دعوة لملاك فيراكروز ( مميزات - عيوب ... ) ..

[img]http://www.arb-up.com/files/arb-up-2008-6/GC442752.jpg" alt="" loading="lazy" class="post-attachment">[/IMG]
ايش رايكم بسيارتي بعد تعديل الرنجات :c005:
رهيييبه والله

الانطباع الاول عن السيارة = حب من اول نظرة بعد استخدام اول يوم العداد = 00كم ،،،
السيارة راسية وثابته على الطريق ، واسعة من الداخل ، صوت المحرك ناعم ،البريك (الفرامل) ممتازة
المعاونات قاسيه شوي في المطبات ، طارة السكان ناعمة !
سوف اوافيكم بتقرير بعد 5000 كم

هلا فيك أخي ماكرو ومشكور على التعديل بالفوتوشوب والجنوط طالعه جنان على السيارة

الله يخليك دبدوب ما تقصر :c005:
وانا اذا ركبت جنوط ما ركب الا نفس المقاس افضل بس عشان أغير الشكل



هلا فيك أخوي
والصراحه انا اشوف كل الوكلاء عندنا في الخليج حراميه
لانه المستهلك ما حد يحميه :a120(1):

ما ذبح شركات السيارات إلا الوكلاء

:(

بصارحه السياره كلش حلوه وماعليها كلام بس الوكيل عدنا في البحرين حرامي مايشبع صاير مفس جهنم تقولها هل أمتلئتي فتقول هل من مزيد الحرامي ابيع السياره 14000 ألف دينار يعني 145 الف ريال سعودي

طاط طاط ( صوت بوري الفيرا ) موجود معكم على طووووووووووووووول
ودي أكتب شعر في الفيرا بس ما في راسي ولا في راس واحد من جيراني شعر !!
السيارة يا شباب نقلة رهيبة لهيونداي في صناعة السيارات
من أول استخدام للسيارة شعرت بجودة الصناعة في كل شيء سواء الاكسسوارات الداخلية أو القطع الخارجية ..
هناك ابتكارات في السيارة أعجبتني .. مثل درج السيارة الأمامي وطريقة فتحه وقفله..
أعجبني تناسق الأنوار الأمامية مع الشمعات الخلفية نفس الدخول على جانب السيارة
أشعر انها اقتصادية في الوقود مع ان محركها ( 6 سلندر - 3800 سي سي - 261 حصان )
الضمان على طول مفتوح لأني سمعت كلام الشباب وكل شوي ناط الصيانة ومسوي طلبية .. وأنا قاعد لهم لين أغير السيارة كلها قطعة قطعة .. يقول المثل الشعبي : أبو بلاش كثر منو ..
وأحسن ما فيها إنها عرفتني على شباب المنتدى هذا ( دون استثناء)

افا عليك الزعيم مافي زعل بين الاخوان

بس تصدق كلامك صح لان الكروم يليق على الاسود اكثر من الابيض

وانا اخترت الكروم لان المقابض كروم وقبضة الباب الخلفي كروم


العوفي وين ...؟؟

مراحب و الله بولد العم abo saud

الرنجات وراعي الرنجات تحت امرك
بس بصراحة ما انصحك فيهم اذا تحب ركب رنجات "20
الـ "22 كبيرة وثقيله على الفيرا غير ان اذا ركبت اشخاص فالصف الثالث
يحك التاير فالرفرف على خفيف ...

اخونا المحب مايكروسفت
تسللللللللللم على الصور والمصدر
بس مشكلة اخوك يخاف ان يطلب من النت
اذا تعرف طريقة امنه وسهله لا تبخل علينا ...

انت اخونا الكبير الشيبه مالنا غنى عنك :a120(46):


حلوة صراحة صورة الفوتوشوب
تسلم الايااادي



تحيااااااااااااااااتي

الصراحة السيارة روعة أبوي إشتراها قبل مدة وأنا جربتها في السفر وعلى الرمل مايحتاج الصراحة بس المشكلة الناغي حاسه إنه مبالغ في سعرها كثيرررررررررررررررررررر جدا (إستغلال )وحاس مواصفات الفل ناقصة كثير أشياء تجعل الفيراكروز مثل شاشة الملاحة والكاميرا الخلفية والدفيدي وخاصية تبريد المقاعد وتشغيل بالبصمة

عجييييييب يا مايكرو .... ما شاء الله لك عالفوتوشوب و ما تقول لنا :):)

تصدق طالعة الجنوط على اللون الأسود أجمل من سيارة دبدوب :a120(30):

لا تزعل علينا أخوي دبدوب ..... ترى أنا سيارتي لونها أبيض زي سيارتك :)

أولاً.. ألف مبروووك على السيارة الرائعة

وما شاء الله الفيرا ما يبي له سؤال إبداع من ناحية المواصفات والسعر والجودة

|1|




ولا تشيل هم تفضل هذا الهوك مخصص للفيرا



..المصدر..




هذا شغل على السريع .. تعديل بالفوتشوب أخذت جنوط دبدوب

وركتبها على أحد صور فيراكروز أسود .. :)





* هذي أصل الصورة *



:smilie332:

مرحبا بك أخي العزيز في منتدانا الغالي ، وبالنسبة للسيارة ( الفيرا) فصراحه بدون مدح سيارة ولا اروع
يعني مع مواصفاتها التقنيه الكثيره وقوتها الجباره وشكلها الجيد تحصلها بسعر رخيص مقارناً بالسيارات الاخرى من نفس فئتها .
انا أخذت السياره من حوالي 4 اشهرا تقريبا وهي ماشية الحين 9 الاف كلم والحمد لله ما شفت منها الا كل خير .



هلا والله بأخينا دبدوب
والجنوط الي مركبنها الصراحه شي
بيطلعن روعه على اللون الاسود ولا ايش رايك

مشكورين يا اخوان والله يبارك لكم ،،،
وتسلم يا الزعيم على المشاركة !
انا بصراحة استفدت من المنتدى قبل ما اشتري السيارة واشكر القائمين عليه و جميع الاعضاء على تواصلهم ،،،
وحبيت بعد طرح هذا الموضوع ان يستفيد كل من يرغب بشراء الفيراكروز .
بالنسبه للسيارة اخذتها من الكويت مديل 2008 مواصفات ستاندرد بسعر 7000 دينار كويتي تقريبا 94 الف ريال سعودي
واكرر شكري للجميع وجزاكم الله خير

مرحبا للجميع وسلام خاص للاخ دبدوب
انا استخدم الفيراكروز من 6 شهور تقريبا . ماشاء الله عزم وقوة وثبات على الطرق
بالنسبة للعيوب ما اعتقد للحين فيها عيوب مصنعية
ودمتم

^^
^^^

مراحب اخوي الزعيم

هيه والله غيرت الطارات فتره بسيطه و رجعت للوكالة
كنت مركب طاره "22

بس كانت ثقيله ومخففه كثيير من عزم السياره وهذا الي خلاني ارجع للوكالة

و هذه صوره لها




الف الف مبرووك مقدما اخوي المسافر على السياره والله يطرح لك فيها البركه
ويرزقك بخيرها ويبعد عنك شرها

تحياااااااااتي

السلام عليكم

يعني يا خويا عامل اشتريت السيارة و انتهيت , و جاي الآن تحط الموضوع :|:| !!!

يا سيدي الله يبارك لك ان شاء الله فيها , و السيارة ما شاء الله جميلة جدا و مريحة فعلا. انا اشتريتها قبل شهرين تقريبا و ماشية حاليا 4700 كيلو. طبعا بدري جدا على انه اعطي انطباع تفصيلي لأنه السيارة تعتبر جديدة.
لكن لله الحمد حتى الآن ما شفت منها إلا كل خير.

ملاحظاتي البسيطة - و هي رأي شخصي فقط - كما ذكر أخي دبدوب بالنسبة لجلد الطارة (المقود) فعلا ناعم زيادة عن اللزوم , و هذه ممكن الواحد يحط لها تلبيسة , لكن طبعا الشكل راح يتغير.
و بالنسبة للجير (الغيار) أحس انه يريّح المكينة على الآخر , لأنه يغير بسرعة بحيث أن دورات المحرك ما تزيد عن 2.5 تقريبا في الوضع العادي. هذه طبعا أتوقع انها توفر في البنزين لأنه المكينة تكون مرتاحة جدا , لكن أحس انها على حساب العزم و التسارع. لكن طبعا في حال طلبت من الفيراكروز عزم زائد , فهي ما شاء الله تلبيه بسرعة , خصوصا اذا استعملت الوضع الرياضي للغيار.

غير كده السيارة ما شاء الله هادية و واسعة لعائلة متوسطة بسهولة , و التكييف ما شاء الله ثلج. كما أن ديكوراتها جميلة و الإضاءة الداخلية جذابة و مريحة في الليل.

سؤالي لو تكرمت ؟؟ من أي وكيل اشتريت السيارة ؟؟ بكم ؟ و ايش المواصفات ؟؟


[SIZE=5]سؤال لأخي دبدوب : انت غيرت الجنوط حقة الفيراكروز ولا ايش ؟؟؟ أشوفك مغير صورة التوقيع !!![/SIZE]

السلام عليكم وجزاك الله خير يا اخ دبدوب على مشاركتك ،،،
انا ان شاء الله راح استلم سيارتي الجديدة فيراكروز بعد بكرة يوم الثلاثاء 16/12/2008 ميلادي وباذن الله راح اعطي صورة عن اول انطباع لاستعمال السيارة وبعدها راح اوافيكم عن كل التفاصيل بعد الاستعمال لكل 5000 كم او 10000 كم لكي تكون بمثابة سجل للراغبين بشراء مثل هذه السيارة هيونداي فيراكروز
اخوكم عامر المسافر

هلا والله اخوي المسافر ...

و ما عليك زود يا خوي ابو بدران على الحاضرين
وما بيقصرون اخواني العوفي و a j_ala و admf فالمنتدى


المنتدى يحتوي على مواضيع وفيره الحمد الله عن السياره
وعن الاستخدامات والآراء عنها

من جهتي انا الموتر خذيته بتوفيق من الله يوم 24\6\2007
و ماشي حاليا قرابة الـ 50000 كم

و لله الحمد ما في اي عيوب للحين صادفتني او ملاحظات الا البعض الي ما تذكر
او بمعنى ااخر عباره عن متطلبات شخصيه لا اكثر

يعني
اتمنى يكون فيها مكان مخصص للهوك الخلفي لقلص الدراجات
اتمنى الدواسه الجانبية تكون اقرب للكرسي من ما هي عليه الان
اتمنى الاضاءة الداخلية ما تشتغتل اول ما افتح الباب لان احيانا الاهل يكونون معاك فالسياره
اتمنى المساحه الي خلف الصف الثالث تكون اوسع شوي
اتمنى الجلد المستخدم في الدركسون يكون من النوع الخشن لان الحالي هو املس شوي

يعني امور ممكن تهمني ما تهم غيري

وعن رائي فيها فهي سياره بكل ما في كلمة سياره من معنى
ممكن ابالغ لكن هذا رائي فيها لان جدا جدا مرتاح معاها

فالبر احسها مسانده
فالطريق احسها امنه
فالمنعطفات احسها راسيه ... ( وهذا الشئ عن تجربه على سرعات عاليه ومنعطفات قويه )
فالمدينه احسها سلسه وصغيره وسهل تلاقي باركن لها
فالشبابيه احسها ما خذلتني ورافعه راسي

عالعموم اترك المكرفون لاخواني مستخدمي الفيراكروز
:smilie332:


لي عوده



تحياااااااااااااااتي