أسعار قطع غيار فكتوريا وماركيز

ياخوان ابشتري طقم عكوس للماركيز تنصحوني اشتري من التوكيلات او من الحاج حسين
لأن الي بالسوق كلها لعب في لعب..مكتوب على العكس من برى Made in india ومشطب عليها بس الي يدقق فيها بيعرف ومن داخل مكتوب USAومدري من الصادق فيهم عشان كذا احسن لي اقطع الشك باليقين واشتري اصلي..بس محتاج نصيحتكم اي من الوكالتين اشتري

الوكاله نصب وحتيال
ويلاقون صيداتهم من المغفلين
المحلات اللي برا الوكاله لهم خصم
لقطع الغيار لاانهم ياخذوون بلكميات
وعلا كذا بي كونون ارخص من الوكاله
والشغل برا الوكاله ارخص وبنفس الطريقه
ماتشووفون شر لاانتم ولا مواتركم
وفق الله الجميع

السلام عليكم انا اخذت ماركيز موديل 97 انا ساكن في مكه

ابعرف اسعار كراسي الماكينه والمساعدات لاهنتو

واي شركه في مكه افضل من ناحيه الاسعار

سعر الثلاجه لكروان فيكتوريا وماركيز من محل قطع غيار ب 950 ريال

ياشباب من خلال متابعتي للموضوع على كذا خليتونا نكره نستعمل جميع أنواع السيارات

السلام عليكم

وراكم يا شباب مكبرين الموضوع

وحالتكم حاله وزيت مكينه وقطع غيار

وهذا يقول سرقني وهذا يقول شغل ماش

يا شباب قطع الغيار الأصليه ل موتر كرافت موجودة في كل مكان

والمضمون عند محل أسمه ((أخوان فورد)) في ورش السلي

وبعدين يا شباب أنا أستخدم زيت مكينة شل سوبر ل جراند ماركيز معي لمدة تسع سنوات ياربي لك الحمد شغال الموتر ومحركه ما شاء الله تبارك الله ما فيه أحسن منه
المشكله عالم منسمين اي شي يصير علطول وكالة

وكالة يسرقون والله يسرقون

أنا رايح مو قطع غيار ولا شي

بس أنتل كهرب والله ناوي أشتري

قالي ب 150 بس الانتل من غيرك محوله واغراضه <<< خير يا حبيبي يسوقها على أمي

وانا قلت رايي وتحياتي للكل

انصحك بتوكيلات الجزيرة لأنها المتخصصه في الصيانة حيث انها المورد الأكبر لشركة فورد اما بالنسبة للحاج فصيانته تشمل اكثر من شركة وعلامة ومثل ما يقول المثل صاحب صنعتين كذاب يعني خلك على التوكيلات يكون افضل وانا بالنسبة لي إذا بأصين بأروح التوكيلات

حسب كلام وكالة الحاج حسين قالوا لي موتور كرافت حق الماكينة هو الأفضل والأنسب وسمعت من احد الأخوه ان وكالة الكويت تستخدم موتور كرافت وسعر العلبة بوكالة الحاج 13 ريال والكرتون فيه 12 حبة ب 156 ريال وسعر الفلتر او السيفون 12 ريال اما وكالة توكيلات الجزيرة فرع تبوك يستخدمون قلف 10 دبليو 30 نوعيه علبة رمادية اعتقد لازم تتأكد

بالنسبة لوكالة التوكيلات الجزيرة يغيرون قلف بس نوعيه معينه بإمكانك تشوفها بنفسك بالوكاله هذا بفرع تبوك وبالنسبة للحاج حسين يغير الزيت موتور كرافت اصلي فرع تبوك كمان اهم شي يكون 10 دبليو 30 وانت استفسر بالوكالة

طيب يا أخوان وش أحسن زيت تتأقلم معه مكينة الكراون فكتوريا وعلى كم اسعار العلبة او الكرتون؟

آخر معلومه من واحد من العيال غير هوبات 4 لماركيز 2005 ب 365 للحبه و 350 ريال للفرامل الأمامية و 350 ريال للخلفيه وطبعاً ركبها ب 200 ريال شغل اليد في الورشه الدولية بتبوك طبعاً القطع من الحاج حسين

يا اخوان انا بالنسبة للحاج حسين قال اللي يبيع قطع الغيار اشتري القطع من عندنا وروح ركبها برى عند اي واحد شاطر افضل لك وارخص واوفر تخيلوا شغل اليد على تغيير زيت الجيربوكس بالحاج حسين يقول الفلبيني ب 370 ريال ومع الفلتر والزيت ب 670 بيركب محرك نفاث على طياره ذا !!

السلام عليكم .. انا من رأي الشخصي طبعا .. توكيلات الجزيره احسن من الحاج حسين .. اجل خبرت تركيب طرمبه ماء ب 250 وهي سعره 240 تجي ؟؟ .. المشكله الحين بدأ النصب من الوكاله .. الله يعين بس .. وعلى فكره يامشاري .. انا اركب فحمات كرتونها موتر كرافت وليش فورد .. وراء وقدام ب260 وربي انها زي الاصلي .. وفلتر الهواء اخذه من التوكيلات بالقصيم .. ب 29 ريال .. والفلتر ب 14 ريال .. وبعدين الزيت الاحسن لها 50/20w احسن لانه ثقيل ولاينقص مع الاستخدام .. هذا رأي فقط .. وبعدين نصيحه يااخوان لااحد يفرط ببكره السير الثنتين .. ترا لهم رمان يغير وترا اللي في الوكاله مو زي اللي تجي مع السياره .. وهذا شيء شفته بنفسي .. وتغير الرمان مايكلفك 25 ريال .. اما البكره تنباع ب 50 ريال الواحده .. يعني لو اغير الرمان احسن لي اغير رمان بدال بكره ..

<< كثر القرق


تحياتي