السلام عليكم ورحمة الله
اخواني الاعزاء انا عضو جديد معكم واتمنى الافادة والاستفادة
خذت تاهو 1997 باب واحد خليجي تعرفون شتا وبر
المهم طبيعي السيارة قديمة شوي صادفتني بعض المشاكل ولكن ارقع فيها حبة حبة
المكينة الي على السيارة نفسها من الوكالة ما تغيرت وبالاضافة للجير الاتوماتيك
اولا : اريد بعض النصح والتغييرات الضرورية الي يجب ان اجريها بالسيارة لاتفادى الاعطال المفاجأة وافادتكم حول الصيانة الي ممكن اجريها؟ رغم استخدامي الدائم لليوكن والتاهو ولكن اول مرة اخذ موتر قديم . واتمنى الافادة.
ثانيا : المشكلة الثانية لدي صوت فرقعة بالدبة الخلفية للجزوزت العادم واريد تغييرها , طبعا الوكالة غير متوفر عندها نفس الموديل , هل يمكن استبدالها بدبة كابريس او يوكون جديد او ما الى ذلك؟
ثالثا : دام المكينة والجير من الوكالة واحس من سواقة السيارة انهم نظاف وتبديلات الجير عادية ولكن هل ممكن ان يضرب لدي الجير او المكينة وكيف ممكن اتفادى اعطالهم؟
رابعا: مركب عليها رنجات همر اصليه وكالة ولكن مستعمل, بنفس القياس الرنج الاصلي والسؤال هل في ضرر على مثبت الاطار والبراغي؟ لان في شخص قالي ان الرنج اصغر ويضغط على البراغي وممكن انه يفصل عنك بالبر او المطب !! خوفني وشكيت انه يريد يخوفني لجل اصلح السيارة عنده لانه قالي انه يقدر يفصل له غطاء يعمله بالمخرطة يضعه مكان الفراغ !! مدري وش قصته هذا ؟
اعتذر عالاطالة و اتمنى الافادة من الفنيين والخبراء ولكم مني خالص الشكر
