معرض الرياض الدولي للسيارات ( استفسار )

انا والله كنت متوجه لهم

بس اشوا واحد من اخوياي دق علي قال مكتوب بالجريدة انه الغى بسبب الازمة ,,الخ الخ(تصريفة يعني)



حنا بس ودنا يصير مستواه زي حق جدة

معذور اخوي الجواد , وماله داعي تتعذر

لأن الخطأ منهم , وليس منك !

يعطيك العافيه على الحرص والمتابعه

:)

الله يسمع منك يارب



انا امس رحت له ,, لكن المقر ما بعد يخلص بناء

توه مكسر ومدري كيف




ان شاء الله يكون تأجل ونلحق عليه :)

شكراً على الوصف :D

لكن لاتقول انه راح علينا , المتفرض انه فاتنا بالأمس :c024:

كأني سمعت انه تأجل

طيب اذا تأجل متى بتكون بدايته <<خلاص مابقى سؤال الا سأله :D

يالله يوم الخميس ماصار الا خير , زين كان معي خويي" سواليف طول الطريق :D " , يعني تمشية وتغيير جو :smilie332:

مشكور مره أخرى

تحياتي..

المقر الجديد طريق الملك عبدالله مقابل قاعة المقصورة للاحتفالات مخرج 10

آسف ياخوي اذا كنت عطيتك خبر مو آكيد او ما شابه

لكن ياخوي

الكلام اللي حطيته من من عندي

من موقع حكومـي اضغط هنا



وهذا مصدر آخر من موقع حكومي اخر اضغط هنا (خش و انزل تحت تلقاه رقم 6 )

واذا كنت انا معطيك معلومه غلط فـ انا اسف مره ثانيـه

يا ليت تقبل عذري :)

بالتوفيق لك و لنا و للجميع في الاختبارات :)

,,

يعطيكم العافيه

اقول .. الله يهديكم بس !

من بعد ردي السابق الساعه 5 مساء .. وانا طالع من البيت على طريق الملك عبدالله

(موقعهم الجديد) مع اني ماعرفت وينه فيه ! بس رحت هناك ادوووور

مالقيت شي .. بعدها رحت للمكان المعروف .. (المروج) .. برضو مافيه اي غريب

!!!

يعني خليتونا نقطع حوالي 100 كيلوا عالفاضي

.
.

ياليت تعطووننا اخبار مصدقه , وصحيحه .. ومتأكدين منها ..

لأني سحبت على مذاكرة اختبار .. حوالي 140 صفحه !
ومعي واحد متحمس ومعه كاميرا كبر البعير يبي يصور

:)

.
.

في امان الله

شباااااااااااااب :a120(1):

اليوم اقسم بالله من بعد صلاة العشا الى الساعه 9 وانا الف في حي المروووووووج كله

قعدت اطوف على هايبر بنده مالقيت شي , حسيت اني اكبر دلخ في الدنيا :D

كل اشاره اسأل اثنين او ثلاثه وطلعت بإستنتاج , اني مو انا الوحيد الدلخ في هذه الدنيا :D

معقوله ولا واحد من الي سألته عرف المعرض !

واحد الله يهديييييه سوا بي مقلب , وصف لي مزاد السيارات الي على طريق الثمامه وانا هزيت راسي ورحت له , والله ياهو جااا حقد علييييه الله يستر عليه بس راعي الاوريون :a120(82):

يالله مو مشكلة نعوض السنه الجايه :D , بكرا مايمديني ابداً للأسف

تحياتي...

^^^^^

اي والله وين موقعه يا حلوين ما بقى الا اليوم و بكرة بس :(

طيب وين ياشباب ؟؟ ..

طريق الملك عبدالله , ولا حي المروج !

اذا كان طريق الملك عبدالله .. ياليت تعلموننا وين بالضبط ؟ بسرعه ؟ ..

ومتى يسكر ؟ ..

:)

^^^
اليووووووووووووووووووم ان شاء الله رايح له الله لا يعوق بشر

انا كنت ناوي اروحه من رمضان :D

بس والله نسيته مشكووور اخوي الجواد على التذكير |1|

إذا حصلت فرصه وقدرت اروح , ما بأبخل عليكم بتغطيه على السريع

تحياتي..

الخبر الاكيد ان شاء الله من موقع امانه أمانه مدينه الرياض :

معرض الرياض الدولي السابع والعشرون للسيارات
الأحد 16 ذو الحجة 1429


الجهة المنظمة : مركز معارض الرياض الدولي
المدة (بالأيام ) : 4
من 16-12-2008 إلى 19-12-2008
الموقع : مركز معارض الرياض
المدينة : الرياض
التصنيف : معارض
أعمال وإقتصاد

معرض الرياض الدولي السابع والعشرون للسيارات، يعتبر الحدث الأبرز والأكثر حيوية في المنطقة لما يتميز به تمازج بين أسلوب العرض والفرص المتاحة. ويشتمل المعرض على العديد من المعروضات منها سيارات السيدان، وسيارات الواجن، وسيارات الدفع الرباعي، والشاحنات الخفيفة، والدراجات النارية، والسيارات الخاصة، والمحركات والمعدات الكهربائية والالكترونية، والمولدات الكهربائية، وقطع الغيار غير المعدنية، والمفارش الداخلية للسيارات، ومعدات الصيانة، ومعدات الورش، ومواد طلاء السيارات، ومواد معالجة الصدأ والتآكل، ومعدات محطات الوقود، ولوازم حماية السيارات.
خريطة الموقع :


طرق الاتصال :
هاتف : 014541448
فاكس : 014544846

المصـدر

اخر يوم بكره يا شباب الحقو

قريت انه بدأ ولا ايش

يا ليت تعطينا الخبر الاكيد يالاخو

و جريده وشو ؟

انا قريت اعلانه بالجريدة ... امس

يا ليت احد من اللي عندهم خبر يفيدنا

ان شاء الله نشوف المعرض عما قريب لانه يفيد الكثير خاصه من ناحيه السيارات النظيفه والجديده في المعرض هذا واسعار معقوله فيه وان شاء الله الجميع يستفيد