الحرارة طبيعية100%

وتقبل مروري