اليوكن الاكسبديشن ؟؟ اسعارها للموديلات الاخيرة شوي

هلا والله اخوي ...

ما ادري اذا كنت اقدر افيدك بس انا مريت من فترة ليست بالقصيرة على بعض الصالات عندنا وكان فيها اليوكن دينالي و الأكسبدشن .... كان في دينالي نظيف وفيه نظام OnStar " وارد امريكا " وكان فيه كل حاجة جلد و تكييف عالي و مواصفات توب ..... سعره كان من 50 الى 65 الف تقريبا .. في اكسبدشن 2006 وارد امريكا ( جلد - فتحة - نافيجيشن - فخامة أولى ) كان بــ 50 الف الى 55 ...

انا سألت اكثر من صالة , يقولون وارد امريكا يكون نظيف مستعمل من اشخاص محافظين و فاهمين ... وانا شفت نظافة السيارات هذي بعيني غير كذا النافيجيشن في الأكسبدشن ... بس من ناحية الماكينة ما ادري " قد تسبب مشاكل لأنها مخصصة لجوهم هناك" ... اما اذا كان محلي فأنا شخصيا ما انصح ( الا اذا تأكدت من كل حاجة - ماكينة - دفرنس - جير - الخ ) ..


بالنسبة للجديد ومن الأفضل ؟
الأكسبدشن L
الأكسبدشن تجي من فئة L وهي اطول من اليوكن XL غير كذا الأكسبدشن نادر أقصد انه مو متوفر مثل اليوكن ( فئة L ) .. والسيارة فخمة من الدرجة الأولى بمقاعد مدفئة و مبردة - نافيجيشن - جلد و خشب و تصميم راقي و هدوء على الطريق و عملية المقاعد الخلفية وحجم التخزين والشكل الأبداعي ..
السرعة القصوى / 195
التسارع / 9.5
الماكينة / 5.4 لتر 8 اسطوانات ( 300 حصان )

اليوكن دينالي ,,
اليوكن سيارة صعب وصفها صراحة , تذهلني كلما ركبتها بمستوى تجهيز متفوق خصوصا في الدينالي مع مقاعد مدفأة و مبردة و مكيف بمستويين و جهاز عرض مع نفيجيشن مع قوة محرك مرعبة وغير كذا عملية المقاعد " ومستوى التجهيز ممتاز حتى في طراز القاعدة والدليل النتشار الواسع للسيارة ...
السرعة القصوى / 190
التسارع / 8
الماكينة / 6.2 لتر 8 اسطوانات ( 380 حصان )
والسيارة في صرف البنزين عجيبة " على حسب ما سمعت " مثل سيارات السيدان ..

نقطة اخيرة ( عند الوالد يوكن XL موديل 2002 فل اوبشن بس مشكلته في صرف البنزين +__+ , ما ادري اذا موديلات 2004 و 2006 تختلف ولا لا )
وشكرا !!!!