سوزوكي ساموراي ( معلومات وتعديل واستفسارات وتبادل خبرات )

شوف، الساموراي والجمني هما السيارتان الوحيدتان التي أعرفها التي إذا ثقلت نسبة الدبل الثقيل يثقل معها الخفيف. باقي الجيوب بدون استثناء، بحسب معرفتي، إذا ثقلت الثقيل الخفيف يبقى كما هو. عشان تثقل الخفيف لازم تغير نسبة الكارونة، أي نسبة تروس الترس التاجي (الرنج) وترس البينيون في الدفرنس الأمامي والخلفي. وهذا مكلف أكثر بكثير، لسببين: أولاً، تغيير نسب الدفرنس يحتاج إنك تشتري طقمين، وليس طقم واحد. طقم للخلفي وطقم للأمامي. السبب الثاني هو أنه بعد تغيير التروس الرنج والبينيون لازم تعيد وزنهما، ووزن الدفرنسات شغل دقيق جداً ما يعرف له أي أحد، لازم يكون شخص فاهم جداً.

السبب أن الخفيف في الساموراي ليس واحد إلى واحد مع القير، بل واحد وشوي (يعني تقريباً 1.2) إلى واحد. أما باقي الجيوب الخفيف فيها واحد لواحد بين القير والدبل الخفيف والخلفي.

يا سلام عليك يا ابو الخل :xyxthumbs: هذي النقطه هي الي كنت ادور عليها :a120(115):و الحين اسمعك تتكلم عن هذا الشي الي كثير يغفلون عنه. (سالفة التروس)

المهم ممكن توضح اكثر النقطه هذي وكيف ومن فين القطع :c0214: ( افكر بجديه بمشروعين وهذي احدى العقبات)

ومازلنا متابعين العروسه الجديده ماشاء الله عليها

يا سلام على المكينة الحلوة إللي تفتح النفس ما شاء الله.

إذاً عندك خبر على الرانجلر إللي أتكلم عنه؟ شكله القصة اشتهرت والا إيش؟

هههههههههههههههههه

هذي راعي الرنجلر وايد مبالغ إلى درجة كان لازم يركب فوق الكفر بعدها يفتح الباب

علشان يدخل ( وماكان يطلع فيه ) عاد قال باوديه السعوديه باقلب نمره سعودي

وهو في الطريق صادوه وسحبو سيارته ( على فكره وايد ملحم ومركب كان في سيارته )

ونه ناطرك متى بتغير مكينتك علشان اشوف هل تنضبط مكينة الفيتارا على جير الساموراي

تغربلنه مع هل مكينه مشيها بسيط وعزمها ضعيف .

او مالك اله تطلبلك من موقع اي بي :

صدقني لو تجرب السيارة رح تقتنع أن المحرك الحالي أكثر من كافي للقيادة في الطعوس والصخور. حجم الكفرات حلها ليس تغيير المحرك، بل تغيير نسب التروس، وهذا ما فعلته. طبعاً المراقي تحتاج محرك قوي، لكنها تحتاج خفة أيضاً، وياما شفنا سيارات بمحركات جبارة ولا تقدر ترقى بسبب وزنها.

حالياً مع التغيير في التروس صايرة انطلاقة السيارة تماماً كما كانت قبل التعديلات، مع الكفرات الكبيرة. أنا رح أغير المحرك، لكن ليس من أجل الأداء في الرمال بل من أجل إنها تمشي اسرع على الطرق.



الله يعينك سمعت أن البحرين عندكم يشددون مرة على التعديلات في الفحص. سمعت عن واحد معه رانجلر بحريني معدل فيه صادروا السيارة منه وأجبروه يبيعها للتشاليح سكراب.

لكن محرك الفيتارا يقال أنه لا يسبب فشل السيارة لأن منظره تماماً مثل منظر المحرك الأصلي، ولا يمكن معرفة أن المحرك تغير إلا إذا كان شخص خبير في السوزوكي.

اخوي الخل مكتوب عليها مستوبيشي 80A

قبل كانت في وحده نفسها مكتوب عليها 120 A

الاصليه الي تجي على السوزكي قوتها 40A

ههههههههههههههههههههههه

يعني كنت مركب دينمو بـــ3 مرات اقوى



وانه فال المكينه وشايل الاغراض والقطع مخليهم في الصندوق

لاني ابغي اركبلي مكينه جديده واو اكبر ( حق الفيتارا )

بس ناطر الله يفرجها ونشوف شبنسوي

والبر بتدى عندنا في البحرين:a1120(82):

مشروع جبار تستحق عليه الاشادة..
اول ما شفت السيارة استصعبت التعديل عليها..
لكن بالفعل..أثبت لنا ان ما فيه شيء مستحيل..
تستحق تعظيم سلام..

اتمنى تركز الآن على قوة المحرك ومحاولة زيادته ليتلائم مع الاستخدام بالاضافة الى ان حجم الاطارات كبير ومساحة احتكاكها عالية..تحتاج الى قوة دفع جيدة خاصة بالمناطق الصخرية ومراقي الطعوس..

بالتوفيق..

بسبب حجم الكفرات الكبير، فإن قواعد الصدام القديم كانت معترضة طريقها بشكل مزعج، فكل ما تحركت الفكرات الأمامية في منطقة وعرة حكت في القواعد القديم. وقد تم تصميم صدام ARB ليركب على تلك القواعد، لكني وجدت أن الصدام فيه تدعيم أكثر من كافي عند نقاط تركيبه على الشاصي مباشرة، فقررت قصها للسماح للكفر بالتحرك بحرية وكذلك للمحافظة عليه لا ينشق. وهذه بعض الصور:

قبل، ويلاحظ قربها من الكفر:


بعد، وقد أصبح هناك مجال كبير للكفر أن يتحرك بحرية:


قبل من زاوية أخرى:


بعد من زاوية أخرى:



كذلك قمت بفك الكفرات الأمامية وتركيب وردة على المسمار في الركبة الأمامية من الجهتين، لتحديد مدى دوران الكفرات حتى لا تحك بالسست، حيث كان هناك حكة بسيطة عند الالتفاف لأعلى درجة.

قبل:


بعد:

أخوي الجازورا أشكرك ما قصرت والصورة أعلاه أهم صورة، أشكرك عليها بشدة. أنت متأكد أنه دينامو ميتسوبيشي؟ ليش فكيته، هل خربان؟ أم فقط عشان تصوره؟


ما قصرت أخوي صالح شكراً على التثبيت.

السلام عليكم

اشكرك ابو الخل على الموضوع ومتابعته واشكر جميع المشاركين فيه واعتقد حان وقت الغاء التثبيت

بحاول اصورة في اسرع وقت.






بـ:
محرك السوزوكي: صرخة العجلات في قير 1.

محرك 3Y: صرخة العجلات في قير 1 و 2 :xyxthumbs: وإذا كان التبديل بقوة يصرخ في قير 3.

والله أخوي برضه ما فهمت أبداً قصدك.



نعم، الحمد لله وجدت واحد قصيمي في الدمام ما شاء الله عنده ورشة كهرباء متميزة جداً وشغل قمة النظافة ويركب مراوح سوبارو، رح أركب عنده إن شاء الله المروحة والدينامو. أما المروحة إللي شريتها ما أدري إيش بأسوي فيها، أدور واحد يشتريها.






بعد النظر لويكيبيديا يبدو أنه محرك ضعيف قوته تصل إلى 85 حصان كحد أقصى، يعني محرك السوزوكي فيتارا 1.6 اصرف، لأنه أقوى بقليل من ذلك ولكنه يركب على نفس القير يعني ما يحتاج تغير مكان الدبل.

حياك أخوي،،

مكاين الــ Y تعتبر أحد مكاين مجموعة تويوتا، وتتميز بكثرتها في الإمارات.

أما عن المواصفات فأنصحك بالصفحة:

http://en.wikipedia.org/wiki/Toyota_Y_engine

اخوي الطواش
وش المكينة ذي 3y هل هي كربرتر ولا بخاخ وكم قوتها بالحصان وش الافضل هي ولا مكينة السدرك انا اشوف ان مكينة السدرك الكربريتر سهل و الكل يركبها
لاكن المكينة اللي تقول عليها عطنا مواصفاتها
وكم تكلف كااامل تسليم مفتاح
واللي يعرف كم تكلف مكينة السدرك على السوزوكي مع الدبل يقول لنا
واللي يعرف رقم ورشه تسويها في الرياض يعطيني الرقم على الخاص

السلام عليكم.
الصراحة أهنيك على هذا المشروع بس حبيت إني أنوه بخصوص المرواح كان ودي إنك تاخذ حق السوبارو لكن مادامك أخذت نعطيك مشورة في التركيب.
أنت قلت تبغى تركبها قدام وأنا أؤيدك على الفكرة إذا كان في مجال في طريقتين للتركيب
الأولى: تثبت المرواح وتوصلها مباشرة على البطارية طبعا مع وجود الكتاوت وأنا أنصحك ب70 أمبير ياباني سعر الواحد تقريبا 90ريال
الطريقة الثانية وهي طريقة إحترفية وموفرة للكهرباء توصلها بالحساس وهذة إنك تشتري حساس حرارة بوش أصلي وتروح للمخرطة تخليه يفصلك حديدة على مقاس لي الموية الحار وتوحط فيها الحساس وتوصلها على البطارية كل ما أرتفعت الحرارة أشتغلت الأثنين .
وأرجوا إني أكون قد أفدتك .

اخوي الخل الوفي مستحيل اقوم بتنزيل الدبل :c0038:

اللي قصدة ان كان في قطعة حديدة تحت العمود حولتها إلى فوق العمود..

كنت ناوي اصور القطعة لكن كميرا جوالي مكسورة :tongue:.

أخوي الطواش، هل تقصد أنك رح تنزل الدبل؟ الصراحة ما أنصح، لأسباب:
1. لو نزلت الدبل فهذا يعني أن عمود القير الواصل للدبل رح يكون قصير، وتقع في نفس المشكلة
2. إذا نزلت من جهة واحدة رح تزيد الزاوية من الجهة الثانية
3. يقلل من الخلوص الأرضي ويخلي الدبل عرضة للضربات، وهو ضعيف من الألمنيوم وليس حديد.

وجميع خبراء الساموراي الذين تعرفت عليهم ما عمره أحد سوى هذا الشيء.

لذا أفضل شيء تسوي إللي هم يسونه، إما إنك تجيب عمود كردان أطول للأمام والخلف، أو تركب تمديدات مثلي.