ياناااااااااااااااااس المرور رفع ضغطي اليوم 7000 RPM

اقول الله يصلحكم ويهديكم كل هالكلام والدعواي

امشو صح ولا تلعبو بسيارتكم ولاتخالفون ولا احد يتعرض لكم

هذانا ماشين صح ماعمر احد جاء ووقفنا وخالفنا واللي ببطنه ريح مايستريح

تخيّل انا موقفني مرور سري دااااخل السوق ..

لاحظ انها داخل السوق .. كنت واقف عند محل واهلي بينزلون ..

جاء وقف جنبي السوناتا وانا كنت منزل القزاز لاخر شي .. قال صفط على جنب ..

قلت خير وش فيه ؟ قال صفط بس ..

قلت بنزل اهلي بالمحل اللي قدام ! قال نزلهم ووقف .. مشيت 200 متر ولحقني ..

نزلوا أهلي للسوق وانا نزلت .. قلت خير وش فيه ؟ قال الرخصة والاستمارة :rolleyes1:

قلت خير وش فيه ؟ قال الرخصة والاستمارة ولا يكثر !!:a1120(86): قلت ابي اعـ ... قطع كلامي قال تبيني اوديك الحجز ؟

انا عرفت انه ابن ستين كلب رحت عطيته البطاقة والاستمارة .. قال ليش ما معك رخصة ؟ قلت انتظر الراتب بسدد المخالفات واطلع رخصة .. ممكن اعرف وش تبي الحين ؟

قال انتظر خل تجي الدورية وتعرف ! جت الدورية وعطاه اوراقي ومشى ابن الـ ...

راعي الدورية الثانية قال ليش ما معك رخصة ؟ قلت جايب اهلي للسوق ..

قال طيب ليش مظلل .. قلت كل العالم مظللين ! قال ما عليك من الناس خلك بنفسك ..

قلت طيب ناظر الكامري اللي واقفه جنب سيارتي مظللة كل القزاز , حتى اللي قدام ..

قال خلك بنفسك ..

قلت على هالخشم .. والشرطي اللي راكب معه من اول الكلام وهو حاط الدفتر بحضنه ويكتب من هالمخالفات ..

عاد انا اخذتها واهلي يتفرجون علي وكل واحد منهم يدعي والثاني يقول امين ههههههههههههه :bigggrin:

ماقول الا الحق عند ربك وما يضيع ..

ياكلون نار في بطونهم حسبي الله !

قولوا امين !

الله لا يوفق كل شرطي " ظالم " في ديرتنا ..

الله يشل ايدين كل " ظالم " .. الله يشله شلل رباعي عشان يتعذب ..

الله لا يوفق كل " ظالم " دنيا وأخرة ..

الله يريهم بأسه .. و يسلط عليهم وعلى عيالهم ..


تعبنا ياناس والله تعبنا ..

1500 ريال ياكلونها نار في بطونهم يارب :(

طيب دحين أنا مقتنع إن العساكر أغلبهم عوبطى
بس إش تبغى تسوي مو معقول ح تقعد في البيت طول الوقت أو تقضي أغراضك كعابي(مشي)
عشان كدة قبل ما تركب أي شي في السيارت أول تفكيرك خليه في المرور قبل سلامة السيارت


أنا صراحة لما أخذ سيارت الوالد ارتاح أكثر من لما أخذ سيارتي...ليش؟؟
عشانها سيارت شد بلدها ما فيها أي إضافات
يعني لو يطوف العسكر حول السيارت محى يحصل شي
ووقتها يبلع لسانه ويسري

وصراحة لو تتكلم من دحين لين بكرة عن العساكر صدقني محى تخليص لأن الكلام عليهم كثيييييييير


قال إش الشرطة في خدمة الشعب===>>سررررررررررررررررري

والله أنا الحين صرت ما أطلع من البيت عشان المرور لا يوقفني

وشوف العبط لأي درجة وصل والله ياناس مرة واقف عند باب البيت وفتحت السيارة عشان أبي آخذ سي دي

والا ذاك النشبة يوم مر من عند البيت قال رخصة واستمارة قلت سلامات قال وش الدبات اللي مركبها ذي (( السيارة طافية والله )) قلت والله السيارة ماني فاضي أسويها ومقفها من يومين قال أنا أمس شايفك في شارع الملك عبدالعزيز قلت ما طلعت من يومين قال ههههه أمزح معاك اليسارة للبيع ؟؟

قلت في نفسي والله لو أحرقها بيدي ما بعتها لك

يعني لو اني ما كنت متأكد اني ما خرجت من البيت ولا حركت السيارة كان والله لياخذ السيارة على الحجز

يا عمي سييييييييييبوووه

يارجل الله يعينك عليه ما أردي كيف استحملاتة انا لو اني منك 0000000000000000000000000000000000 ههههههههههههه ولا ملاها دااااااااعي يزعلون رجاااااااااااااال الامن 00000000000000000000000000 اتوقع عبااااااااااااااااااااطة 100%:a1120(121):

سويت حادث وانا راجع من الباحة والخطأ 100% على السائق الثاني
المهم جا العسكري وجالس يكتب المحضر
رجعت للسيارة دقايق ثم جيته بتاكد انه بيكتب انه الخطا على السائق الثاني خصوصا انه اعترف
لقيت العسكري يكلمني وهوا مرتبك انا استغربت في نفسي لكن مااهتميت واتفاهمت معاه على الحادث
بعد فترة بجدد الاستمارة لقيت عليا 3 مخالفات مااخذتها ابدااااا
1- مخالفة عدم ربط حزام في الباحة <<هذه كانت سبب ارتباك العسكري لانه حطها عليا ظلم اصلا ماجات الدورية الا وانا كنت واقف في الشارع يمكن قصده حزام السروال او الجنز خخ
2- مخالفة وضع ستائر خلفية وانا عمر اهلي ماحطيت ستائر معايا BMW وانا ماادري؟!!!
3- مخالفة مكتوب عليها (اي مخالفة لم تذكر في اللائحة) خخخ ايش يعني


هذا زمان
لكن قريب اخذت مخالفة وانا في طريق مكة-جدة كل السيارات فاشخه 140 واكثر وانا ماشي 125
اعطاني مخالفة 130 قلتله اكتب السرعة اللي جا عليها البلاغ قلي مايفرق حيسجلوها عليك 130 اصريت يكتب 125 وقلت حسابكم يوم القيامة
وقت المخالفة كان بداية ذو الحجة والى نهاية محرم مانزلت وجددت الاستمارة ولا نزلت
دوبي بشيك لقيت المخالفة قيمتها 400 ريال!!!!!
هل ادبلت المخالفة بسبب التاخير او رفعوا اسعار المخالفات؟
اذا دبلوها فحسبي الله عليهم لانه خطأهم انهم مانزلوها وانا جددت استمارة وشيكوا مرتين على الكمبيوتر انه مافي مخالفات
اما اذا رفعوا اسعار المخالفات كلها فالله لا يباركلهم في ريال واحد ياخذوه
مع العلم انه سعر المخالفة 150 ريال اذا ماكانت تزيد عن السرعة القانونية اكثر من 25 كيلو

ياخي بعض الحيان تكون عبط أي بعنى إستلباش عالم فاضية .

لحج لحج

حلوة اذا جات على مخالفة بآخذها من هنا وأمسحها من هنا


لكن القهر لا قاللك حجز

والله العظيم اني في راس تنورة أثناء ماني واقف مع العسكري ستين سيارة تمر من جنبنا سرعة وجكر ودبات أقول له وراك ماتوقف هالناس يقول خلك من نفسك ماعليك من الناس أحس اني راح أذبحه

يعني حلال على الناس وحارم علي أنا

يا شيخ الله لا يوفقه ولا يبارك في حياته ويحاسبه على كل مخالفة أعطاني اياها

ياخوي هذي والله العظيم استعباط من العسكري
تلقى عنده الدفتر لسع مليان قال خللني الحق اخلصه

طيب شوف اللي صار معايا وانت راح تعرف انه استعباط
مرة و انا راجع على البيت الساعة 3 بالليل الا و تفتيش على راس الشارع
انا الحمد لله رابط الحزام وكلش المهم العسكري اول ما شاف شاب مد يده جنب جنب..
عطيته الرخصة والاستمارة جلس يناظر فيها لقي انه كل شيء سليم ( العسكري حقد )
و الله العظيم ( هذا و محد حلفني ) انه جلس يدور مخالفة بالقوة
شوف ايش سوا :
1- اول شيء كنت منزل الشباك قللي ارفع الشباك لقيه مو مضلل ولا شي
2- كنت مطفي اللمبات (ماشي على الكشاف بس ) قللي شغل اللمبات لقيها عادية مو زينون << انقهر العسكري
3- قللي اكبس العالي برضه لقيه مو زينون
4- راح لف حول السيارة مرتين يناظر فوق و تحت :a1120(121):
المهم ماحصل شيء يوم جاه يسلمني الرخصة و الاستمارة انتبه انه في صوت خفيف مررررة في الشكمان ( بس شايل الدبة الاخيرة وحاط رياضية و كمان صوتها كان خايس ما يطلع صوت الا اذا حرقت صح ) قام يقللي ادعس بنزين دعستلله الى ان وصل 3000 دورة مافيه صوت ,,,
قام يقللي ادعس بقوة ( انا عرفت انه بيعطيني مخالفة من تحت الارض ) قللتله لا والله منب داعس قللي جنب على جنب
المهم جنبت و عطاني المخالفة
انا اخذت المخالفة من هنا و امسكلك السيارة من التفتيش و احرق حرق في الاول والثاني لمن الكفرات اشتكت ( طبعا طلع الصوت جامد في ذيك اللحظة )

تصدق وانا واقف يعطيني المخالفة كل سيارة يسوقها شاب على طول يقلله جنب و يعطيه مخالفة ( و بدون سبب ) الظاهر انه الشاب يسوق في الليل مخالفة في حكم هذا العسكري ال******

الخلاصة انه اذا العسكري اذا يبي يخلص الدفتر راح يعطيك مخالفة حتى لو انه الكفر بنشر عليك راح يعطيك مخالفة تلقى وصف المخالفة ( السائق لم ينتبه للمسمار اللي في الشارع ):bigggrin:

ما تقدر تقول الا حسبي الله و نعم الوكيل وهذي لحالها تكفي ( لو ابي اقول الكلام اللي في نفسي راح اخذ باند :wink:)

ياخي الله لا يوفقهم اذا كانو بهالطريقة

الحين هم واجهة الدولة وش بيقولون عنا الأجانب اذا رجعوا بلادهم

فشيييييييييييييلة


لك الشكر أخوي على كلامك الحلو بس شي يفقع القلب ياخي:a1120(82): :a1120(82): :a1120(82):

أخوي مؤيد الهاشمي يعطيك العافية على مرورك الكريم

أخوي فيصل بن محمد انت قلت في مخالفات كثيرة بس يتغاضون عنها !!! أوك أنا معاك !!

طيب ليش ما يعطي خويه مخالفة أول على الأقل ما يوقف سيارته داخل مبنى المرور

عشان ما يتسبب في إحراج - هذا إذا كان يستحي على وجهه - أو يقول هذي مشيناها ؟؟؟

مع العلم ان دباتي ولااااااااااااااا شييي أبد أبد أبد بالنسبة للي تتركب في راس تنورة




أرجو انو يكون في شوية عدل ورحمة لأننا والله محتاجين الأمطار ومحتاجين رحمة الله

كيف بتجينا الأمطار واحنا ناكل بعضنا

ولكن في النهاية وجهة نظر أحترمها وهي دالة على عقلك الكبير وعلى مدى توازنك

لك الشكر

الله يوفقهم في عملهم ويهدي من يخطئ ويهديك ويهدي من بصيرتك

ادعو لهم بالتوفيق فهم يعملون من اجل السلامه العامه

السلام عليكم ورحمة الله وبركاته

مشكله ان نرتكب المخالفات ولا نريد ان نعطى مخالفه او يطبق علينا النظام

ثانيا : هل اذا كان العسكري مخالف يحق لنا ان نخالف

المخالفه مخالفه والخطاء خطاء لايتغير سواء ارتكبها عسكري او مواطن

وبما انها مخالفه فيجب ان نتقبلها بصدر رحب

ويوجد مخالفات كثيره لايعلمها المواطنين ولكن الكثير من المرور يغض النظر عنها ولو تم

تطبيقها بحذافيرها لوجدت الحجز ممتلى بالسيارات المخالفه ولكن المرور بسبب امكانياته

الضعيفه نوعا ما ومن ناحية عدد الافراد والدوريات فان اغلب جهدهم يصب على المخالفات

الاساسيه الكبيره مثل قطع الاشاره العمد ومثل التفحيط والسرعه

في السابق عندما كنت في عمر العشرين كنت اشجب واستنكر مايفعله معي المرور عندما

اخالف والان تغير الوضع وتغير الفكر والعمر له دور في هذه الامور واصبحت اشيد

واطلب من الله العون لرجال المرور الذين لو رايتم مايعانيه رجال المرور من المشاكل ومن

المواطنين لرافتم بحالهم فهم لايستطيعون السيطره على جميع المخالفات التي تحدث بالالاف

في لحظة واحده .

لذا اتمنى عندما نقوم بالمخالفه ان نتحمل نتائج مخالفاتنا وان نتعظ ولا نكرر ماقمنا به من مخالفه

سواء التي تشكل خطوره اوالتي تشكل ازعاج او التي تتعلق بالسلامه بشكل عام

هذا والله ولي التوفيق

.
.
.
الدبة ,,, تكون تحت مخالفه " التفريغ " ,,,, وهذه على مزاج العسكري

انا اعرف كثير مركبين تددبات رياضية ,,, وعادي ماشيين ,, وانا ناوي ع الماجنا فلو في القريب ان شاء الله


اشوفه استعباط من العسكري ,,,

مرة واحد من اخوياي وقفه عسكري وهو مركب دبه على اكورد ,, قاله وش ذا مفرغ ؟؟

قاله اساسا الياباني مايتفرغ ؟؟

العسكري مفهي ,,, وقال ,, أهأأأ

طيب يلا امش ,,, :bigggrin:

انت لو سمعت صوت دبة سيارة العسكري كان تقول هذا يبيلة مصادرة السيارة

وربي تقول فاك الهيدرز

وبعدين اذا أحد اشتكى وقال والله هالسيارة مزعجتنا صحيح يتكلم

لكن الله يلعن أبو اللقافة

والله شف اذا الصوت قوي

فــ الاجراء الذي اتخذه صحيح

ولكن اذا الصوت بسييط ( غير مزعج )

فــ هذا استعباط من العسكري

ياخي الله لا يوفقهم عقدوني من السيارة

يعني الواحد ما ياخذ راحته ؟؟؟

نورت الصفحة أخوي بمرورك الزينون

تحياتي