عندي مشكلة غريبة و منتظر ردودكم

السلام عليكم و يعطيكم الف عافية

رح ادخل بالموضوع مباشرة..

عندي جيب مرسيدس ML350 موديل 2005 و السيارة ما شاء الله ممتازة و صيانة الوكالة..لكن اللي صار كالتالي..

بعد ما سويت موازنة عجلات صار عندي مشكلة لاول مرة تحدث انه و انا ماشي على ارض خشنة او عند الالتفاف لليمين او اليسار بصدر صوت متل الصرير (متل الصوت اللي بيصير عند استخدام البريك) لكن الصوت بيكون من غير بريك يعني فقط عند الالتفاف او المشي على شارع خشن..

بالنسبة للبريكات و الديسك مش السبب لانه غيرتهم من الوكالة من فترة فصيرة...

شيكت عند ميكانيكيين واحد حكالي التوي رود (Tie rod) و ميكانيكي تاني حكالي البوشات و انا مش فاهم شو السبب الحقيقي..

طبعا الستيرنج مافي رجه و هالمشكلة ظهرت فقط بعد ما سويت موازنة عجلات خلفية و كامبر و لما سالت الكراج اللي عمل الموازنة حكالي انه ما بيعرف و الموازنة فقط كانت للعجلات الخلفية..

شو برايكم السبب؟

يا ريت تفيدوني قبل ما اوديها للوكالة او اي كراج و انا اصلا مش فاهم المشكلة

و اذا في حد بيعرف كراجات للمرسيدس بالبحرين يا ريت يخبرني

و مشكورين