لم استطيع تشغيل مكيف اليوكن2004 اللي يعرف يرد عليه مشكور

الله يبارك فيك ,ايه خلاص زان التبريد وموضوعي هذا قديم له اكثر من سنه اول ماشتريته لم اعرف له لأنه اكتروني لكن استفدت من الأخوان بالمنتدى وانحلت المشكله ..

مشكور على اخي عى ردك....

أولا مبروك عليك السيارة والله يعطيك خيرها ويكفيك شرها
ثانيا عندي لك طريقة ثانية جرب شغل بها المكيف على الزر ال يزيد ويخفض سرعة المروحة ومن ثم اضبط الوضع لأنه اول ماتشغله بهذي الحركة يكون للرجلين ومن ثم اضغط علامة السيارة وبإذن الله تفيدك هذي الحركة ورد لي خبر عن تجربتك

هلا بك اخوي ماجلان...الطريقه هذه جربتها على اليوكن 2004 امريكي وماصارت وياي
شنو الملاحظات اللي انتبه لها عشان اعرف ان السيارة ردت لضبط المصنع
في حال فصل اصبع البطارية وتوصيله مرة اخرى مايصير شي عندي في برمجه السيارة الا الساعه ارد واضبطها بس....برمجة الراديو ماتتأثر ولا المموري مالت الكشنات ولا البرمجه في السكان او الدركسووون
شاكر لك وتقبل احترامي

السلام عليكم
مبررروك عليك اليوكن واتوقع انه slt مثل اللي عندي
جربت انك انك تستخدم التكييف الاتماتيك AUTO الموجود يم الشاشة وتشوف التبريد كيف يصير
الرقم 74 هو بالفهرنهايت ويعادلها عندنا 23 درجه
يعني اذا تبي درجه الحراره 21 درجه لازم تحرك الفرار على الرقم70 فهرنهايت
واذا تبيه اقل حرك عالاخر
عاده يكون التكييف بارد حتى من دون تشغيل المكيف واذل لزم الامر زر الكمبريسور موجود مع الازرار الخمسه اللي تحت وهو ثالث واحد من اليسار
ويفضل مثل ماقالو الاخوه قبلي افصل اصبع البطاريه وركبه بعد فترة.
صارت معي اني بدلت فلتر الهوا وولعت عندي لمبة فحص المكينه فصلت البطارية ساعه ورديتها اختفت العلامه
ويعطيك خيره ويكفيك شره

اخي العزيز لابد من تغيير الرقم74 الى اقل من ذلك اعتقد بازرار الاسهم السفليه و العلوية كما في الصورة يسار الرقم

أخوي ابو ماجد لتعديل درجة الحرارة من فهرنهايت حول عداد المسافة من ميل إلى كيلو ... ولتحويل العداد من ميل إلى كيلو تلقا في الدركسون زرين تحت يمين اضغط الزر العلوي إلى أن تأتي إلى آخر خيار وهو للتحويل من النظام الأمريكي إلى العادي .. أنا ماني ذاكر الإسم بالضبط بس بتحصل كلمة metrec لا وصلتها اختارها بالزر اليي يسار تحت وراح يتحول المكيف إلى السيليزية ...

المكيف في الجمس يحتاج إلى برمجة أول شيء تسويه تفصل البطارية ( السالب ) لمدة 5 دقايق وبعدها تشغل المكيف وتضغط علامة النجمة اللي هي للكمبرسر وتضغط على الزر اللي يسار النجمة وهو خاص بالهواء الخارجي والداخلي وتبدأ تنزل من سرعة مروحة التكييف إلى أن يبرد ..

بالنسبة لتعديل درجة الحرارة الخارجية في المنظرة اضغط على الزر الموجود بالمراية وخلك ضاغط إلى أن يتغير النظام للدرجة السيليزية .

بالنسب لفصل البطارية انتبه يكون في سيديات بالمسجل لازم تطلع جميع السيديات حتى لا يعلق عليك المسجل .

ومبروك الموتر والله يعطيك خيره ويكفيك شره

وعذراً على الإطالة :)

:emot30: صباح الخير
الواضح في الشاشة رقم 74 وهذا يعني الهواء راح يكون حار
لازم تحرك الدوائر للجهة الزرقاء حتى يتحول الرقم الى 8 او 7 او 6
واذا مانفع معاك فمعناه عندك مشكلة في البرمجة
أفصل البطارية لمدة نصف ساعة وان شاء الله تزين
انا عندي يوكن 2004 اسوي فيه كذا ويتعدل الرقم معي مثل ما ابغى
ان شاء الله تزين معاك

اولاً : اشكركم يا أخوان على ردودكم .
ثانياُ :لم استطيع تشغيل المكيف على البارد حاولت دون جدوى من السقف بارد لكن من الامام الهواء ساخن وإذا فريت المفاتيح لليسار ناحية البارد (الازرق) زادت سخونة الهواء ارجو منكم يا اخوان اللي يعرف المفاتيح اللي تضهر بالصوره يشرح لي وضائفئها وأي المفتاحين الدائريين يتحكم بالبروده واين زرار الكمبرشر هل هو الأيسر الذي عليه دائره (هذه الصور لمفاتيح المكيف )

لا انصح بالعبث في اي شي خارج موضوع المكيف لان لايوجد خلل او عطل بل في كيفية التشغيل اعتقد ان فيه مميزات كثيره منها ان يكون الهواء البارد لمن يريد وحجبه عن من لايريد ولان الوضع الكتروني ان شاء الله يفيدونا الشباب الي عندهم يوكن

الله يبارك فيك السياره استوردتها من امريكا عن طريق واحد اعرفه,, فل كامل دبل كلفتني بحدود 62 ألف ,,اشكر جميع الأخوان اللي ردوا علي وان شاء الله اجرب الطرق اللي ذكرتوها واردلكم الخبر

أخي أبوماجد عندي لك حل طيب جربته بسيارتي وكثير من الإخوان إستفادوا منه بعد تطبيق التجربة في حال إن المكيف يطلع حار ولافيه خلل من ناحية الفريون أو التنسيم وهو كالتالي:

1-فصل إصبع البطارية السالب فقط لمدة نصف ساعه ثم تركيبه في البطارية.
2- يتم وضع المفتاح في السويتش وتحريكه على وضع ON (بدون تشغيل) لمدة 10 ثواني ثم إرجاع المفتاح على وضع OFF لمدة 10 ثواني
3- الإنتظار 5 ثواني ثم تشغيل السيارة لمدة 5 دقائق ومن ثم إطفاؤها.
4- الإنتظار 5 ثواني ثم تشغيل السيارة مرة أخرى والتحرك فيها لمدة 10 دقايق بدون إشعال المكيف ، ثم بعد ذلك تقوم بإشعال المكيف، وبعدها إن شاء الله نقول رجعت السيارة لضبط المصنع

والله اخوي انا صارت معي وكان احيان فتحتين بارد وفتحتين حار

واحيان كله حار

طبعا الخلفي بارد مافيه مشكله

وبالصدفة تعبت البطاريه عندي وغيرتها جديده والحمدلله ضبط

انت جرب افصل البطاريه واشبكها لعله ان شاء الله يضبط

او اذا عرفت المشكله ياليت تكتبها هنا وبالتوفيق