مشكور اخوي read 94 cam على الرد المقنع بالنسبة لي...
وانا بصراحة كنت افكر في هالشئ اعدلها من الخارج زي ما قلت انت بس انا بصراحة بصراحة انا رحت مع واحد علشان ادور جناح التيما وما حصلت..
فاليت اخوي اذا انت تعرف محل احصل فية كل شئ بالنسبة للألتيما تقولي..او اذا في احد من الشرقية ويعرف ...
والف شكر على جميع اللي ردو في الموضوع ويعطيكم العافية...
اخووووووكم
AFMER 20001
السلام عليكم
إخواني انا من المنطقة الشرقية وجربنا ركبنا مكاين RB 20 **25
على سيارات عدة مثل الألتيما** الأراكس**سوبرا الخ
والنتائج كانت اكثر من مذهلة
لكن ماتوصل في الألتيما 350 حصان يمكن توصل 250 *260
الأر بي ماكينة خيالية والدليل السكايلان صفوة انتاج النيسان لكن ماتعطي كل عزمها في الالتيما
**
اخي التلغيم الخفيف بـ3500
ما يسوي لك شي
السيارة مثل الطبخة
لازم تحط شي على شي حق تحلى وتحلى اكثر واكثر
وفيه مكاين RB بــ3000 الى 4000
لكنهم دون المستوى (مستهلكين كثيراً) عزمهم رايح
ويكونون بدون القير والكلش وتوابعه
احنا خذينا ماكينة RB25 كاملة قير +كلش زوم وتوابعه
بـ14 الف ريال من الامارات
ونعرف ناس خذوا ماكينة كاملة بـ8 الاف
احنا افتكرنا انلعب علينا
طلعنا معاهم لما ركبناها
عطيناهم فرق واضح
ذيك الساعة عرفنا ان لكل شي قيمته
*********
تلغم للألتيما بـ3500 مبلغ جيــد ويسوي اشياء لكن لو تصل الميزانية تول الى 6 الاف يصير التلغيم افضل
يعني لو تركب ماكينة 300 تيربو
احنا عندنا اذا تبي
وزينة تمشي لك عدل بس ما هي زي الاربي
وهناك بعد ماكينة تون تيربو توصل حوالي 4000 الى 5000
وفيه ماكينة فور كام قوية جداً ورخيصة توصل 4 الاف يمكن
وفيه ماكينة 6كلبليتر هذي بعد قوية بس يبي لك تحط معاها زوايد
يعني هذي اشهر مكاين اللي تنحط على الالتيمات
وانت لك حرية الاختيار
******
نصيحة نهائية
لاتغير فيها من داخل
لكن عدلها من برة جنوط +شبك الخ
والالتيما شكله حلو بالمرة اذا تعدل
مكنية الـRB26DETT بأمكانها الوصول لقوة 600 حصان دون أن تغير أي قطعة داخل المحرك (يعني البساتم وأذرعها وعمود الكرنك وجسم الأسطوانة تبقى بدون تغيير) ، وبأمكان هذا المحرك الوصول إلى قوة 1400 حصان عند تلغيمه بالكامل مع أن سعته أقل من 3 لتر!
هذا الشيء الذي يميز محركات الـRB وهو الجزء السفلي قوي جداً ويتحمل أقصى درجات الضغط.
لاخ
Type R
اولا
الله يعطيك العافيه على مشاركه الجميله هذي
ثانيا
لي تعليق بيسط على كلامك
اذا تكرمت
وهو
انت تقول تصل قوتها الى 350 حصان
اعتقد ان هذا الرقم مبالغ فيه وخاصه على محرك ست سلندر
اعتقد الذي قال لك هذي المعلومه كان غير صادق معاك
لان هذه القوه لا تتوفر في اغلب المحركات ذو ثمان اسطوانات
فيكف بسياره من ست اسطوانات
تقبل تحياتي
طال عمرك محركات فئة الـRB تأتي على سيارات النيسان سكاي لاين GTS والـGTR R31 على ما أظن وأيضاً على السيلفيا وكذلك على الألتيما في اليابان (أعلم إن أسوء المحركات تصدر إلى أسواقنا فحيث أن دول جنوب شرق لآسيا وأستراليا تنعم بمحركات ذات أداء عالي وتقنية عالية مثل محركات الـRB من نيسان والـ2JZ من تويوتا والفئة الـB من هوندا ، تأتينا محركات غبية مثل محرك الألتيما 2.4 لتر وبكاربوريتور بقوة 140 حصان وخلافها!!).
ماذا يميز هذه المحركات؟
أولاً سعرها في أسواقنا ، فتخيل الألتيما تبعك تريد تركب عليها مكينة الـRB20 فأنك تحتاج فقط إلى 3500 ريال (يا بلاش).
الأداء:
أداء السيارة يصبح خرافي وخصوصاً موديل التوربو ، فالبتوربو الأصلي بأمكانك تصل بمحرك الـRB25 إلى قوة تفوق 350 حصان على العجلات!!!
أذن ما مشكلة هذه المحركات؟
مشكلتها شغلة واحدة ، لا يوجد قطع غيار!!!
لكن ، سعر المحرك الرخيص (لا يتجاوز سعره 700 درهم في أسواق الشارقة "أكبر مستورد لمحركات السيارات اليابانية يمكن أن تتخيله ------> تصدق لو قيل لي في أي إمارة تريد تسكن لأختر الشارقة بدون تردد (الحمد لله إني من عشاق الياباني:)")
بالنسبة لأماكن بيعها سمعت أن الجعفر للمحركات عنده محركات الـRB ، لكن لو أنا كنت مكانك فلن أشتري ولا قطعة واحدة من السعودية بعد إللي شفته في الإمارات ، فمثلاً : في مشروعي تبع الـH22a طلع في مشكلة في كمبيوتر السيارة ، تدري أسافر للشارقة وأشتري القطعة وأرجع للسعودية يطلع أرخص من أني أشتريها من هنا!!!.
طبعاً خليت أحد الأصدقاء يشتريتها من هناك فلذلك أنا أشتريتها بسعر زهيد (هنا تباع بـ1500 ريال وهناك تباع بـ400 درهم!؟!؟!)......
اخواني speed و Type R
وطبعا الأخ الفـني ( ياليت تعطيني رأيك )
وما نستـغني عن اللـي عندهم خبرة....
ياليت توضوحون يااخوان ( لأني ماعندي هذيك الخبرة..)
ومالمقصود بـمكينة الـRB ؟
وماهي مواصفاتها...؟
وكم التكلفة؟؟
( وهل تضر السيارة و ( لان البعض يقولون مكينه شد بلد وبس )
( وترى انا من الشرقية)
وين الاماكن اللي تبيعها او تركبها في الشرقية ؟
طبعا الشرقية اللي في السعودية...
( لان بعض الدول فيها الشرقية مثل (( عمان ))
وشكرا
في انتظاركـــــــــم....
( ارجو اني ماطولت عليكم وسامحوني على كثرة الاسئلة)
اخووووكم
AFMER2001
ومثل ما قال Speed عندك خيار الـRB25DETT (توربو) وأيضاً RB20DETT (توربو).
وإذا كنت من المنطقة الشرقية فما راح يكلفك تغيير المكينة الشيء الكثير بالإاضافة إلى أن هذا النوع من المحركات تم التمكن منه (تقنياً) في المنطقة الشرقية حتى أنك تستغرب من أن سيارات ليس لها علاقة بسيارات نيسان مركب عليها هذا النوع من المحركات ، فمثلاُ: أنا رأيت محرك الـRB20 مركب على تويوتا سوبرا 93 وتويوتا كريسيدا 83 ، تويوتا دينا (نعم دينا) حتى أنك تستغرب من سماع صفير التوربو ستعتقد أنك تستمع لسيارة رياضية ولكنك ستتفاجئ لما تعلم أنها سيارة نقل محملة بالشعير!!!!!
