شعار يوكون دينالي الجديد : نحن نحطم أحلامك...!!

هذه مشاكل لا تحتمل.....لماذا؟

سياره جديده تدفه بها مبلغ وقدره تخرب خلا ل ايام او او اسابيع؟
ثم تجد نفسك فى موقف لا يحسد عليه بشر؟

لا سياره ولا فلوس؟

حسبنا الله ونعم الوكيل

هذه تأتى بمكينه:
6.4 لتر قويه ما شاء الله مصنوعه من الالمنيوم
القير ست سرعات

مشاكل الامريكى كثيره ومخجله لاى مصنع محترم ولا تحتمل ابدا!

نصيحه احفظو اموالكم وصحتكم بالبعد عن هذه الشركات؟! اذا لم يكن هناك حاجه ماسه

نصيحه لله والله اعلم

قال الله تعالى : (ويل للمطففين, الذين إذا اكتالوا على الناس يستوفون, وإذا كالوهم أو وزنوهم يخسرون, ألا يظن أولئك أنهم مبعوثون, ليوم عظيم, يوم يقوم الناس لرب العالمين!!!)

الحين الوكلا ياخذون فلوسهم كامله (يستوفون) وإذا طالبتهم بحقك أنه يسلمونك سيارة كاملة يطنشونك.
هذولا ما يدرون عن سورة المطففين!!!:c0038:

أبشرك يا أخوي loveloai حقك وحق الوالد عند ربك "يوم يقوم الناس لرب العالمين"

سبحآآن الله
نفس المشكله

انا اعجبت بشي اسمه يوكون دينالي اكس ال
فوريته للوالد وعطيته من مواصفاته وشافه وعجبه
الزبده توكلنا على الله وشريناه
فل كآمل 2008
السيارة كانت مثل العسل مده اسبوع
وفجأة نزلنا القزازة اللي على اليسار ( قزازة السواق ) عشان نطلب من قهوة الطريق
جينا نرفعها ماترتفع؟؟؟؟!!!!
خلينا السيارة يوم كامل قلنا يمكن الماطور حق القزازة سخن لكن مافي فايده
وديناها حق ابويمن
كهربائي
وقام يضرب الباب
ولا رضت ترتفع
فكينا الازرار حقت القزازة اللي في اليسار وحطينا الزرار اللي في اليمين عشان نجربه
ولا رضى يفتح

شيكنا على الفيوزات ولا رضت تفتح؟؟؟!!
بعدين قريت على الدريشه والحمدلله فجأة ارتفعت واول ماراتفعت حرمت افتحها مره ثانيه
وقلت بوديها الوكاله على الـ 5000 كيلو مع الصيانه

يوم مشت السيارة 4.700 كيلو
وديتها كار كير عشان اظلل الدرايش
ونسيت اقول لهم لايفتحونها
الموووهيم
جيتهم اليوم الثاني قلت لهم بشروا شلون الشغل؟؟
قالوا زي العسل بس القزازة ماترتفع
قلت اوووه صح نسيت اقول لكم
قلت خلاص كار كير جنب التوكيلات اللي بالخبر
قلت خلنا نوديها الوكاله
جاو يبون يشغلون السيارة
الـ abs والتراكشين كنترول مولعه لمباتهم!!!!!!
قلنا غريبه؟؟
قلنا طيب مو مشكله هي رايحه رايحه للوكاله
جينا بنعشق في الـ D احم احم الجير مايفتح؟؟
تذكرت المرسيدس حقنا اذا اخترب طبعا لا يغركم تراه موديل 87 عهههههههههه
الزبده واكتم الدعسه واطفيه
واشغل ومافتح وقريت على السيارة وسويت نفس الشي والحمدلله فتحت بس باقي التراكشين والاي بي اس فتح الجير وادخله على طول الوكاله وكان ظهر والمكيف شغااال وحر برى
الزبده
دخلناه الوكاله جلست عندهم اسبوع
وطبعا قالوا لازم تاخذ موعد << طبعا هذا اللي قهرني
ومسؤول العلاقات اذا ماني غلطان الملتزم صراحه كان تعامله تعامل غير لائق
جلس نصف ساعه يتكلم مع واحد واكتشفنا بالنهايه انه موظف عنده وصافطني؟؟
وطبعا طلعت حره الـ 200 الف اللي دفعتها
وآخر شي كلمنا المدير
بعدين جا واحد فلبيني وشيك على السيارة ودخلوها
قلت للوالد السيارة لازم نطالب بوحده جديده
قال لا مايحتااج << كان مهدي الوضع بس والله انا مارضيت
بس بعدين فكرت وقلت بالنهايه هي سيارته واهم شي هو مرتااح..
كان في موظف هندي محترم جدا اسمه موهان ساندر
هذا هو اللي فهمنا وتكلمنا معه بعد ماراح الفلبيني
طبعا دخلنا السيارة بدون موعد.. يعني صراحه سيارة مامشت 5000 لا وبعد يبونا ناخذ موعد
يعني انا وين اوقف السيارة والدريشه مفتوحه؟؟
والتراكشين والجير مايفتح الا بطريقه معوقه طريقه ددسن مدري مرسيدس 87
بس الحمدلله الآن الدينآآلي مثل العسل ولا يشكي من اي شي..
بس تعامل الوكاله للاسف مو مثل ماكنت متوقع
يعني انا عندي لكسز
ولما ادخل وكاله لكسز احس انهم بيحطوني في عيونهم عكس التوكيلات
طبعا مافي مقارنه بين لكسز وجمس
لكن على الاقل يهتمون لي شوي!!

انا والله بغيت ابين المشكله اللي صارت لي واذا في احد صار له نفس الشي رجاااءا لا يسكت ترى هذي سيارة بـ 200 الف يعني مو كامري ولا اكورد
يعني والله لو لمبه ماتشتغل لاتسكت..!!!

جزاكم الله خير بس انا والله حبيت اكتب اللي حصل والله العظيم ان كل حرف كتبته صادق فيه واللي يبي يدافع عن التوكيلات ليت بس لو انه يتعامل معاهم.. بعدين يجي يتكلم..!!

في امآآن الله

لاحول ولاقوة إلا بالله
وين حماية المستهلك
ووين الخرابيط إلي نسمع عنهـا
وربي نصب وإحتيال عيني عينك
وقمة القهر إنك ماتقدر تسوي شي
حسبي على من كان السبب
معوض خير أخوي

ياسبحان الله ليش الكذب يالوكاله ..

الله لايسامح من ساعدهم , يعني يبون يوهقون شخص آخر بالسياره ..

جزاك الله خير اخوي لحبك وبحثك عن مصلحة الاخرين ..

السلام عليكم,

شكراً على ردودكم ياشباب...

الوكيل عرض علينا عدة خيارات كلها فاشلة:
1- تغيير السيارة بموديل 2009 مع دفع فرق لايقل عن 30 ألف ريال...!!
2- إصلاح السيارة وإعطاء صيانة مجانية طول فترة الضمان...!!
3- شراء السيارة من قبل الوكيل بمبلغ 170 ألف...!!!!!!!

والحل الوحيد الذي تم توفيره من جينيرال موتر مصر (أقصد دبي بس كل اللي يشتغلو مصارية) هو إصلاح السيارة على الضمان فقط...!!

طبعاً بعنا السيارة على الوكيل بالـ 170 ألف (يعني خسارة 20 ألف في يومين)...
ولكن على قول المثل : "الفكة من جحا غنيمة" و "المتضرر أولى بالخسارة"...!!

حسبي الله ونعم الوكيل عليهم , والله يعوضنا خير...

السيارة واقفة في معرض السيارات المستعملة (التوكيلات العالمية-شارع فلسطين)...
نوع السيارة يوكون دينالي اكس ال 2008 فل كامل (شاشة ملاحة + كاميرا + شاشة دي في دي + جلد + فتحة) مقاعد متصلة في الصف الثاني والثالث...
عدادها حول 600 كيلومتر فقط يقل أو يزيد...
لون السيارة أسود...
طالبين فيها 183 ألف...!!

رحت سألتهم عن سبب البيع وقالو ان المشتري مادفع أول قسط (من الإيجار) وتم سحب السيارة منه وإرجاعها إلى الوكالة...!!

الرجاء من الإخوان نشر الخبر عشان لايتورط أحد في السيارة وانشالله يخسر فيها الوكيل الجشع ويعرضها بـ 100 ألف ولا يلاقيلها مشتري...!!

تحياتي للجميع,
أخوكم لؤي

احسن شي اتخاذ الطرق القانونية معاهم خاصة انها ماخذ لها الا كم يوم :a120(55):

الحين التاهو حقي ماشي أكثر من 1000 كيلو ولا مرة خرب وبكمرة خلفيه وشاشة دي في دي وشاشة وماشاء الله ما خرب وشاريه من وكاله العيسى

والله انا مثلك عندي لند وودي بيوكون جديد بس اللي خوفني مشاكل حصلت مع ولد عمي

في يوكون 2007 اول دفعه الى يومك كل شهر شهرين واهو عندم الموتر الى الحين ما شي 32 الف

بس لو تسمع راعيه وش يقول انا اخاف اطلع عليه مشاور الى واهلي معي اخاف يتعطل والا شئ

المشكله هي وهو ماشي كذا الموتر يتزل نمره ويرفع ريس والوكاله يعتذرون انها مشكله في

الحساس وطبيعي

والله ان اليوكون فخم ومواصفات بس سالفت القير خوفتني منه

وقلت خليني على الكروزر ابرك صحيح مواصفات خايسه بس موتر جامد

لاتسكت عن حقك انشب لهم نشبة

ترى المبلغ مو بسيط

هذا آخر رد برده عليك و الله يستر عليك

أكيد حلو أسم الفلين على الفلين أووه اقصد اليوكن الجديد للمره الثانيه اغلط بأسمه

لانه اسمه الحقيقي وهو وقيره ذا كل يوم واحد كاتب مشكلة فيه ؟؟؟؟

اجل سياره جديدة مامشت شيء اعشق P كانها N :a234: وش ذا ؟؟

وبعدين ما تعجبني حركات الهياط ابي الادمي اللي اكلمه يكون واضح بالكلام

اللف والدوران للنساء يا خبير زمانك انت

ودامك خبير ورى ما تحل لهم مشكلة القير ياخي ؟؟

الله يعينك يا خوي .. و ان شالله تتصلح السيارة و على حظك صارت ان سيارتك فيها عيب مصنعي .. انا معاك شي يقهر ان سيارتك جديدة و توقف عليك ..

و انا كان لي موضوع سابق بخصوص الخرابات ... احنا بالكويت ما سمعنا ابدا عن مشكلة الجير نهائيا ... الوكيل يعترف يقول ان اخر مرة مرت عليهم مشكلة كبيرة كانت في سنة 92 و حتى ما اذكر بالضبط هل كانت في السوبربان او بيوك رودماستر بس المشكلة كانت في الجير و يقول ان جنرال موتورز دزو مهندسين علشان يدربون العمال على كيفية تبديل الجيرات اللي كانت فيها المشكلة ..

الصراحة يا اخوي ان الوكالات عندكم ما تراعي و لا تحترم العميل نهائيا ... و سمعتها السيئة واصلة لعندنا .. حتى الناس اذا دروا ان الموتر وارد السعودية يبعدون عنه ..

التاهو و اليوكن السعودي المستعمل سعره ارخص من الكويتي المستعمل تقريبا بأكثر من 400 دينار يعني تقريبا 5000 ريال و السبب سمعة الوكيل اضافة الى الغانم و بهبهاني ما يستقبلونهم في الكراج ..

السلام عليكم اخوي العزيز
انا حصلت لى مشكه تقريبا نفس حكايتك ولكن في كابريس2004
اول ما طلعت من باب الوكاله التوكيلات طبعا في الجبيل واسمع صوت حك من جهت الدفرنس
يعني ما مشيت يمكن 5كلم
وعلى طول في نفس اليوم رجعت على المبيعات وعلى طول ال في المبيعات تخلص مني وقالي رح على الصيانه وهم بيقومون با الواجب ورحت مع مدير الصيانه وقال بنجرب السياره معك وفعلا ساق السيار هو ونصب على وقال انه يمكن صوت الهبات لأن السياره جديده وقال بعد كم كيلو والصوت بيروح
ورحت على السياره الدمام ورجعت الا وصوت يزيد طبعا هذ الكلام في الويكند ورجعت عليهم يوم السبت وقال خل السياره عندنا بدون ما يوضح وش الي فيها وعطوني بديل (ابيكا) ومن يوم ثاني دقيت عليهم وقالى الدفرنس خران وبدلنه لك انا مصدقت ورحت ولجيت ولجيت وجيت.....ولكن مافي فايده
كنت ابغي اغير السياره ولكن صات خيره استخدمت السياره لمدة سنه والحمده الله ماصار معي في الدفرنس اي مشكه وبعد كذا بعت السياره والله كأنها جديده مافي اي مشاكل

انا اقولك زي ماقالو الأخون يمكن عيب مصنعي ولا تشيل هم اخوي
الله يطعمك من خيرها ويكفيك شرها

^^^

حلو الاسم فلين اخي الكريم ولكني بالعكس اشوفه من احسن الى احسن و ياما ناس مقهورين منه

ولكن ما نسيت انه واحد من الف دينالي ما فيها مشاكل مثل الساعه الله لا يضرهن اذن يعم على الباقي و كما ذكرت ابقاء التروس ما راح تلمس لمسه ولا راح تحرك من مكانها

الله من واحد معه موتر استعمال امريكي قيره موظب الين قال بس وجاي يمدح عاش 400 الف يعيش يعيش ...!

تحياتي

كان الله في عونك يا أخي

بصراحه شيء يقهر سياره دافع فيها مبلغ مو بسيط أبد وتجيني مشاكل وهي توها مامشت شيء ؟؟؟

وبعدين كثرت شكاوي [COLOR=red]الفلين اووه اقصد اليوكن الجديد

[/COLOR]

لاحول ولا قوة الا بالله

تفضل اخي برد على قلبك
http://www.assayyarat.com/forums/showthread.php?t=134792

وياليتهم يتلاعبون بالمسجل او بالديكور
او البدي او الاكسسوارات او حتى المكيف الا يتلاعبون
بالقير والمكينة اهم واخطر شيء بالسيارة
والي السيارة ما له قيمه بدونهم ولا يقاس على
السيارة الا بالقير والمكينة يجيبونها من الهند
وتايلند والصين وغيرها وتحسب علينا انها
اصليه امريكية او يابانية ولا يتكلف الا كرتون
عليه الشعار ولصقة على القطعة مصنوع
بامريكا او باليابان وكله كذب ولكن حسبنا الله
عليهم ونعم الوكيل هؤلاء الوكلاء وغيرهم
من الي يتعاملون بهذا الشكل مع الناس