مرحبا
عندي سيارة مازدا 626 موديل 91 ، بمرحك 4 سليندر مسكر 16 V
بدت المشكلة عندي بصرف البانزين في بداية الشتاء ..يعني تخيلو كل يومين اعبي بيها عشرين ليتر بنزين وما ااطلع بالسيارة كلش قليل على حاجتي وارجع للبيت ..
بدلت النوزلات زاد الصرف .. بدلت البخاخ كامل مع TPS و AC كذلك ما استفاديت ..
بدلت الـ Airflow كذلك نفس الحالة ..
وناس قالو الجوزة الصباحية عاطلة و هم بدلت الجوزة .. واخر شي قالو الجوزة اللي بالدكشن الحار للاكزوز هم بدلتها وما فاد ابدا بصراحة كلش ضجت من السيارة ، وهي سيارة جديدة وحلوة وما اريد افرط بيها بسبب البنزين ، اني اتصور اكو خلل كهربائي بالسيارة ولذلك اتمنى لو احد يكدر يساعدني بشي حتى اعرف شنو قصة السيارة ، علما انو بالصيف كان ما تصرف ابد يعني اخلي فيها حوالي 20 لتر تمشيني 3 ايام مستمر ..
وهنا ماشاء الله بالعراق ماكو احد يفهم بالسيارات الاوربية نهائيا كلهم يعتمدون على التجربة
واني صارلي شهرين صارف اكثر من 500 دولار ومو لاكي المشكلة...
اتمنى احد يكدر يساعدني واكون ممنون اله ..
تحياتي
