تتوقعون هالحركة تمشي على الفحص الدوري ؟؟

knkn999 @user_141671 · 01-02-2009

السلام عليكم

ياشباب عندي موتر ابي ابيعه والمشكلة الفحص منتهي وابي اجدده والحمد لله السياره مافيها شي
بس المشكلة مره كنت راجع من الشرقيه والسياره اللي قدامي دعست على حجر وضرب بالقزاز الامامي جهة الراكب وصايره ضربه مشعره بشكل دائري حجمها يمكن 10 سم وماوصل الشطب لأطراف القزاز يعني ضربة شكلها دائري بوسط القزاز جهة الراكب..
والحمد لله يعني مافيه تنسم او هوا يدخل من الضربه .. فكرت قلت ماله داعي اغير القزاز كامل وانا ابي ابيع السياره وبرضه ماودي اغيرها تجاري علشان ما اضر اللي بيشتريها بعدي ولو درا ان القزاز مغير بيطيح سعرها ..
قالوا لي الشباب ودها عند الورش اللي عند الفحص يشيلون القزازه كلها ويركبون قزاز جديد وبعد الفحص يشيلون اللي ركبوها لك ويرجعون لك القديمه .. بس فكرت بهالحركه خفت انهم مايركبونها زين مثل شد بلدها واخاف يصير تنسيم فيها ولا شي ..
فكرت وفكرت قلت ابي احط ورقة A4 بكتب عليها من الخارج السياره للبيع For sell ومن الداخل وبنفس المكان ورقه ثانيه فيها مواصفات السياره ونوعها وكم ماشيه ..
تتوقعون هالحركة تمشي عليهم ؟؟
واذا مامشت عليهم كم ادفع واعيد الفحص ؟؟

واعتذر لكم على الاطاله ..

خالد

أسـامـة @user_150240 · 03-06-2009

اعرض سيارتك للبيع بدون ماتجدد الفحص الدوري واذا لقيت من يشتري سيارتك اتفق معه انه يصلح القزازه ويخصم من قيمه السياره ويفحصها
مع العلم ان المشتري عليه تجديد الفحص الدوري للسياره وتجديد الاستماره

Night @user_14595 · 03-06-2009

تم نقل الموضوع من منتدى السيارات العام الى منتدى المرور والحوادث ومشاكل الطرق

$ الإمبراطور $ @user_145916 · 03-06-2009

الحمد لله ربي أسلمك وغير القزازة على الأقل يطلع شكل السيارة حلو

knkn999 @user_141671 صاحب الموضوع · 02-06-2009

الله يعطيك العافية مخاوي الشوق
وابشرك ضبطت الحركة ومشوها الفحص :)

مخاوي الشوق @user_42968 · 24-05-2009

اخوي اذا من جهة الراكب راح تمشي اما من جهة السايق ماراح تمشي

واي استفسار ارسلي على الخاص

م.الحارثي @user_117721 · 24-05-2009

قد مشت مع قريب لي معه كامري 2005 ردوه بحجة ان الزجاج الامامي فيه شعره خفيفة عند اقصى الزجاج الامامي ويش سوى ركب السكنرات وحد قدام وعلى جنب شكلها جاي شي ومشت ولكن مدري عنهم الحين يمكن يسون فيها وعلى فكره في بعض المحلات يسونها اذاكانت خفيفة هذا والله اعلم

knkn999 @user_141671 صاحب الموضوع · 24-05-2009

عدنا

ابشرررررررررررررركم عدت الفحص اليوم ولامن شاف ولا من درى

واللي يقولون صلحها عند حقين الزجاج .. ترا الضربه ماتتصلح ابددد

شوفوا هالصوره للسياره
لاحظوا الضربه فوق على اليمين .. الضربه جااامده

والسياره للبيع
احد له نظر

T E E R Y Y @user_147482 · 06-03-2009

اعتقد انها بتمشي

speeed1 @user_47102 · 04-03-2009

جرب صلح الزجاج في بعض المحلات ممكن تسوي ذلك

givinshi @user_50268 · 02-03-2009

صلح القزازة زي ما قلك خوينا في البديعة احسن من الهجولة

موظف غلبان @user_133104 · 02-03-2009

اقل من 30 سم تمشي بالفحص

GM_TAHOE @user_23867 · 23-02-2009

اخوي دام الكسر ما وصل للـ 20 سم

بأمكانك اصلاحة بالليزر لدى محلات اصلاح الزجاج

وبمبلغ معقول

وبتوفيق

lumi2008na @user_137989 · 23-02-2009

ياخوي بدل الزجاج أريح لك وأريح للي بتبيعها عليه يعني هو لما ياخذها بيروح يبدل الزجاج
انت ريحه وبدله

SOSO-V6 @user_145123 · 23-02-2009

اساسا القزاز الظاهر اذا انفك ماعاد يرجع

سهامي @user_139621 · 01-02-2009

اللي يقول بي فك القزاز ويرجعه لك ثاني مرة أعتقد ما يقدر لأنه بيكسر القزاز الأول اللي هو حق الوكالة لأن ما يطلع إلا بكسر وأقول فيه محل القزاز يسمونه طبيب الزجاج يسويها لك بستين ريال ويطلع شكل الكسر زي الغراء أبو ريالين يبين شوي وبعض الكسر بيختفي .
وأعتقد لو رحت الفحص ما يقولو شيء لأني فحصتا سيارتي وهي مكسورة القزاز نفس الكسر اللي عندك وما رجعت ...
وشف لك واسطة في الفحص وما ترجع إن شاء الله ,,,,,,,,,,,

Mashari @user_53720 · 01-02-2009

والله احس انه اول ما يشوف الورقة من برا وجوا السيارة بيشك.

حاول تصلح القزازة.

M O A Y A D @user_15565 · 01-02-2009

.
.
.
اذا الكسر على شكل خط وطوله 10 سم ,,, تقدر تدخل في عين الفني ويمشيلك اياها او تطلع للمدير وتفهمه

لكن لو دائري ,, هذه مادري عنها

لكن بخصوص ورقتك اللي بتحطها ,, مااتوقع انها بتمشي ,, لان اول شيء بيسويه الفني يوم وفحص الزجاج ,,, يشغل المساحات ,, وكاجراء طبيعي انه يشيل الورقة

RBG1 @user_142319 · 01-02-2009

اعتقد انها بتمشي عليهم..وبصراحه فكرتك ذكيه

وبالتوفيق اخوي

The_Game @user_133527 · 01-02-2009

جرب اتوقع انها تمشي