أحب أتطرق أول شيء لحرف H وهو يقصد به شكل المحرك البوكسر
هذي صورة لها
هذي الصورة لقلب محرك 6 سلندر
وهي السلندرات المتقابلة أفقيا
فيها ميزات عالية ما تحصلها بمحركات السيارات الأخرى
وهي:
1- صغر الحجم وخفة الوزن.
2- تكون بخط واحد يعني حجم المحرك مع ناقل الحركة وعمود الدفع بمستوى واحد ما تحصل زي بعض السيارات المكينة مرتفعة مرة وكبيرة ثم القير صغير والأصغر شيء هو عمود الدفع.
3- أفضل في توازن السيارة في المنعطفات.
وهذي الميزات بصراحة ماهي إلا بعض الميزات وليست كلها عن محرك البوكسر H
بخصوص نظام الامان في 4 سلندر
يجي قياسي نظام ABS وEBD الخاص بالمكابح
يجي فيها ايرباقين
بخصوص نظام الامان في 6 سلندر
يجي قياسي نفس النظام المكابح لكن المكابح الأمامية والخلفية أقراص مهواة يعني أقوى بالكبح بينما 4 سلندر الأمامية أقراص مهواة والخلفية طبلة أو الي نسميها حنا قماشات قد تكون نفس التسمية في 6 سلندر لكن بتكون أقوى من 4 سلندر
نظام VDC الخاص بتحكم بعملية الدفع ليوازن السيارة في الظروف الحرجة وحسب ما أعرف ولست متأكد خاص بنظام الثبات أكثر للمنعطفات
الايرباقات عددها 8 ايرباقات! بخلاف 4 سلندر فقط أيرباقين
يعني الفرق كبير جدا في الأمان لصالح 6 سلندر
بخصوص نظام فك التراكشن الموجود بـ 6 سلندر الي ذكره أخوي ماجد ksa هذا خاص بس للي يبي يستهبل ويفحط بالسيارة مع أني ما أنصح أبدا أحد يفحط بسيارة دفع رباعي مستمر من تجربة قيادتها غريبة جدا ومو مثل الدفع الامامي والدفع الخلفي يعني لا تعتقد أنك بتقود سيارة عادية لما تبي تستهبل فيها صدقني يمكن تنكبك لأنها أصلا مخصصة للثبات
زي مرة في اشارة راكب مع واحد من أخوياي يجرب ليجاسي 4 سلندر لفيت بسوي يوتيرن(بديور) وعطيها الدعسة كاملة على باله بتزحف <<< متعود على الدفع الخلفي :a1120(86):
والله بغينا نأكل الرصيف لأن السيارة تعدلت مباشرة!!! ما تزحف
