يعطيكم العافيه على مروركم
بالنسبه للي سالني عن اللمبات اللي بالاركان فهي صح حقت ميركوري مارودر
واللي سالني عن مكان التصوير فاقولك وبكل صراحه انت صادق
وعن سؤال احد الاخوان عن التنجيد هذا تنجيد الوكاله لان اللي معاي Lx فل اوبشن تنجيدها ما غيرته
وبالنسبه عن التكايات الخلفيه رحت التشليح وفكيت تكايات ميتشوبيشي ماجنا الخلفيه ورحت وديتها عند محل تنجيد وطابق اللون ونجدها نفس اللي بالسياره وسوا لها مكان في المرتبه الاصليه وسوا لها قواعد من الخلف وركبها وطلعت كنها وكاله هههههههههههههههه طبعا يا شباب الحقوق محفوظه اللي بيسويها يستاذن مني لاني ماخذ عليها براءه اختراع طبعا من ابداعي المتواضع
ومن ناحيه الانوار الاماميه فهي وكاله بس مكحلها
ارجع اقولكم ما فيه احد لاحظ الصدامات مو صدامات 2004 للي يعرف الفورد مضبوط
يعطيكم العافيه على مروركم
نواف مشكور اخوي على تعليقك ومرورك
فكتر اللون الاساسي رصاصي لا بيج ولا اسود بس الاسود اللي تشوفه انا مغيره ( صابغ اللي بالابواب والاكتاف حقت الابواب الداخليه والتنده مغير قماشها الى الاسود )
انا الاسطبات فهي غطاء نفس اللي يجي للمبات الريوس بس هذا للاسطبات
اخوي موووود التخشيب هذا انا اللي مسويه طبعا السياره شاريها من الجزيره وكاله على يدي وهذا اللي فيها كله تعديلي من الالف الى الياء والتخشيب مسويه عند ريد لاين في شارع التحليه بالرياض
وطبعا رايك يهمني اخوي موووود بس انا اقلك ليش اني ما خشبت باللون البني الغامق؟
اولا ان التخشيبه هذي خلط بين اللون الداخلي والخارجي للسياره ( رصاصي واسود)
وثانيا التخشيبه البنيه كلاسيكيه وجنتل وانا اللي ابيها تكون رياضيه
ومسالة التنزيل اتوقع من اسوا السيارات في التنزيل اللي هو الفورد والميركوري لانها سيارات ثقيله وما تبيلها تنزيله بعدين انواع الطقطقه من تحت ولا تقعد بالكثير شهرين الا وانت تقول يا لبى الراحه وين اليايات بس وادفع يا ولد
ماشاء الله تبارك الله ،، تعديلات راااااااايقة ياراااايق :ch19: ،،
بس سؤال إذا تكرمت ،، الحــين التخشيب الداخلي أنت مسويه ،، والا هو كذا لونــه ،،
لأن أنا عندي رأي لو أنت حاط اللون هذا ،، فيه يالغالي التخشيبة اللي تجي ع الماركيز وأكيد تعرف مستوى لوونها بني غامق شكلها مررهــ حلوو ،، لو تسوي التخشيبة هذي بتطلع جونآآآن ،،
ترا مجرد رأي يالغالي والا السيارة ماشاء الله حلووهـ الله يعطيك خيرها ويكفيك شرها ،،
