توكلت على الله وخذيت يوكن2009

ماشاء الله
والله يهنيك فيه واحسنت الاختيار لانها سياره تستاهل
وننتضر ردك بعد ماتوصل المبروكه

صراحة كلامك جدا شيق واقعي يتكلم بنظرة صحيحة عن السيارات وكلام الوكلات الغير الصحيح
وأسأل الله العظيم أن يرزقك ببينت الحلال التي تقر عينك بها وتكون عوناُ على الطاعة في قافلة الرحمن ويجعلك بارا بأبيك وامك ولا تنسانا من دعائك ,,,,
ومعلومات الواقعية عن تجربتك لليوكن ,,,
لكن والله قصتك في حق العجوز التي بالمستشفى جدا أحزنتني لكن الله يهدي شباب اليوم ويصلحهم,,

تحياتي لك أخوك أبو نوره.....

يا شيخ روح الله يوفقك

أنا استفدت من كلامك عن الدبل

لكن اللي أثر في نفسيا و جعلني أفكر في الحياة بنظرة نوعا ما مختلفة

هو كلامك اللي عبر عن فلسفتك في الحياة

يا أخي الواحد فينا الله منعم عليه بوظيفة و زوجة و ستر و لكن للأسف شايل هموم الدنيا

جزاك الله خير أخوي

و الله أحببت فيك روحك الطيبة و الإنسانية العالية اللي في قلبك

وفقك الله تعالى

بالنسبه للتسخين اخوي هالمشكله انحلت قبل لا تسوي الريوق او حتى قبل ماتاخذ دووش شغلها بالريموت وخلها تسخن لما ترتاح ههههههههه خدمه ورفاهيه ...

ان شاء الله بكرا راح اطلع المبرووك من الوكاله الساعه 10 الصبح عاد بجربه كم ساعه وبعدها بجي ارد ... عاااد ساعتها اذا شفتوني امدح الددسن فتراني ناوي على بيعة اليوكن تراه مايصلح بسبع المذاهب

وان مدحته فبيكون ان شاء الله خير الاختيار وان شاء الله اني امدحه ويطرح فيه البركه وبصراحه انا حاس ماهوب جايني نوم اليوم ههههههههههههههههههههه

بس صدقوني اليوكن سياره تحس انه موتر لما تشوفه تقول صح هذا موتر عندي احساس ان اليوكن سياره

في واحد من ربعي مثل حالتي طلع سياره من الوكاله ومن الفرحه ( الفرحه مش سيعااهــ ) صدم باب الكراج الوكاله هههههههههههههههههه قال هذا اولها اجل ينعااف تاليها ههههههههههه

الله يستر عاد بكرا لا يصير شئ

عاد الكامري انا بايعها لواحد من ربعي وانا كنت ماخذها مستعمله بس نظيفه كانت ومازالت نظيفه كانت صديقتي مشواري الماضي صحيح الكامري سياره بكل معنى الكلمه وصبرت علي صبر ...

ولكل سياره حد معين اذا ماتبي تتعب معاها والكامري وصلت لحدها المعين وبعدها راح تطلب منك كثير ولكن سيارتي نظيفه وانا قلت لصديقي رح فيها لك ثلاث ايام جربها ان جازت لك فعلى بركة الله انا ما جازت لك هات 3000 حق الثلاث ايام ولا عاد تراويني وجهك لمدت شهر هههههههههههههههه قويه الزعله لا امزح

يلا بكرا يجي الوحش اليوكن ونشوووف هو وحششش بحق وحقيقي والا وحش من ابوطقه يصرخ صرخه ويكح سبعين كحه ...

ترا اللي مثلي المفروض مايشتري سياره وكاله تقول اول واحد بالعالم يشتري سياره هههههههههههههههههههههههههه صجيتكم بهالسياره ههههههههههههههههه اخاف الاداره تسوي لي حظر

يلا عاد بكرا نشوووف ويشهد الله راح انقل لكم حقيقة شعوري والصوره الحقيقيه لان في بعض الاخوان يشتري سياره ويمدحها وهي فيها الف عله وعله وانا بنقلكم الحدث بحقيقتك بدون مبالغه واي استفسار سجلوه لي واي شخص ناوي يشتري ينتظر لما اجربه هالاسبوع او هالاسبوع واخبره بعدها

شكرا لك من رد وعلق واضافة فائده ... وجزاكم الله الف خير ورزقكم الله من خيره ...

وبكل حق ردودكم تثلج الصدر وتطرح فائده اكبر واوسع للموضوع ...

اما بالنسبه للاخ الكريم اللي يقول ليش ما خذيته دبل

انا بقولك الصراحه انا من اهل الشرقيه يعني اذا فكرت اروح بروح لبرها طبعا ماني من هوات التطعيس لاني ماني مقتنع بهالهوايه لان اضرارها اكثر من متعتها انا راعي بر على خفيف يعني لو بطلع بروح لطريق ابوحدريه مثل الساجي والسفانيه والنعيريه وهالاماكن نسبة التغريس فيها 50% وعلى مهارت السائق نفسه واهم شئ هو اطفاء نظام الانزلاق قبل دخولي البر لانه بقائه شغال يصعب على السياره ...

ووجود الدبل يغير عزم السياره وقوتها مع مر الوقت وتتغير دعست البنزين وعزمه يصير ثقيل والاهم اني ماني راعي بر او تعطيس ...

وانا لما فكرت اشتري سياره بصراحه كنت فوق المحتار ولو ترجعون لمواضيعي القديمه قبل سنه او اكثر كنت اتنقل بين السيارات ومحتار قبل سنه ونصف تقريبا كنت مجمع من المال بحدود 60 الى 70 الف وكنت افكر بالبليزر والانفوي وبعد ماسمعت عن خرابه وانه سياره مشاكلها اكبر من فائدتها فتراجعت عنها وقلت اصبر كم سنه والحمدلله صبرت سنه وجمعت 130 الف لا اقصاد ولا سلفيه ولا غيره ...

لان الاقصاد والدين شئ يعكر صفو الحياه مستعد اخذ سياره موديل 71 ولكن مرتاح البال والامور بفضل الله باحسن حال ابرك من سياره موديل 2009 والدين يكسر الظهر ...

وهالوقت اللي احنا فيه خاصه للشباب لازم يقتصدون شوي لازم يشوف حالة الوقت وصعوبته انت تبي سياره وبيت وتبي تكمل نصف دينك وتاخذ بنت الحلال اللي تزين حياتك وتجيب فريخاااات وصيصان وتعيش في سبات ونبااات

علشان كذا لازم تخطط بالسليم انا اليوم اشتريت السياره المناسبه والحمدلله حصلت الارض المناسبه والحمدلله قدمت على طلب سلفة لبناء بيت ...وش باقي باقي بنت الحلال

لا وازيدكم من الشعر بيت ترا راتبي قبل كان 2500 ريال والحين والحمدلله 3800 ريال

يعني طلع من البيضه ابوي وامي ماقصروا فيني احسن تربيه واحسن لبس واحسن مكان وماقصروا معاي دوم ولا يوم

علشان كذا بعد لازم الانسان يفكر بنفسه والام والاب شيك على بيااااض

تخيل احد يعطيك شيك على بياض ويقولك يا فلان سجل المبلغ اللي تبيه ...هههههههههههه وربي يمكن تسجل رقم خيالي لسه ما اخترعوه هههههههههههههه من كثر الاصفار

والام والاب هم ايضا شيك رباني من الله سبحانه يقولك شف هؤلاء لك في حياتك بعد طول العمر والصحه لهم ولجميع المسلمين اذا راحوا تراك انت الخسران لا وخساره لا تعوض ..

علشان كذا لازم نتوصى فيهم زين مازين ومهما قدمت لهم تراك ماقدمت شئ لا تقول سويت وسويت تراك والله لو تركض بأيدينك ورجولك ماسويت شئ ...

يا اخوان بالامس الاقي بالمستشفي عجوز منزلها ولديها وسمع اذن يقولها شوفي اي واحد يدليك الطريق انا بروح اتعشا عند فلان وبجيك خليك عند الباب ...

الساعه في هالوقت كانت 4 ونص العصر

يعني لو الساعه 7 ونص العشا نقول يمكن

4 ونص وامك عجوز منزلها وتقول لها روحي وش اصغر عيالك

انا كنت اراقب الموقف نزلت العجوز وراح الولد وشفت المسكينه ماتدري وين تروح رحت لها وقلت يا خاله عسى ماشر وش فيك قالت انا حاسه بدوخه وجلست تشكي تخيل احنا في قدام المستشفي مادخلنا يعني المسكينه وش عرفها تحسبني طبيب او ممرض

خذيتها من ايدها ودخلت معاها قلت لك رقم او عندك كرت قالت لا المهم سويت لها كرت وقلت هذي امي وهي فعلا مثل امي لانها ام ولكل ام احترامها وتقديرها ..

ولما سويت كل الاجراءات وجلسنا ننتظر الطبيب ونادوا على اسمها وقامت جلست تنتظرني اجي علشان ادخل معاها عند الطبيب وربي اللذي لا اله الا هو اني لو مو في مكان عام كان غرقتهم بكي شئ عجيب دخلنا وفحصها الدكتور وعطاها العلاج وخرجنا والساعه الان تقريبا 5 ونص والاخ بيجيها الساعه 8 العشا

قلت يا خاله تعرفين بيتك وين قالت اي اعرفه والحمدلله طلعت تعرفها وصلتها البيت ولما نزلت قالت جمله وربي شعر جسمي وقف منها ...

قالت لي : جعل هالوجه مايشوف النار ياالله يا سبحانك ترحمه مثل مارحم هالعجوز ...

اقسم بربي رحت ووقفت على الكرنيش وهااااته دمووع ودموووع كلام يا بشر ماتحصله لو تشتريه بالذهب وجبااال الذهب حصلتها في ساعه وربي هذا الرزق ومكسب الدنيا الطيب


انا باين دخلتكم في موضوع ماله صله بالموضوع الاصلي ولكن هي والله مجرد وقفه لكل شخص فينا علشان يقدر الكنز اللي عندهم ..

ولكم كل الشكر

ماشاء الله عليك
الله يبارك لك في السياره الله يعطيك خيرها ويكفيك شرها
وباذن الله ماتحصل فيها عيوب وتستمتع بيها وتمتعك ولاتطلب منك شي
نصيحه ياغالي للاتتهاون بتسخين السياره دايما سخنها قبل ماتطلعبها مشاوير

على فكرة

التاهو و اليوكون نفس السعر

اللي يوهم إن التاهو أرخص هو وجود نوع اسمه LS غير موجود في اليوكون

يعني بداية اليوكون هي الـ SLE - على ما أظن - و اللي هو يوازي الـ LT في التاهو

مبروك أخوي

الله يبارك لك فيها و يعطيك خيرها و يكفيك شرها

قرأت ردك اللي شرحت فيه وجهة نظرك

أعجبني كلامك و حسيت بتقارب الأفكار

لكن ما وضحت ليش اشتريت بدون دبل !

يازين سواليفك

وربي استمتعت بالموضوع وبكلامك

ومبين عليك فاهم وعاقل وتعرف توزن الامور

ماقول الا الله يوفقك دنيا واخره

وجعل دربك السعاده

والف الف مبروك السيارة ويعطيك خيرها ويكفيك شرها

الله يبارك في حياتكم وجزاكم الله الف خير وعقبااالكم جميعا

ومشكورين على الردود الطيبه والنصائح ...

وبالنسبه للاخ الكريم اللي يقول اليوكن كبير على العزوبي
انا اقول فعلا كلامك سليم ولكن انا أرى لا توجد سياره تستطيع ان تجد بها كل ما تريد مثل اليوكن صحيح الكامري موتر لانه كان عندي وسيارة فزعه زي مايقولون بس الموديل الجديد حجمه ليس ببعيد عن اليوكن لو خذينها بالورقه والمسطره ... ولا يوجد بالكامري اي عيب ابدا

وانا فعلا اتذكر الايام الخوالي القديمه حينما كانت سيارات تويوتا نكتت الارض وهذه الايام ليست ببعيده تقريبا من بعد 91 اصبح لتويوتا وجود اما قبلها فكان الجمس هو الاختيارات الاول

بتقولون لي نظرية شيبان وقديمه والحين التويوتا احسن واوفر وشيك مصدق بقول نعم ولكن يبقى لجمس مكانته ونظرته قبل ما اخذ يكون كنت متردد بين التاهو واليوكن وهم مثل الشئ بس التاهو ارخص وبصراحه كنت باخذ تاهو بس من كثر روحتي للوكاله ورزتي عندهم كل يوم ههههههههههههه اول يوم رحبوا فيني وثاني يوم طبلوا لي بالكلام المعسول وثالث يوم يقولون لي هااا اخلص اختار ورابع يوم امر عليهم ولا هم معبرين كأني مو موجود ههههههههههههههههه

بيت القصيد اني لما وقفت قدام التاهو وجنبه اليوكن حسيت ان الجمس هو الافضل لان الدرجه الثالثه يوكن افضل من التاهو الدرجه الثانيه بالمواصفات .

التاهو وجهيته حلوه بصراحها بس اليوكن بعد وجهيته وحششش ...

والسياره للي يتعود عليها انا قبل كان عندي لنكن مديل 92 وقبله والحمدلله كنت اتحكم فيه مثل ما اتحكم في الكوريلا وافضل وبعدها خذيت ام عزيز الددسن وكأني اسوق باص جلست مده وانا احوس فيها مع ان اللنكن اكبر واطول منها هي على التعود وعلى السواق نفسه

وانا ارجع اكرر النقطه المهمه الواحد لما يبي يشتري سياره يبيها سيارة عمري ماهو جوال او مسباح تبدله كل ما مليت منه ..

وان شاء الله بكرا يطلع ذيبان من الوكاله واخبركم عن استخدامه

وانا من النوع اللي مايمدح اي سياره حتى لو سيارته

يمكن بكرا بس اطلعها الاقي فيها مشاكل لا قدر الله او عيوب او ماتعجبني وارجع اغير كلامي كله والله يجيب اللي فيه خير


وانا بنقل لكم كل شئ بحقيقته ولن ابالغ ابدا

ولكم كل الشكر والتقدير

الله يبارك في حياتكم وجزاكم الله الف خير وعقبااالكم جميعا

ومشكورين على الردود الطيبه والنصائح ...

وبالنسبه

ألف مبروووووك الله يعطيك من خيره ويكفيك شره

[COLOR=Black](ليسمح لي مشاعر غربة على أخذ عباراته الرائعة[/COLOR])

ياجعله مركوب الهنا وقدومه قدوم السعد عليك بأذن الله

ومبروووووووووووووك ياخوي والله يعطيك من خيره ويكافيك شره

يازين مااخترت ياخوي وانا اؤيدك بلأختيار حتى وان كنت عزوبي

اليوكن رزة وهيبه وموتر حشمة

والله يوفقك ويزوجك ويرزقك الذريه الصالحه ان شاء الله

~ آمين ~

مبرروووك اخووي ..

الله يعطيك خيرها ويكفيك شرها ..

مبرووك مبروووك من جد شكلك متحمسس <<<<كان جالس يقراا القصه الي كاتبها هههههه

الف الف مبرووك ولله مالومك نفس شعوري اول ماشريت سياره احسس من جد كأني ملكت الدنيا

لله يعطيك خيرها ويكفيك شرهاا ... وبصرااااحة ذووقك هو الأفضلل وانا واحد ناوي اطلع لي تاهو بصرااحه اخو اليوكن :P
وربي يعطيك خيرها ويكفيك شرها يارب
وبصرااااااحه مشكور على كلامك وعلى نصايحك .. صدق نصايحك فعلن مفيده ووياليييت كل من يدخل موضوعك يقرااهااا وللله

واخيرن اقول ... لله يعطيك خيرها ويكفيك شرهاا .. وكل ماجيت بتطلع بالسياره اقرى سوره الناس

لله يبعد عنك الحاسدين ويوفقك يارب

الف تحية ... اخوك احمد

مبارك عليك , الله يعطيك خيره ويصرف عنك شره ,,
تحياتي لك ..
:emot38:

ياجعله مركوب الهنا وقدومه قدوم السعد عليك بأذن الله

ومبروووووووووووووك ياخوي والله يعطيك من خيره ويكافيك شره

يازين مااخترت ياخوي وانا اؤيدك بلأختيار حتى وان كنت عزوبي

اليوكن رزة وهيبه وموتر حشمة

والله يوفقك ويزوجك ويرزقك الذريه الصالحه ان شاء الله

بالتوفيق
بس بصراحة أنا أتحفظ على كلامك قليل
يعني عزوبي وماخذ يوكون ((قوووووية))
أحس ماهي لايقة عليك
يمكن الأكاديا خيار أفضل وبديل قوي لليوكن
تحياتي لك

الله يبارك في حياتكم ويجزاكم الله الف خير ..

بالنسبه للاخوان اللي ذكروا ان الدبل شئ مهم انا احب اقول لهم نعم كلامكم سليم 100% والدبل شئ مهم

ولكن بعد ماسئلت اهل الخبره قالوا لي اذا حبيت تروح لبر وماعندك دبل فاغلب نظام الانزلاق لانه يساعد على التغريسسس

وانا بصراحه نادرا جدا اروح للبر يعني يمكن اروح مرتين والبر اللي اروح له نسبة التغريس 50% في المئه

ولهذا انا وضعت في نفسي شئ واحد وهو ان بارك الله لي في السياره وتجنبت المشاكل والحوادث الا ماهو مكتوب وحماكم الله والمسلمين من الحوادث لاني انا بعد عندي قاعده وهي السرعه له وقت معين ولها اوقات ليس منها اي فائده مهما دعست فالحياه باقيه بسرعه او بغيره والتأني فيه السلامه

يعني سرعتي بالخط الطويل مرات 140 ومرات 160 اذا الشارع يسمح واذا زحمه مابين ال120 وال140

والحمدلله ..

لاني واضع في بالي ان تبقى معي السياره اطول عمر ممكن ولكم ولي وللسلمين طول العمر

السياره عندي مثل الصديق تبيها خير فأن من يجعلها صديق خير وان اردتها شر فانت ايضا من يجعلها

وانا والحمدلله سيارتي صديقتي اعتني فيها قدر ما اقدر وانتم اعلم بالاحوال الواحد يبي سياره توصله سالم بعد الله وترجعه سالم وتسهل اموره مو تصعب اموره الا في امور خارجه عن ارادته ..

وفوق هذا المبالغ الباهضه للسياره يعني في بعض الاخوان هداهم الله يشتري في السنتين اكثر من 3 سيارات وربما قد يخسر فيها وانا ما اقول هذا حرام ولكن التأني افضل ...

وانا افكر ان تبقى السياره معي بعمر طول مثل 3 سنوات او 5 سنوات ..


ما جذبني في اليوكن بصراحه هو اول شئ انه واسع من داخل يعني سياره عائليه وعزوبي

ثانيا.. السياره واسياتها وكشناتها مريحه جدا وقيادتها ايضا مريحه سواء بالمشاوير الطويله او القصيره

والفرق شاسع بمقارنتها بالاند او السفاري مع احترامي لهاتين السيارتين

ثالثا شكل السياره حلو ومهما تغير شكله يبقى لشكلها الخارجي هيبه وجمال .

ثالثا اليوكن 2009 جاء ب 6 سرعات يعني المكينه مرتاحه
وفوق هذا اليوكن اللي خذيته زي مايقولون دبل قير يعني اوتو وعادي في الاماكن العاليه

رابعاً السياره فيها نظام كمبيوتر يعني في المدينه تلاقئي يصير 4 سلندر في صرف البنزين ..

وحسب اللي يملكون هذا النظام فهم يمدحون بشكل طيب وجيد ..

خامسا السياره من النوع الرفيع نسبياً عن مطباتنا وحفرنا الاسطوريه يعني الموتر رفيع ويفرق عن سيارة الصالون انه متى ماخذيت معاك حموله يتسعصب على مطباتنا وحفرنا الوصول الى بطن الموتر ..

سادسا: اليوكن داخليه بصراحه حلوه وهناك امور كثيره يقع فيها الاخوان حينما يشتري سياره جديده صحيح تبي تعتني فيها ولكن يستعجلون وياخذونها الى اقرب محل للزينه ولتركيب الارضيات ويقوم بفك السياره وتركيب لها البلاستيك

اخواني بقولها لكم حسب نظرتي اللي اتوقع صحتها والله اعلم

السياره لما تفك ديكورها من داخل وتبي تسوي لها بلاستيك وغيره من امور الحمايه فانت ترتكب خطأ فادح السياره ومساميرها عباره عن بلاستيك او المنيوم مقوى يعني فكها ربما يكسرها او يقلل من قوة المسامير وعمال الزينه عندنا الله بالخير اللي مايجي بالطيب يجيبونه بالقوه

ولهذا انا اتجنب اخذها لاي محل زينه ما اركب لها بلاستيك ولا تلبيست كراسي خلها من وكالتها عش جمالها

وانا فقط بروح لاقرب محل زل يعني الفرشه حقت البيت واقول لهم قطعوا لي قطع ارضيه من الفرش راكبه مع اللون والارضيه وبهذا احافظ على تماسك السياره ...


وايضا الوكاله انا ذهبت لهم واستكشفت الصيانه وحصلت نفر واحد معاها طشاش حق الصدئ و رافع السياره وشغال فك بهالبراغي وتطشطشه اسئله ليش السياره جديده يقول لا تمام وبعد فتره حصلتهم منزلين قير تخيلوا قير اقول ليش يقول تشييك يا اخواني هالامور اللي يسوونها الوكاله من صيانه كذابه ونفاق ويقولون كل شئ تمام وهم يركبون زيوت من النوع الردئي وعمالة صيانه اقرب بالفاشلين وصيانه ماتوجد فيها اجهزه حديثه للصيانه مثل الكمبيوتر وغيره ..

ولهذا انا قلت اذا السياره تمام بعد الله والله مايشوفون وجهي على خير الا جاي ادور على سياره ثانيه جديده وبلا نصب هالوكالات بالصيانه بس ادفع ادفع 160 زيت و306 ريال حق مدري ايش و450 حق صيانه .

هذي نظرتي بصراحه

يعني بعض الاخوان قالوا رحنا لصيانة ال5000 كيلو وياليتنا مارحنا بس رجعنا حصلنا امور ماكنا نحصلها قبل ...

وانا احذر الاخوان لما تبي تشتري سياره جديده من الوكاله خش بنفسك وشف الكراج وخذ السياره اللي تحس محد حركها الا لما جاء يوقفها في مكانها وقل ابي هذي وخذ رقم شاصيها لان بعضهم اقوله خلص ابي هذا يقول اوكي ويروح يجي لي وحده مغسوله ومضروبه بكل مواد التلميع ويقول هذي سيارتك اقوله ياشيخ هذي سيارة عرض كل من جاء فتح بابها وركبها وضرب باابوبها لما تفككت براغيها ..

ولهذا اقوله الله لا يهينك ومشكور على كلامك المعسول ابي السياره اللي طلبتها وابيها بغبارها لا تحركون منها شئ ...

واللوان اللي خذيته ذهبي لاني جربت كل الالوان وتعرفون الالوان اذاوق وحصلت الذهبي ماتبين فيه خدوشش بعض الصبيه الحاقدين يعني مرات توقف سيارتي تلاقي مسجل على بديها ذكريات ومشخبط عليها

ناس مريضه الله يشفيها

وبيني وبينك في اللوان حلوه بس الذهبي حسيت هو اللي مايبين فيه غبار او خدوش او غيره من هالامور .

طبعا هناك امور كثيرا منا مايتجاهلها حينما يطلع سياره من الوكاله قبل ما تطلع السياره قبل ماتسوقها شيك على ماي الرديتر والزيوت لان بعضها يكون ناقص ...

وانا اقولكم نصيحه يا اخواني وهي نصيحة من اخ لاخوانه الفلوس ترها ذمه في رقابنا لما تفكر تشتري سياره فخاف الله في نفسك وخذ السياره اللي تقضي حوائجك وتكفيك من طلب الناس

وابتعد عن السرعه الزايده والمجاكر وبعض امور العربجه وخاف الله في نفسك وفي اموالك وخوف اهلك عليك .... حافظ على نعمة الله


والله اشاهد شباب عليهم سرعه مو طبيعيه وكم من الحوادث الشنيعه حفظكم الله حدثت لابرياء وقد تكون انت مجرم في حقهم وحق نفسهم ...

ادري كثرت عليكم بالكلام ويمكن هذي من فرحتي بالسياره هههههههههههههههههههههههه الله يرزقنا من خيره

طبعا بس اطلع السياره على خير باخذ فيها كم فره بس مو بالاحياء لا بشوف لي هاي وي واتدرج فيها ويمكن يومها انام عند السياره من الفرحه ههههههههههههههههههههههههههههههههه

لانها اول سياره بحياتي تكون وكاله لنا ولكم طول العمر

بس لا تنسون ترا العين حق يعني لما تشتري سياره مو تقعد تفر فيها الشوارع خلها عاديه هههههههههههههههههههههههههه

وش بعد وش بعد

اي مميزات السياره

السياره من مميزاتها الحقيقيه مريحه بالطريق وفعلا اليوكن ملك الطريق بالراحه والجمال

وايضا هي بريموت كنترول يفتح الابواب والشنطه ويشغل السياره يعني اول ما تاخذ ترويشة الصبح تشغلها تسخن وانت تتريق ومن ميزاته انك اذا شغلتها تكون مقفله وحتى لو واحد تجرأ وكسر النوافذ علشان يسرقها ويفحط فيها السياره ماتمشي ولا سانتي الا لما تجي انت وتحط المفتاح في السلف ...

وبعد فيها مثبت سرعه الكشن متصل منفصل ومكيف مركزي يعني مكيف خلفي وامامي واهم شئ المكيف الخلفي لازم تكون ممتازه علشان جو الصيف عندنا

وايضا ميزة الامريكي ان حرارته ثابته سواء صيف او شتاء وتشغيل المكيف مايأثر فيه ..

وبعد سي دي والله هذي تقريبا الاشياء اللي ركزت عليها وطبعا الاغراض اللي مع السياره مثل العده وطفاية الحريق كفانا الله شرها

وايضا لاحظت في الخلف اخر شئ على جنب بتلاقي فتحات مثل فتحات المكيف تحت سئلتهم قالوا هذا فلتر يسحب الهواء اللي داخل السياره يعني مثل حق المكيفات ..

هذا اللي الحين اتذكره والله يوفق الجميع

ادري طولت حيل حيل حيل بس وش اسوي فرحاااان J))))

أخوي الله يبارك لك في سيارتك
ممكن توضحلنا مواصفات الدرجة الثالثة ؟؟!!:smilie16: