و الله اما غاليه فغاليه
لكن لا تنسون هذا للفل كامل
و يابو خليل بـ 160 الف وش يطلع لك في الكروزر والجودة يابو منصور لو بنتكلم من هنا للصبح صدقني كل واحد براسه فكره و ما راح تتغير لو تنطبق السما على الارض
وللاسف هذولا هم وكلاء جي ام منفذين اوسخ عملية احتكار المفروض تعددهم يزبط الاوضاع شوي لكن اللي شفناه العكس
و واحد من الاخوان يقول ان صيانة العيسى افضل ! من يقول هالكلام والموظف مع احترامي نصاب
انا مسوي صيانة الـ 20 الف عندهم (جمسي من العيسى) و رجعت الديره عندنا رحت اغير زيت عند الجميح بعد سفره طويله اكتشفت ان العيسى نصابين فيهم خير اللي غيرو الزيت لي و سويتها مره ثانية عند الجميح (احسن السيئين)
و لعلمك العيسى مو هالحين اصبر عليه الين تجي الموديلات الجاية تلاقي عنده تنزيلات خيااااااال بما تعنيه الكلمة من معنى وبالذات على السيارات المخزنة
ولا انا جمسي بـ 112 الف ريال نص فل بينما كان بـ 127 الف ! لا وكان فيه عرض لو آخذ دفرنسين ازيد 3000 ريال ! بينما كان الفرق 12 الف ريال في وقته! ولا لومينا اس اس 2006 بـ 70 الف ريال بعد ما كانت بـ 102 الف و لومينا اس اس 2007 بـ 79 الف ريال بعد ما كانت بـ 105 الف!(جمسي مكتوب في العقد 145 الف ريال وانا ما دفعت الا 112 !و اللومينا اللي بـ 70 الف مع واحد من العيال مكتوب في العقد بـ105 الف !!)
بعكس الجميح عنده 2 سوبربان دينالي 2006 حسافه مغبرين الى اليوم (تو شايفهم اليوم عصر وقلبي يتقطع) لكن اذا عرف السبب بطل العجب
بـ 142 الف ريال ! وحاليا اشوفه عارض في الصالة لومينا اس اس 2005 مع ان 2009 موجوده و يقول بـ 86 الف بينما العيسى مشتريها واحد من العيال نفسها بـ 70 الف
لكن طاق تسبدي شي واحد
التاهو بـ 160 فل والاكاديا بنفس القيمة
مع العلم بان مواصفات التاهو و عملانيته اطلق من الاكاديا لو ما فيه الا انه دفرنسين تكفيه
الله يعين بس
