:: شركة ميتسوبيشي اليابانية ,, ما هو جديدها في نظرك ؟؟ شاركنا ::

ميستوبيشي ينقصها امرين :

1- التصميم اشكالها جدا قديمه ولا واكبت تطور السيارات الاوروبيه او اليابنيه والامريكيه الكوريه هذا شي حط من حصتها في اغلب الاسواق .
2- الوكلاء لاشك انهم السياره يعني وكيل يوفر خدمات ممتازه وخدمات مميزه واسعار صيانه وقطع جيده راح تمشي السياره انت رح وكيل مثل العيسائي وكيل ميستوبيشي تلاقي نفسك كانك داخل محل يبيع خيام مش سيارات وهذا راجع لسياسه الشركه الام ميستوبيشي هم راضين ماراح تلاقي الا فرع واحد واثنين اذا تهورت ميستوبيشي ولا اضن انهم بيصحون من الغيبوبه الا بعد ماطارت الطيور بارزاقها

انا عندي سيارة جلنت وابي ابدلها وقلبي يعورني لانها ماشاء الله كالجديدة من داخل رغم ان موديلها 2003 سيارات اعتمادية لابعد درجة وحسبي الله عالوكيل اللي ماينزل سيارات جديدة ...

عيب المتسوبيشي في السعودية الوكيل والوكيل فقط

السلام عليكم - عزيزي وفيت وكفيت واقول سيارات مستوبيشى منحيت السعر غاليه وعند البيع رخيصه وقطع الغيار غاليه ومومتوفره بكثره والوكيل محتكرها لكن بالقوه قويه والشكل جميله والعضلات ضعيفه لكن جباره فى الطريق ويملكه الغني والفقير وياريت يكون هنالك اكثر من وكيل للمستوبيش في كل بلد ثلاثه وكلاء على اقل تقدير والى الامام مستوبيشى وسلامتكم

طيب الجلنت وش أخبارها ؟

اي والله اني نسيت الاوتلاندر

تراهاسقطت سهواوكانت رايحه عن بالي بالمره

واعيدواقول اكثرثلاث سيارات ابدعت فيهم الميتسو

الباجيروواللانسروالاوتلاندر

وين الاوتلاندر :mad1: ... جوهره من جواهر الميتسو

انا متأكد انها ما كانت معروضه



ارفع معنوياتنا شوي .. وقل الاوتلاندر :a1120(82):

------------------------------------------------------

اما ليش ما لها انتشار :

* مرت ميستو بمرحله سيئه في التصنيع وهي في الثمانينات خلت الناس يكرهونها

* قطع غيارها غير متوفره وغاليه ..... هذا اول من حيث عدم التوفر اما الغلا فما يزال موجود

واصلاً كل شئ صار غالي الان ..

* الوكيل العيسائي وكيل حصري ... وسئ جداً ..... هذا اول بس الان خف شوي وتحسن

* ضعف الدعايه لسيارات الميتسو من قبل الوكيل للاسف ..

* قلة معارضه ... تصدق الرياض وهي الرياض ما فيها الا معرض واحد !!!!!!!!!

بينما بقية الشركات اقل شئ 4 معارض !!!!!!!

تحياتي ومشكوووووووووووووووور على الموضوع الشيق

اتمنى يعاد تصنيع الماغنا لانها جوهرة الميتسو مشكوووووووووووووور

شكرا لذوقك

ايضا فيه سيارة من ميتسوبيشي كان بودي انك تضيفها معهم وهي سيارة سبيس واجن اسمها قرانديس بدت تلقا أنتشار كبير جدا جدا في السعودية وإلى الامام يامتسوبيشي

مشكور يالغالي على هالتقرير الرائع

أنا حاب أعلق على اللانسر , اللي ارتقت فيها متسوبيشي ارتقاء جبار جدا
أنا في الواقع عندي لانسر GT 2008
السيارة ماعليها كلام أبد
أنظمة رائعه جدا
لاتجدها حتى في الكامري بحد ذاتها
يعني أنا استغرب من شركة تويوتا لايوجد في سياراتها أي شي يحسسك إنها 2009
اللهم الشكل فقط .. ميتسوبيشي أضافت أنظمة إلكترونية رائعة جدا على سياراتها

اما بخصوص ندرة السيارة على الطرقات
أنا لما أخذت سيارتي كان ودي بلون أسود ,, لكن حلف لي مدير المبيعات اللي بالوكالة
إنه لاتوجد لانسر بهذا اللون في السعودية كلها قال هي كلها كم سيارة سودا وانباعت
قال ماعندي إلا اللي في العرض هذي وهي آخر ثلاث لانسرات في السعودية !!
وكان لونها كحلي , انا استغربت حقيقة

المشكلة مو في المستهلك المشكلة من الشركة نفسها يعني أنا بصراحة كذا واحد سألني
السيارة اللي معك هي اللي بنفس المعرض ؟!

قلت له إيه قالي أنا كنت ودي آخذها ونفسي فيها بس ودي لون كذا وكذا ..


عوافي يالغالي

الوكيل هو السبب

العيب في الشكل

========= العيسائي =========

هو السبب === يااخي تخيل انا قبل سنة شاري اللانسر نص فل بـ 56.000 ريال

وعلى فكرة سيارتي مافيها ساعه الكترونية (تخيل بس)


المهم بعد مااشتريتها ادخل المنتدى ويجي واحد اماراتي محترم ينزل موضوع يقول

اشتريت لانسر فــــــــــل اوبشـــــــــــــــن بـ 55.000 درهم

ووالله والله ان فيها مواصفات اكثر من الفل اللي عندنا

حسبي الله على العيسائي واللي تاركه يلعب بذيله


اسف على التجاوز بس والله من الحرة == تسلم حبيبي على الموضوع

اشكرك اخوي على تقريرك المميز لسيارات ميستوبيشي
الصراحة سيارات جميلة وقوية لكن العيب في وكيلها

قبل فـتــرة لفيــت جميع وكالات السيارات
<< كنــت ابحث عن سيارة سعرها 60 - 70 الف ريال
من ضمن الوكالات الي دخلتها وكالة العيسائي للسيارات
الصراحة عجبتني الـ لانسر ex جميلة جداً وشكل رياضي جذاب << لكن المشكلة الوحيدة الي واجهتها "ليست بالسيارة" بل في موظفين مبيعات الشركة

بحثت عن الموظفين لم اجدهم اخـر شئ وجدتهم متجمعين في مكتب واحد و داقينها سوالف وشاي وقهوة واسأل الموظف عن وجود حساسات بالسيارة يرد علي " مادري شوف السيارة قدامك"<< من طرف خشمه والله لو اني اشحت
"قلت هذي اولها كيف بعد ما اشتري السيارة .. شكله صيانتهم اخدم نفسك بنفسك "

بعكس الوكالات الثانية تلقى الموظف يستناك عند الباب يوم يشوفك داخل المعرض

ماعلينا
الحمد لله حجزت التيما وانشالله الاسبوع الجاي بتطلع

تحياتي‘‘

اكثر سيارة عجبتني اللانسر الجديدة



صراحة ابدعت ميتسوبيشي فيها




بس الوكيل عندنا ما يشجع

بالفعل شركة ميستسوبيشي شركة كبيرة وعريقة واتوقع في خلال 5 سنوات راح تقدم سيارات جديدة ممزوجه بالقوة و بروعه التصماميم التي بدأت تظهر في سياراتها الجديدة كالأكلبس ولانسر والباجيرو ولكن أعتقد ماراح تكتسح ميتسوبيشي السوق أو على الأقل يكون لها حصة من كعكة السوق إلا أذ أنتجت سيارة مثل الكامري والاكورد والالتيما لشدة الطلب على سيارات الفئة هذي ويكون تصميمها جميل وموصفاتها كثيرة وبسعر أرخص من المنافسين بكذا راح تنتشر وراح تتغير نظره المستهلك عن الميتسوبيشي
تقبل مروري

شكرا على المرور ..
وبالفعل الوكيل مقصر المفروض يتحرك شوي ولا بالله عليهم الشركة بكل امانه عطتهم الانسر .. المفروض يعرفوا يسوون لها دعاية زي الناس .. ويسوقوها عدل ^^ ..

بالنسبة لعضو قديم , meh .. انا طلعت من المنتدى لسبب وهو رد واحد من الأعضاء علي .. بس الحين رجعت " بس بكشل خفيف " .... وتسلم اخوي much appreciated ..

يعطيك العافيه على الموضوع

وصراحه اكثرسيارتين ابدعت فيهم ميتشوبيشي اللانسروالباجيرو

امابالنسبه لعدم انتشارهافقطع الغيارالغاليه لها دوربالاضافه الى ان الوكيل مقصر

في الدعايه على سيارات ميتسوبيشي بالغلط تلاقي اعلان في الجريده لاويقولك راجع الوكيل

زين على الاقل اكتب مواصفات شي امامن ناحية اسعارالسيارات نفسهااناشوف انهامناسبه بقوه مقارنه

مع المواصفات اللي بتحصلها

>>>> ماشاءالله عليك عضوقديم ان شاءالله نشوف لك مشاركات اكثر