فزعتكم يا خبراء المواتر.. مدري وش اخذ لي

اذا كنت ماتهتم بالشكل .... << امزح:bigggrin: ..


الفورد ((قكتوريا او ماركيز او اذا بغيت فخامة ورساوة اكثر لنكولن تاون كار )))..

مكااين ماشاء الله تحمل و تتحمل الخطووط...

فكتوريا او ماركيز .. ومستعمل مو جديد .... وانتبه من المصدوم ومصلح ...

وترا الخط بحدا هالسيارتين كانك بطياره ... محد ينافسهم من هالناحيه

تحياتي

الفكتوريا و الكامري احسن شئ والله يوفقك

انا انصحك بحكم اني مجرب تخيل اجي من الجنوب كل اسبوعين لرياض وتخيل اقطع 1200 رايح و1200 جاي ولا السيارة لها سنتين ولا اشتكت غير توني مسوي لها صيانه وجربت الفورد وجربت انواع من الجموس وجربت بنز كان معي البطه وجربت سيارات اجار ولكن ما صمل معي الا سيارة انا اقول انها عبقرية وبنسبة لي ولكثرين تسوى قيمتها الا وهي (الاوريون) سيارة اعتمادية على ان الاي معي اقل درجة وقيمتها ما تتعدا 85 الف وسيارة قوت تحمل انا ما اقول ان السيارات السابقة فيها عيب ابدا ابدا ولكن انقيلك الافضل اسئل مجرب ان بغيت ممشا ان بغيت رساوة بسم الله على موتري لا اعينه ان بغيت تطوي الخطوط يعيب السيارات السابقة السرعة وتكلفة الصيانه والاعطال المفاجئة خلك بعد هذا الكلام ما تفكر في الاوريون هههههههههههههههههههههه امزح ترى واستخير اكرر استخير والاخوان موجودين بفيدوك وسلام اتعبتني وانا اكتب ولكن تستاهل

أخي إذا تبي سيارة خطوط عندك سيارتين كراون فكتوريا & جراند ماركيز وصدقني ماراح تندم عند شراءها , تمنياتي لك بالتوفيق ,,
تحياتي ..

بيض الله وجيهكم جميع

ورحم الله والديكم

الله يجزاكم كل خير

أنا لا انصحك تشتري الآن .. والصبر إلى الصيف أو رمضان عندها الأسعار ستهبط إلى 40 % وربما أكثر .. وستندم على سيارة غالية وبالأقساط ..

وهل تعلم انك إذا أخذت كامري مثلا بـ 81500 ريال جير اوتوماتيك GLX وبدفعة اولى 8000 فإن عليك قسط 2345 ريال شهر !! يعني نصف راتبك وبعدين مرابحهم 40 ألف ريال على أربع سنوات !! يعني 120500 ريال .. طبعا الأوريون أكثر !!

هذا طبعا كله كوم وإذا اخذتها بدفعة اخيرة بيخفضون القسط بيكون كوم كبير من الدين عليك أصلا شلون بتدفع دلعة أخيرة وأنت عنك نص الراتب مصروف والنص الثاني طاير لهم ولا تسى الفواتير الأخرى وإيجار البيت وبالمستقبل أولاد ومصروف كبير لا تغرق !!

الأربعين ألف المربح هذا تشتري فيه افالون 2004 وارد أمريكي !! ويعيش معاك 5 سنوات !!

أنا اعرف انه الكاش معاك قليل .. ولكن نصيحة لا تسلم نصف راتب لأي وكيل أو تقسط مدة 5 سنوات !!

اشتري مستعمل على قدك لين تجمع حق سيارة جديدة وقتها ستكون أسعار السياراة 50 % من سعرها الآن إن شاء الله ..

موتر الخطوط الاول في خياراتك هو اكراون ولا بلا منازع ...بس تراها راح تنقطع عام 2012 او 2011


والشكل من 97 او 98 نفسه ...فا اعتقد انه حرام تشتري موتر 2009 ...واذا مريت في الشارع محد يفرق بينك وبين سياره موديلها 98 مغير جنوطها وصارت زي حقتك


والخيار الثاني اذا ماتهمك المواصفات.. اكورد سبشل 2009 ..سياره راسيه من الدرجه الاولى ..وقطع الغيار حطها وانساها ...بس مشكلتها الفحمات اذا كانت رجلك حاره على الفرامل ...يبغالك تغيرها كل 20 الف كيلو متر


يعيب السياره سعرها المرتفع وقلة المواصفات ...بس اذا انت ماتفرق معك سياره 6 سيديات ولا سيدي واحد ولا تحكم مراتب الكتروني ولا تحكم مراتب يدوي ...يعني كلها واحد عندك انصحك في الاكورد


اما اذا ودك في موتر دلع ومواصفات ورفاهيه ..الاكورد ماتصلح لك


واذا ودك بـ الرفاهيه والمواصفات المنتازه ..عندك مازدا 6 الجديده ...

بس بما انك راعي خطوط عزل السياره موب ذاك الزود ...يعني الاكورد افضل

بس اذا كنت منتب راعي سرعه ..يعني 140 كا حق اقصى ماراح تسمع صوت هوا


http://www.assayyarat.com/forums/showthread.php?t=163328

اقرا الموضوع يمكن يفيدك

رغم اني اكره الكامري ولكنها احسن سيارة من بين السيارات اللي طرحتها كخيارات لك ..

خذ لك كامري فهي حقت كرف ولاتقوول قيييييييييييييييييييق

والماركيز جيد ولكن الكامري تتحمل اكثر منه

وبالنسبة للأوريون فعلى خبري بالسيارة ان أقل فئة فيها بـحدود الـ 85 تزيد أو تقل شوي


والله الله في الاستخارة يالطيب


بالتووووفيق :smile: