السلام عليكم ورحمة الله وبركاته
بصراحه ياشباب انا عاجبتني هالسياره بس متخوف بما انها مازدا فعندي كم سؤال لكم واتمنى الاجابه بصراحة مع العلم اني انا من النوع اللي احب امسك خطوط واحلل السياره صح يعني من 3 الى 5 سنوات فهل السياره تبيض الوجه :) وهذي الاسأله :
1- هل السياره مريحة بالخط؟
2- هل يوجد بها تنسيم هوا ؟
3- صيانة الوكاله بالخبر جيده ؟
4- افضل لون للسيارة ؟
5- هل تنصحوني اشتريها ولا اشوف غيرها ؟
عزيزي انا املك هذه السيارة وسوف اجيب عليك من واقع تجربتي لها
1- هل السياره مريحة بالخط؟
السيارة مريحة في الخطوط بشكل ممتاز الا اني لاحضت ان نضام التعليق كان قاسي شوي اول ما طلعتها من الوكاله ولكن بعد 5000 لآن نضام النعليق واصبح من ابدع ما يكون
وعلى فكرة انا مثلك كل مشيي خطوط ووجدتها من ابدع ما يكون في هذي الناحية
2- هل يوجد بها تنسيم هوا ؟
بالنسبة للتنسيم ما نقول تنسيم لانة لا يوجد تنسيم بفضل الله ولكن نقول عزل صوت الهواء نعطية ( جيد جدا ) وليس ممتاز او جيد
3- صيانة الوكاله بالخبر جيده ؟
لا علم لي لاني لست من الخبر :)
4- افضل لون للسيارة ؟
في نضري الابيض الؤلؤي يعطي السيارة حجم
5- هل تنصحوني اشتريها ولا اشوف غيرها ؟
انصحك بها وبقوة اذا كنت انسان تراعي السيارة وتصينها ولا تهملها لان الخطوط ما تضر السيارة ولكن الذي يضرها هو الاهمال
وايضا السيارة بها انضمة ثبات وتماسك عديده على الطريق وستكتشف هذه النقطة بشكل واضح بمجرد تجربة السيارة
بالتوفيق عزيزي
