اللي يبي له صالون رباعي الدفع 00000 ماذا تنصحونه ؟؟؟ظ

جاااااااابك الله يا ديجيتال 01 !!!!

عسى عندك تجربة للإكسبديشن ؟؟؟

وترى مايمنع أحد يعطينا تجاربه مع الإكسبديشن

وفي إنتظار التجارب يا أخوان

انا اشوف الاكسبدشن ماحد اشتكى منة ابدا والكل يمدحة ومريح جدا

أخواني (( تركي q )) (( سوناتا 994 ))

أشكركم من كل قلبي

والله يجزاكم خير على تكلفكم عناء كتابة تجاربكم

و في إنتظار باقي الأخوان مع رجاء بتبيين الموديل والنوع إن أمكن

بصراحه الموديل الجديد ماعندي خلفيه عنها


لكني جربت اليوكن لفترة من الزمان والصراحه موتر من اروع مايكون

قوة جبارة وراحة لايعلا عليها


والوالد معه تاهو كارفه كرف مايوقف ابد ومرتاح فيه


طبيعي كل السيارات فيهن عيوب لكن النقطة اللي تركز عليها هل المميزات تغطي العيوب ولا لا



انا من وجهة نظري اليوكن والتاهو صحيح فيهن عيوب لكن المميزات اكثر بكثير

راحة وقوة وسعر مناسب وفخامة وشكل جذاب وصرفية بنزين قليلة مقارنة مع مثيلاتهن


بالاول والاخير ترجع لمدى قناعتك بهالسيارات ان كانك مقتنع ولايهمك كثرة الكلام فتوكل على الله وان شالله ماراح تندم

لكن ان كانك تتأثر بكلام الناس فلا تشتري لانك بتبدا توسوس وتبدا تتوهم الاعطال غصب حتى لو مافيه اعطال :bigggrin:



والله يوفقك ان شالله وتختار السيارة اللي ترضي خاطرك

واضح ان الكلام صار بين اليوكن والارمادا
لذلك ما لدي هو تجربة اخي .... اخي اشترى ارمادا مستعمل موديل 2006
ولها الان معه حوالى السنتين .. يشكر في السيارة كثيرا ويمدح عملانيتها (لم يشتكي من شي)
ووسعها المميز جدا في فئتها . وعندما اسئلة عن مقارنتها بالجمس (وقد امتلك قبلها جمس 2003)
من الشكل القديم ... يؤكد على ان الارمادا افضل في كل شي عدا راحة الركوب فالجمس اكثر راحة.

ودائما افضل طريقة للاقتناع بالسيارة بعد ان تعرف من مستخدميها انها قليلة الاعطال ان تقوم باستجارها لمدة يوم او اثنين للاطلاع على امور اخرى مهمة كراحة الركوب وفعالية التكييف
وهدوء السيارة على الخط ورساوتها .... الخ


ومبروك مقدما

تركي

أخوي العضو الكريم 000 أستاهلك

أشكرك على ها التطويل بعنف أههههه

حلوه بعنف هذي !!

بل بالعكس آراءكم وتجاربكم هي اللي ستؤدي بإذن الله إلى الإختيار الصحيييييح للسيارة المناسبة

والله يجزااااك خييييير

وفي أنتظار تجارب البقية

وفي المثل 000 إسأل مجرب ولا تسأل طبيب

السلام عليكم ورحمة الله وبركاتة

أولا أخوي صاحب الموضوع الله يكتب لك إلي فية الخير إن شاء الله

ثانيا الشباب أمانة ماقصروا حتى أنا أستفدت من مرورهم بموضوعك والدليل إن نقاشاتهم فيها فايدة

هي طرح تجاربهم بكل مصداقية وأمانة..

أخوي أنا ماجربت ولا أي نوع من السيارات الكبيرة لأني ماأملكها...لكن إلي أقدر أساعدك فية إلي هو

إختيار الماركة المصنعة للسيارة..فمثلا لو أخترت السيارة أمريكية أقولك والله السيارة مشكلتها في

الحرارة مع أنها مو دايم والتكييف مو ذاك الزود وصرفية البنزين والأمريكي بطبيعتة يتفكك الصراحة

وتسمع بعد فترة قرقعة وأنت تمشي...لكن في المقابل قوية في السفر وراسية وتتحمل المسافات

الطويلة .ومريحة جدا جدا وعلى ماأعتقد ماني متأكد أن سعر السيارات الأمريكية يطيح إذا تبي تبيعة

بعدين يعني مو شيك في جيبك لازم يطيح منة واجد.

السيارات اليابانية قطع غيار رخيصة نوعا ما الحرارة والتكييف مايحتاج كويس سعرة مستعمل حلو لو

تبي تبيعة صرفية البنزين مقبولة. وبالنسبة للتجهيزات الداخلية للسيارة عادة ماتتفوق على السيارات

الأمريكية..لكن السيارات الأمريكية تكون فخمة أكثر. السيارات اليابانية تكون سواقتها أفضل داخل

المدينة .معليش طولت عليك. بس حبيت أساعدك ولو برأيي الشخصي في المقارنة.

عموما أنت شف المواصفات إلي تجذبك أكثر في كل سيارة وأستخر وتوكل على الله.

وسامحني على التطويل.

أبو هذال

لحظة صمت

الولهان

عاشق الأوستن

mazda 2003

إبن صقيه

plxmmk

أخواني !!! لا تتخيلون كم أفدتوني بآراءكم 000

((أشكركم على تفاعلكم ))

وأتمنى زيادة في التجارب من باقي الأخوان

يا ملا العااااااااااافية ياالربع

عز الله أنكم أتحفتونا بصراحه

ولكني أطمع في زيادتكم

أبو أسد 0000

تسلم أياديييييييييك على ها الطرح الممتاااااااااااز

والمميز بالحيادية والتجربة

التجربة يا أخوااااااااان هي المقياس

ومسألة يقولون إن شاء الله أنها ما هي عندنا

والدليل على سبيل المثل وليست للحصر ،،، مشاركة أخوي أبو أسد

وهالكلام ليس تقليلاً من شأن من شارك برأيه

أيضاً 000أتمنى إتحافنا بزيادة تجاربك الأخوة الأعضاء لأي نوع من السيارات من نفس الفئة

وعليكم السلام ورحمة الله وبركاته

أخوي صاحب الموضوع الوسم

حنا عندنا يوكون 2007
وشفت أثنين من الشباب معهم ارمادا 2006 و2007

بغيت نصيحتي

لا تاخذ اليوكون الجديد لأنه ما يقارن بالأرمادا في كل شيء!!!
لا من ناحية الاتساع
لا من ناحية القوة
لا من ناحية التربيط!!!
ولا من ناحية خدمة الوكالة التعيسة
ولا من ناحية العيوب المصنعية والمشاكل الي نسمعها عن السيارتين فمشاكل اليوكون عد وأغلط
هذا الكلام ما اقوله لك لأني أحب الارمادا بل أقوله لك لأننا نمتلك يوكون دفرنسين 2007 وبصراحة أنه لا يرتقي بمستوى الأرمادا ولا نصيفه! بدون التقليل من منه

وانا اتفق مع الولهان بخصوص أن كل الوكالتين أخيس من الثاني لكن الحمراني ارحم من العيسى والجميح

لا تنسى حاليا أن نيسان موجودة عند البازعي

يعني تقدر تفتك من صيانة الحمراني فالبازعي صيانته ممتازة

أستخر ربك وعليك بالأرمادا :ch19:

في 2007 صار يايات بدل من مساعدات فقط (2000-2006)

تحياتي

اعتقد انه الباترول حيكون خيار جيد

ايضا الارمادا

لكن عليك بالتجربة قبل الشراء
تمنياتي بالتوفيق

تبي للبر والعائلة السيارة شبابية وعائلية خذلك تاهوz71 أسود أشوفة اقوى من اللاند vx.r وصويت استبيان مقارنة التاهو تغلب
واذا تبي للعائلة ما عندك إلى ال تي زد لؤلؤي
من الرأي
التاهو
z71
ملاخظة التاهو z71 دبل جاهز وبدفلوك وتراكش كنترول

والله الأرمادا رهيب

مواصفات عالية

قوة جبارة

هيبة

وشرايك بالفورد اكسبدشن

اصصصصصصصصبر يا أبو هذال ؟؟؟

أنت تقول أنه تغير التعليق فيه ؟؟

أي موديل بالضبط ؟؟

ياليتك تتتحفنا !!!

^^^

و الجديد نسخ من القديم اللهم الديكورات و البدي تغير

لكن الباقي و بالذات الامور الميكانيكيه و الكهربائيه

ابدا هو هو (ولو ان المحرك تمت زيادة قوته نوعا ما و التعليق الامامي صار يايات )

الله يكتب لك الخير وين ما تروح يالوسم

تحياتي

الله يعطيك خيره ويكفيك شره يابو هذال

وكان معنا يوكون 2005 دبل وكان حليو ماعليه الا في بعض الامور وخاصه الكهربائيه ..


لكن الرجال يسئل عن الجديد...