هونداي اكسنت قير اوتوماتيك

اخوي سعرهااقصادفي الوكاله تقريبا39000مع دفعه 5000طبعاهذاسعرهااقصادموتاجيروالقصد800على 48شهرواناناوي اشتريهاان شاءالله

انا شريت اكسنت 2009 فضيه سياحيه ب29الف
بس المشكله الواجهتني العزم زي عزم فان ديزل وانصحك تاخذ قير عادي

هلا وغلا والله ياخوي
انا عزمت على النترا لأن حجم مكينتها اكبر وهذا مايهمني
ولك رساله على الخاص يالغالي

مساء الخير .,.
بعد تجربة يومين للالنترا أنصحك بها وبقوه كان تبي تطيع شور اخوك وتقدر تدفع الفرق اللي اشوفه بصراحة بسيط بين السيارتين بحدود 5 الاف ريال سواء كاش أو أقساط مقارنة بالمواصفات والاداء والعزم والرساوة وغيره.
واذا جزمت على الالنترا أرسل لك رسالة خاصة عن موظف بالوكالة يعطيك اياه إن شاء الله بأقل سعر سواء الاكسنت أو الالنترا واليوم ركبت المايكرفون بأقل من نص ساعة عندهم وصرت استخدم مسجل السيارة بالرد على المكالمات بصراحة ميزة قوية ومريحة بالالنترا والاكسنت. وبالتوفيق.

-اليوم اتصلت على الوعلان بالرياض فأفادني الموظف بأن الاكسنت حجم مكينتها 1.4
وبذلك قطعت باب التفكير فيها ابدا
-سألت عن النترا قال موجود 2010 لكن للأسف حجم مكينتها 1.6 :confused1:
بينما موديل 2009 حجم مكينتها 2 :confused1:
ففضلت موديل 2009 فل كامل قير اوتو قيمتها كاش 48000
بينما موديل 2010 اللي حجم مكنتها 1.6 قيمتها 49500
المهم سألت عن نظام التأجير فأفادني بأنه بدون دفعه عل بنك الرياض لمدة 3 سنوات وبقسط شهري 1673 بطلب مني برفع القسط فيصبح المجموع 63000 :c0214:
والله احسها قيمة مبالغ فيها كثيرا بناءا على نوعية السيارة وحجمها :c0038:

وفقك الله اخي العزيز
واشكرك جزيل الشكر يالغالي على النصيحه
وانا الآن استفريت على الالنترا بنسبة 90% فل كامل قير اوتوماتيك

الاكسنت الشكل اللي قبل كذا كانت تجي 1.6 سي سي ولكن الاخير مايجي إلا 1.4 سي سي والأفضل أنك تتصل على الوكلاء الوعلان بالرياض والمجدوعي بالشرقية والناغي بالغربية للتاكد أكثر
وانا بصراحه لما جربت الاكسنت آجار اعجبتني بالاوتو توقعته أضعف من كذا بس خفيفة والثبات ضعيف لحد اذا ركب احد معي بالخلف وحنا واقفين هزت السيارة عاد وشلون وانا امشي 120 كم وبعد ماجربت الالنترا فرق كبير بالثبات وراحة الماكينة والعزم علشان كذا أشوف فرق 4 -5 الآف قليلة جدا بين السيارتين ومايحتاج احتار بينهم خاصة انك ذكرت راح تستخدمها على خفيف للسفر ولو كانت على داخل المدينة فقط كان الاكسنت صارت خيار مناسب وبالنسبة لنظام التاجير المنتهي بالتمليك:
الوكالة تتعامل مع شركة اسمها تأجير لهم مندوب داخل الوكالة تخلص اجراءاتك بسرعة وايضا معرص بهجة عسير بمعارض النسيم يتعاملون مع نفس الشركة .... وبالنسبة لرأيي
* تروح للوكالة وتجرب السيارتين راح تستقر على وحده منهم وتلقى أفضل جواب لحيرتك.
*انا أشوف تاخذ قرض من البنك وتسدد لهم اقساط شهرية وتشتري السيارة كاش اوفر وأفضل بكثير يكفي السيارة تكون بأسمك .. ونظام التاجير مايختاره الا الشخص اللي مايقدر يقسط وعنده قروض والله يوفقك وعليك بالاستخارة لاني عقب ماستخرت ارتحت وشريت السيارة من بكرى . لك تقديري واحترامي.

مبرووك ويكفيك شرها .
لكن اول مرة اشوف النترا 1.6
احنا عندنا اقل شي 1.8 الفل 2.0

وفقك الله اخي عاشق الاكورد
للأسف انا ماابغى الا القير الاوتو لأسباب كثيرة
ولكن هل هو خدوم وماهي عيوبه ان وجدت

شكرا لك يالغالي
لكن انا الآن محتار بين الاكسنت والنترا فل كامل قير اوتو
لان بعض بعض الأخوان هنا دح النترا وفضلها عن الاكسنت
انا والله محتار

اكسنت سياره ممتازه ورهيبه من وجه نضري مع صديقي 2009 بس هو الصراحه مايبهاء

لنه يحب الربع والهايلكس يحب السيارات القويه

وسياره ممتازه وانصحك فيه وعلى فكره نزل موديل 2010 تقريبا له اسبوعين
وانصحك بالعايدي لنه عزم اقواء

شف اخوي ياتاخذ اكسنت يايارس واليارس افضل

وفقك الله اخي العزيز وبارك الله فيك ونفع الله بعلمك
استفدت من دك هذا الكثير
لكن هل ااكسنت عندنا متجي الا 1.4
لاني سمعت انو تجي 1.6
وسؤالي الاخير هل تنصحني بالاكسنت او بالنترا؟
وهل المعارض لديهم نظام التقسيط وكيف الطريقة؟
تقبل مودتي واحترامي
واسأل الله ان يعطيك خير سيارتك ويكفيك شرها

صبحك الله بالخير أخوي .,. راح اسرد لك تجربتي بشيء من التفصيل الممل :
الاكسنت قير اوتو 1400 سي سي عند كل الوكلاء هنا وانا جربتها آجار وعجبتني وتوقعتها 1600 سي سي وكنت ابشتريها لكن اللي عيبها بنظري خفتها شوي علشان كذا بحثت عن سيارة مستوى الآمان فيها افضل وتحولت نظرتي للالنترا خاصة الفرق بينهم مو كثير حدود 4 الآف وبالتقسيط راح يضاف مبلغ بسيط على قيمة القسط وأشوفه يستاهل أدفعه لفرق المواصفات بين السيارتين بعد التجربة ، رحت للوكالة والموزعين ( الاختيار والفلاح وبهجة عسير) ولقيت عند بهجة عسيراقل سعر للالنترا موديل 2009 قير اوتو 1600 سي سي 43500 ولو تضغط عليهم يمكن تاخذها ب 43000 ويتعاملون مع شركة تأجير وعند الفلاح أقل سعر موديل 2010 ب 44000 وماعندهم 2009 والاختيار 2009 ب 44000 وبالوكالة حصلته ب 45000 ولو تضغط عليهم راح تاخذه ب 44000 لانه اللي يميزها بالوكالة التكاية والمرايات بنفس لون البودي وعندهم 2000 سي سي قير اوتو ب 46500 ريال بس مافيها تكاية والمرايات سوداء ويتعاملون مع شركة تأجير .

* كل موديلات 2009 المتوفرة بالدفعة الاخيرة للفئتين فيها ميزة البلوتوث اما 2010 ماسألت .
* فئة 1600 سي سي سير الماكينة جنزير لايحتاج تبديل
* فئة 2000 سي سي سير الماكينة ربل ويلزم تبديله كل 80000 كم
* الدفعة الاخيرة من الاكسنت 2009 فيها نفس المميزات المذكورة فاذا كنت راح تاخذها لاتفوتك واذا كانت مو موجودة بالوكالة تحصلة إن شاء الله بالمعارض وبسعر أقل.
* شريت النترا 1600 سي سي قير اوتو من الوكالة أمس الخميس ب44000 للميزتين اللي ذكرته ومو موجوده بالمعارض وراح استلمها السبت إن شاء الله والله يعطيني خيرها ويكفيني شرها

أتمنى اكون أضفت لموضوعك لو الشيء القليل ودعواتي لك بالتوفيق باختيار السيارة المناسبة.

- شكرا لك اخي الكريم على هذه المعلومه القيمه
- سؤالي هل الاكسنت القير اوتو عندنا في السعودية تأتي 1.4 أم 1.6

انا عندي قير اوتو .ماعندي عادي
بالعكس عزمه قوي نسبيا مع غير السيارات نفس الفئة

بس يمكن لان المحرك مال سيارتي 1.6 وانتوا عندكم 1.4

شكرا لك يالغالي على هذه المعلومات
لكن كيف القير الاوتو لاني ماابغي الا اوتوماتيك