عزيزي الخل الوفي اشوفك متحامل كثير على الأكسبديشن ( بدون شك ) عسى ماشر انت سويت مقارنه بينهم من قبل مثلا وطلع التاهو اقوى ؟؟ ولمعلوميتك اخوي كلهم سيارات عائليه ولو اني ارى الأكسبديشن ارفع من التاهو مما يعطيه ميزة في البر اكبر من التاهو لكن ماالومك لأن الأخ استون اضاف Z71 وهذي الفئة مجهزة بمحرك اقوى لكن نريد مقارنه بالعادي
اذا عن تجربة ياليت توضح لنا بشكل علمي ودقيق وصحيح وتذكر لنا تجربتك مع السيارات المذكورة وانطباعك بعد التجربه لكن تجي على طول كذا وبدون شك وتقول التاهو اقوى هذا اسمحلي اقولك انه تعصب اعمى . وهذا وانا اخوك يصاحبه كثير من التظليل لمن اراد الأستفاده من هذي المقارنه
ثانيا ماتلاحضون يا اخوان انكم دائما تقارنون الأكسبديشن بفئات اعلى ومزوده ( Z71 والدينالي )
وهذي معروف عنها ان محركاتها تأتي اقوى .
وماادري ليش ماتقارنونه بالتاهو العادي او اليوكن العادي فهم اقرب لمنافسته وهذي هي العداله بالمقارنه .
ويا اخوان الدليل بين ايديكم بس لكن ماادري ليه الأخوان يغضون النظر عنه وعندكم بالمنتدى وماالومكم ادري انه شي يضيق الصدر
ارجعوا لمواضيع المنتدى وشوف المواضيع الكثيره من اصحاب التاهو او اليوكن ممن اشتكوا من هذي السيارة وعيوبها المصنعيه ومشاكلها الكثيره فيما لم نسمع ولم نقرأ عن مشاكل في الأكسبديشن
واكبر دليل نادرا من تجده يبيع او يعرض الأكسبديشن للبيع بعد تجربته فيما التاهو واليوكن كثير من ندم انه اقتناه .. واعرف من اصحابي كثير اشتكوا منه .
لذا ارى المقارنه غير عادله واذا اردت تقارن اخوي استون شيل z71 وقارنه بالعادي
هدي اعصابك يخوي..وش فيك معصب ^_^
الخل الوفي قصده من ناحية التصميم..وقوة المحرك "لغير فئة Z71"
شكل الأكسبديشن صراحه شكله عائلي اكثر منه حق طلعات وتطعيس "ولكن مايقصر اذا بغيته."
لما نجي نتكلم عن محرك الأكسبديشن "محركه 5.3 بينما التاهو "LS ستاندر " 5.7 واذا كلامي مو صحيح ياليت احد يصححلي..
وصراحه اثنينهم مايقصرون..لكن ممكن ارتفاع الفورد يعطيه نقطه لصاله لكن ياقبلها ان مكينته اصغر من التاهو...
وياجماعه الخير وش دخل التعصب في عالم السيارات.."والله اني انقهر لما تقول متعصب..ياخوي مو واجب انه يحب السيارة اللي انت تحبها واذا ذمها شي راجعله..يعني ماتقول ان السيارة مخلوق يحس او انه يقربلك عشان تدافع عنها بهالشكل.."صراحه انا اميل للأكسبديشن لكن لما نجي للواقع التاهو اقوى..وترا الموضوع سيارة لا راحت ولاجت..يعني لو دافعنا عنها وتهاوشنا بسببها وقامت الحرب بسببها بتبقى زي ماهي ولا راح يتغير في الموضوع شي..
PLEASE TAKE IT ESYE GUYS
^_^
لكم مني كل الود والحب الإحترام والتقدير..وكل ششي زين ^_^
f i n e
