السلام عليكم
اخواني لدي كابرس بنظام التأجير مع الوعد بالتمليك من شركة تأجير السيارة محسوبة في الوكالة اول ما طلعتها ب 79500 (كانت ب79900 بس نزلولي الشباب 400 ريال)
<<< كله القصة بالتفصيل
السيارة واصل إلى الآن منها 8000 دفعة أولى (شاملة التأمين ضد الكوارث الطبيعية والبراكين والزلازل ولا احد يقول لي وشلون انا دفعت وانا ساكت )
الأقصاد 1677 كل يوم واحد من الشهر تنقها الله لا يهينك وصلهم حتى الآن 6 شهور
يعني 1677*6=10062 + 8000 دفعة أولى =18062 ريال سعودي عربي
السيارة معروفه مواصفاتها ولكن عن قولة انه ما احد يدري او شيء اشرحلك مواصفاتها
سيارة 4 كفرات (قل قسم) جنوط مقاس 16 النوع هذاك والله ما ادري وشلون اوصفه (ريش)
مثبت سرعة تحكم بالمسجل بالدركسون
ABS
مانع للأنزلاق والأنقلاب
اللون أبيض
من داخل قريب للبيج
وش بعد والله ما ادري كابرس وانتم ابخص ،،، ايه عدد 6 سلندر مو 8 يعني اقتصادية << توني جاي من دبي مشيت بالسيارة إلى البطحاء (المنفذ) بفل واحد :c005:
السيارة ماشية 32 الف وكسور كيلو متر مربع (تحت الضمان لسه)
من برا فيها مخشه يعني شيء اسود عدد 3 خطوط جنب بعض على الرفرف الخلفي من الزاوية
السيارة استعمال حشمة
للناس الصاملة ما ابغى غير سومه طيبة والباقي الله يعوضني وتجيب تعريفك للراتب ونتواجه عند تأجير اللي بطريق الملك عبدالله
السبب شراء سيارة كبيرة (مانيب قايل جمس)
