ولا تسمع كلام الي يقولك روح برمج وهو مايدري ويش صاير بالدنيا.. مافيه برمجه يابن الحلال للنضام OBD II وهدا نضام محمي للسيارات الفوق 95.. وارجوا من اي احد قبل ان يفتي يتأكد من صحه كلامه
:a120(82):
صحيح إن البرنامج يكون محمي , لكن مو معناته إنك ما تقدر تعدل في إفتراضياته,يعني لا تحسبة بيحط لك برنامج من راسه , وانا كنت فوق راس الل برمج موتري وكان يعدل في نوع البنزين وغن ما خابتني الذاكره كان فيه خيارين
1Fixed
2-Automatic
المهم الرجال إختار الـ ريدجيت للموتر
المشكلة إن الحل اللي أنا قلته مجربه قبل لا أكتب وبإمكانك ترجع لمواضيعي اللي تحت اسمي وتشوف ,
طبعا انا غيرت البواجي +الكويلات + صفايه البنزين +تصفيفة بخاخات +حساس الهواء , الكويلات كانت بـ 110 × 8 كويلات , وصفاية البنزين كانت بحول 70 ريال حساس الهواء بـ 280 ريال ,, سويتها كلها ولا نفع , السيارة وهي واقفة او إذا كانت باردة ما يطلع الصوت ولا تفتفه ,
الكويلات أو البواجي تحس بتقطيع إذا جيت تقوم السيارة أو إذا انت واقف عند إشاره (السيارة تنتفض بشكل واضح) ,
التفتفة اللي تطلع لك على سرعة 60 -80 خاصة اوقات الصيف وإذا انت مشغل المكيف , وتروح إذا دعست , وتخف إذا عبيت بنزين 95 , الشغله هذه يسمونها (لقلقة المكينة ) ,ولا تروح إلا ببرمجة
رحت لورشة الموتر بالصناعية القديمة بالرياض وسوى تحديث لكمبيوتر السيارة وأخذ مني 200 ريال ظلما وبهتاناً وزورا ولا نفع , رحت لورشة البيان قالوا نسوي لك البرمجة بـ 700 ريال+نظف لك المكينة من الكربون المتجمع بسبب اللقلقة بـ 250 ريال ,
سحبت عليهم ورحت لورشة ثانية اسمها المملكة وسوى لي برمجة بـ 400 ريال , طبعا الصوت خف بشكل كبير إلى ان اخفى تماما (يوم طلع الكربون المترسب من كثر المشي) .ولله الحمد سيارتي ما عاد تطلع نقطة صوت تفتفة ,
وفيه شغله احب اذكرك بها ,
إذا لمبة البطارية تشتغل وتطفي والسيارة تشتغل يمكن يكون اكتاوت الدينمو خربان او الدينمو فيه ضعف , وهذا من تجربتي تقدر تعرفه وإذا أنت واقف ودعست بقوة وحسيت إن انوار الطبلون ضعفت فأكيد والله اعلم عندك مشكلة بالكهرب , وهذا يأثر على المكينة ,
على العموم اتمنى اني اكون اصبت وان اخطيت فالشكوى على الله
