السلام عليكم ورحمة الله
يعلم الله اني بحاجة لكم تساعدوني والله تعبت يااخواني
انا عندي ماركيز 98 امريكي
اشتريته وفحصته ومافيه اي شي
المهم بعد مااشتريته وسافرت عليه كم سفره
بعد فتره استقريت بمنطقه
وبعد كذا طلعت لي هالمشاكل
طلعت لي التفتفه والتهريب ووديتهآ ميكآنيكي وغير لي ( ثلاجه المآكينه ) وصيخت الرديتر وغيرت مروحة التبريد
بعد هالحوسه طلعت السياره انحلت جميع مشاكلها ماعدا التفتفه صارت خفيفه وماتظهر الا بالطريق اذا كان فيه طلعة
ومازلت اعاني من هالمشكله
المهم الآن ظهرت لي مشكله جديده
بيوم من الآيآم شغلت السياره اسخنها وفجأه ولعت عندي لمبة البطآريه والسياره ضعفت وماطولت وطفت اللمبه ورجعت السياره مثل ماكانت
صرت كل يوم اشغلها نفس الحاله
المهم الآن للآسف المشكله اني لما اشغل المكيف وقت الظهر مع المسجل وامشي بالسياره تولع لمبة البطآريه ويطفي المكيف والمسجل ولمبات العداد مع العلم ( العداد الكتروني )
وترجع لوضعها الطبيعي بفتره قليله ويشتغل المكيف والمسجل مع بعض
فـ احترت في وضعها
وديتها لـ عدة كهربآئيين واختلفت اقوآلهم
وآحد يقول لي غير كتآوت الدينمو ( وعلى فكره لما ظهرت لي المشكله غيرتها ومآنفع )
وآحد يقول لي غير الدينمو
وآحد يقول لي الدينمو عندك ميه الميه ومافيه شي ومايحتاج تغيير والسياره مافيها شي لاتخاف ولاتغير شي
وآحد يقول لي غير البطآريه
والله تعبت من هالسالفه ومن هالمشاكل
آرجوكم اخواني اذا تعرفون حلول هالمشكله ساعدوني ولاتبخلون علي
1/ تفتفه لما ادعس بنزين بطريق فيه طلعه
2/ لمبة البطآريه وسالفتها
ارجوكم ارجوكم
آسف على الإطآله لكن اعذروني
بإنتظآركم .. واي استفسار انا موجود
