ألتيما .. أفالون .. زوم ألترا .. أيهم اشري ؟!!

صراحتـــــــــأً ظلمـــت الافالــــون بطرحــك لها في هــذ1 المـوضوع

أنــأ أشووف الالتيما والمازدا ما تـــقارن بالافالوون

تقــــارن بالاوريون أو الكامري .,.

وأذا تبي سياره لــك ولـزمن خذ الافالوون وراح ترتاح صدقني

مازدا 6 دماااااااااااار شامل

ياشيخ رح جرب بنفسك

كل منا بيعطي رايه عن السيارة اللي يحب الا الاغلب

عشان كذا روح وتوكل على الله انا معي التيما 2006

حلوه ماعليها لكن 2008 اخس نوعيه مواصفاتها زي مواصفات الافالون ماعدا الشاشة هع

لحد يعصب بس شف مواصفاته بلوتوث و 7 تعشيقات وزر تشغيل بصمه والبيبان نفس الشي

وتسارع ولا احلى وفالاخير السعر بحدود 70 الف

لكن اذا تبي السعر اللي ينفعك بعدين اترك الالتيما نصيحة اخ

سلام

اهلا اهلا

الموضوع تكرر اكثر من مره في اكثر من منتدى
المهم نرجع الى الموضوع
اولا قبل ذالك المازدا 9 سمعات مو 10 لا تبالغوا
المهم السيارات كلها الماني ولكن اذا كنت من هذولي الي يقولك يجيب سعر في البيع خذ لك افالون معنه نقدر نغير ها الواقع (فكر الشياب القديم ) الحين ها الأيام السيارات تطورت وتطورت التقنيات الي تصنعها يعني ما عاد في شئ اسمه شركه احسن من شركه كلها تهتم بالمواد المصنعه منها السياره
اما اذا تبي المنظر الشبابي خذلك يا مازدا يا التيما معني افضل التيما لأنها في النهاية راح تنتشر اكثر من المازدا مما يجعل الوكيل يوفر قطع غيار بالهبل

نرجع الى موضوع تويوتا احسن شركه او بالأحرى عبد اللطيف احسن وكيل
شوفو عبد اللطيف ناقصه انه يفتح لكم كبوت السياره ويقول الماكينه حقت الكامري هي ماكينة اليارس
يعني ملخص الكلام تويوتا ترجع الى ورا بالتقنيات السيارات الجديده تنافس بكثرة التقنيات الي فيها وعبد اللطيف جميل ينافس بقلة التقنيات في السياره (عن لا نظلم تويوتا لأني أعرف انها خير شركه )

والله ماأدري وش أقولك ياخوي .. حراام تقارن الأفالون بألتيما أو زووم !

الأفالون تقارن باللكزس IS سيارة فخمة ومركبها مركب لكزس وسعرها ماسك

ولاتقارن أبداً بالألتيما والزووم من جميع النواحي .. بالعربي ( الأفالون لكزس بشعار تويوتا )

أخوي انصحك بصلاة الاستخارة

تصلي ركعتين وتقرأ دعاء الاستخار وتسمي السيارت المعينة وبعدها اذا طاحت بنفسك سيارة معينة اعرف انها خيرة الله

والله يوفقك



مازدا ألترا V6صناعة امريكية حالها حال الاتيما وكمان الافلون صناعة امريكية

يعني كل الخيارت صناعة امريكية

شف ياعزيزي murasb

تبغى نصيحتي لك صح إن فيها تعب لكن صدقني إن طحت في سيارة وغثتك ولا واحد من الربع إلي فوق راح ينفعك

السيارات كلها زينه وحلوه والتحمل ماشاء الله تبارك الله

رح لكل وكالة وجرب الموتر وسجل ملاحظاتك عليها وأستخر وتوكل على الله ولاتناظر للوراء أبداً

وبرضوه لاتنسى تجارب الشباب في المنتدى

والله يوفقك على موتر طيب آمين

ونصيحة مر اليمني وجرب الليجاسي تقريباً في حدود الأسعار إلي قلتها وطبعاً أشبهها بالكرسيدا من حيث الجودة في الصنع

هاه ياخوي بشر شريت المازدا V6 اول شي انت شفتها في الوكاله ؟ إذا شفتها ليش متحير . هاذي الزوووم

تبي الراي لا تاخذ و لا واحدة منهم الثلاث

خذ لك اوريون قراندي بشاشة نافيقيشن و رايح بالك

او لكزس IS اشوف انها اصرف من الافالون و الاسعار متقاربه

والله المازدا وارفع رجوووولك ولو ماتبي التيما...

المازدا ياباني اصلي وش عليها من عيب كمان سيارة قوية وتتحمل بس اغلاهم في قطع الغيار مواصفات احلى واكثر من الباقيين...

والله لو انا خيرت المازدا وغيرها ما ابغى...

نفس الكلام ...

لكن في كمان الأوريون جميلة و قوية ..

تحياتي

اولا الله يوفقك وتشتري الموتر اللي يريحك ..

ثانيا .. قطع المازدا بشكل عام ارخص من الالتيما .. واسال بنفسك وتاكد ..واتوقع ارخص من الافلون ..

ثالثا .. كيا يا حبيبي مو هم اللي سحبوا سيااراتهم .. وكيل مازدا نفسه .. طلع نفسه من كيا ورفض انه يصير وكيل لها .. بسب انهم يحطونه بمواقف محرجه مع الزباين بتوصيل القطع والسيارات ..






نفس كلام ابوحميد ..

وانا رايي وذوقي للافلون ..

فخامه .. وقوه جيدة جدااااا .. وتيوتا زي ما تفضلت .. يعني يمسك سعره لو حصلت نية بيع لا سمح الله ..


وشكرا:D


تصبحون على خير ..

اقول ودي ما طلبة راي احد لنك بتتوهق اكثر خلك على طلبك الاول وميولك

التيما وبس يالغالي

حصلت مقارنه بين المازدا و الألتيما بواسطة أدموندز وتفوقت المازدا في كل النواحي
وعلى رأسها التسارع والسرعه والرساوه وعدد المميزات والمقطع موجود على اليوتيوب

من ناحيتي

أنا أفضل الأفالون عليهم كلهم

يكفي أن مركبها مركب لكزس

وبعدين تويوتا هذي تحسب كنقاط إضافية للأفالون

بعد الأفالون تجي المازدا بعدين الألتيما

ياخي شغلتها شغلة تغيير السيارة ذي

شكلي بقعد على الكورلا ازين بلا وجع هالرأس :D

لازال التفكير مستمر

كل موتر يقول للثاني انا ازين مشكلة