ما الأفضل في الدف الرباعي التاهو z71 2009 ولا لاند كروزر vx.r 2009

كثرت المقارنات في المنتدى هالايام بدون ذكر مواصفات السياره وتاريخها

مافيه اي اساس ارتكز عليه في المقارنه كلها ردود تفتقد للتجربه

يحق لاي عصو يختار الموتر اللي يشوفه مناسب لكن يذكر الاسباب

بعض الاسباب مضحكه السياره الفلانيه افضل كدفع رباعي لانه شكلها احسن وفخمه

عنوان الموضوع ماالافضل في الدفع الرباعي

نفسي اعرف شكل السياره الجمالي هل يساعدها في اجتياز العقبات على قولهم

اذا جينا نقارن ونختار الافضل اما نذكر الاسباب او نلتزم الصمت لوجود من هم اخبر منا

والمنتدى وضع للاستفاده ماهو سواليف وحي الله
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
بالنسبه لي بالبدايه اقول اللي مايعرف الصقر يشويه


لن اتردد في اختيار العلامه الفارقه والسمعه التاريخيه المشرفه

لاندكروزر VXR سواء بمحركه الحالي 4700 او المحرك الجديد 5700

اذا اخترت محرك الـ 4700 المطور بنظام الـ VTTi فهو محرك جبار وافضل من القديم على الجيل السابق من 98 الى 2007 لا من ناحية العزم ولا التسارع ولا حتى القوة الحصانيه

محرك الفورتيك اللي على التاهو نزل لاول مره عام 2000 ولا جاه اي تطوير
اما محرك اللاندكروزر فنزل لاول مره عام 98 وتم تطويره عام 2005 على الجيل القديم في امريكا فقط ومانزل بالخليج الا على الجيل الجديد

بعد تطويره اصبح منافس وبقوه لمحرك الفورتيك 4800 واللي نتتج 295 حصان و 305 عزم (( هالمحرك مايجي على الـ Z71 لكن تم ذكره لانه مقارب لمحرك اللاندكروزر 4700 كأرقام ))

وقريب من المحرك 5300 16 صمام اللي ينتج 310 حصان و335 عزم

اما محرك اللاندكروزر 4700 32 صمام ينتج صافي 278 و 313 عزم

مع انه تويوتا تذكر الصافي دائما اما جنرال موتورز ماتذكر الا اجمالي عزم وقوة المحرك

ولو كانت تويوتا تذكر الاجمالي اعتقد انها تتعدى ارقام محركات الفورتيك المذكوره اعلاه على الورق

أما المحركات الاكبر فالتاهو ينزل عليه محرك 6.2 ينتج 395 حصان و417 عزم

واللاندكروزر ينزل عليه محرك 5700 ينتج 381 حصان و 401 عزم

الارقام متقاربه لجميع المحركات رغم كبر سعة محركات الفورتيك مقارنه بمحركات اللاندكروزر

مع افضلية لجي ام في محركات الـ 8 سلندر كخبرة وتاريخ وقلة خبرة تويوتا في عالم الـ 8 سلندر

هذا مايخص المحركات

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

أما انظمه الدفع الرباعي فخلونا من التركشن والدفلوك هذي الانظمة اصبحت موضه قديمه

لكن يكفي للاندكروزر ولتويوتا بالذات براءة اختراعها في نظام الكرول كنترول واللي يبي يعرف عنه يبحث باليوتيوب

ام جودة الصناعه وغيرها والتحمل والصبر والعملانيه فكلها تصب لصالح اللاندكروزر بدون ادنى شك

المواصفات الداخليه وجودتها بتفوق فيها اللاندكروزر ويكفيه انه صنع في اليابان

ويكفي انك اذا ذكرت اللاندكروزر يجي في بالك تحمل هالسياره وقوة صبرها

اي سياره دفع رباعي اذا ماقورن تاريخ شهرتها وسمعتها بمدى تحملها وصبرها على الجلد والمكده
ماتنفع ولا بريال

اخيرا كان بودي اذكر التاريخ اللي مايكذب ولا يعرف العاطفه ولا التعصب ولا تصميم السياره وشكلها الخارجي ولا حتى علامتها

لكن يكفي للاندكروزر انه جيرمي كلاركسون احد اكبر المعجبين بهالاسطوره الخالده

ومن منا لا يعرف جيرمي كلاركسون :xyxwave:

على فكره انا ماصوت لانه التصويت او الاستبيان ابدا غير منصف في المنتديات
تحيه للجميع

رابعاً، جي إم حالياً تشتري الكثير من قطع سياراتها الصغيرة من تويوتا، بما فيها القيرات التي تصنع من قبل إيزن، إحدى شركات تويوتا، بينما تويوتا لا تستخدم أي شيء من جي إم. وجي إم اشترت بعض مصانع تويوتا في أمريكا لتستفيد من تقنياتها. هذا للمعلومية فقط.

حسب ما أذكر لقطة الموستنج ولقطة منافسة الهمر مع الرينج روفر كانا في نفس الحلقة ونفس البرنامج. اللوتس كان يقودها ستج والموستنج كان يقودها سائق أمريكي معروف. الموستنج كانت شلبي بدون شك، وحتى في التسارع كانت الموستنج أسرع من اللوتس، لكن اللوتس فازت بسبب ثباتها في انعطافات الحلبة. كل ما صار المسار في الحلبة مستقيماً تقدمت الموستنج، وبمجرد وجود انعطافات تقدمت اللوتس.

طلعنا عن الموضوع :)

مقارنه صعبه ولكن اتوقع ان التاهو هو الأفضل لهذه الأسباب
1- حجم القيروالمكينة
2- وسائل الأمان
3- السعه والراحه في القيادة
4- الفارق في السعر
5- عبداللطيف جميل جميع الأكسسورات صينيه
6- خدمة بعد البيع رديه

بقولك كلمه


تويوتا تاريخها مايقارن بجنرال موترز العملاقه ترا حنا نبحث عن الاصل والعراقه

بذمتك انت صادق يوم تقارن شركه تعلمت اصول الصناعه من السرق والتقليد

بشركه هي اساس صناعة السيارات في العالم بعد شركة مرسيدس العريقه طبعا

يعني شركه ماجت الا امس بس معذور اتوقع مالحقت على ايام الفورد والجمس عبارتين :bigggrin:



ومثل ماقلت لك ترا حنا مانركب غير السيارات العريقه وخلينا سيارات اليوم لك

اتمنى انك فهمت كلامي

ابو الخل يا بعدي وين شيلبي :confused1:

اذا انت تقول شيلبي فاللي شفتها موستنج ستوك 4,6 قير اوتو ضد لوتس اليز ذات محرك التويوتا بتوربو و كان اللي يسوق الموستنج ستيج واللي يسوق اللوتس هو جيرمي و يابو الخل لو هي الشيلبي ما شاف اللوتس لوحتها مع احترامي

اذن اللي شفتها حلقة اخرى لاني متأكد 100 % انها مو شيلبي الشيلبي لا تخطئها عيني ابدا

اما حلقة الرنج والاسكاليد و الهمر
فانا معك بان الاسكاليد ما له دخل وغلط لكن تغريزته تغريزة غشامة الموتر ما رضى يمشي ارجع ريوس الرجل حفر فيييه الين ضرب بطنه بالارض ثم يقول انه سيء (صدقني الجمس حقي بدون دبل و لو تشوفه و انا اسوقه قلت ايش هذا ما يرده شي ماشاء الله :bigggrin: بس الفرق اني افهمه)

ما علينا الهمر ما ذكر عنه اي تفصيل ليش يعني بالله ما يقدر يطلع طلعاته اللي طلعها :a1120(121):

و مع احترامي لك يا بعدي ما كنت منافسة شريفة ابدا

*ما كأن الموضوع طلع عن مقصده الاساسي :smilie16:

تحياتي