السلام عليكم ورحمة الله وبركاته
اخواني الافاضل / اسعد الله اوقاتكم بالخير والمسرات
اشكر جميع الفنين والقائمين على نجاح هذا الموقع
مشكلتي طول الله اعماركم بمكيف الفورد طبعا امريكي 2005 المكيف شاشة بعد فترة من شريتة وبعد استخدامي للمكيف الحار فترة الشتاء خربت اللوحة وصارت توزع هوا فوق وتحت وتدخل هواء خارجي طبعا تابعت موضوع احد الشباب هنا واستفدت منه فكيت اللوحة وحطيت على البلوف شطرطون ونجحت الطريقة صار يثبت الهواء من الامام وكذلك تسكير الهواء الخارجي
طبعا فيه عندي كذا مشكلة مادري من اللوحة والا من شي ثاني لاني وديتة عند البيان وفحصت الفريون وقالو فل .
1- المشكلة الاولى والاهم ان المكيف يفصل عن التبريد فترة لين يصير الجو رطب وخاصة لاحظو معاي ياشباب خاصة لمى يكون فيه ثلاث اربع مطبات ورى بعض ارقى المطب الاول وادعس للمطب الثاني في المسافات هذي يفصل الفريون مع اني دعسى لدواسة البنزين جدا طبيعة بدون ماشد على الموتر بس بعد ماتعدى المطبات يصير يبرد وعلى فكرة تبريدة موذاك الزود احسه شوي رطوبة بعض الاحيان .
2- مشكلتي الثانية الهواء على المكيف مادري وش فيه الهواء مو مقياس واحد احطه مثلا طقتين وهو على كيفة يزود وينقص يزود وينقص كذا ورى بعض ممكن بين كل وحده والثانية 30 ثانية واحيانا اقل .
- = طبعا الشباب في الدوام شارو علي وقالو رح عند اي ورشة وافصل ليات الهواء الحار ويصير يبرد ونقز واحد ثاني قال انا فصلت الليات وصار يبرد مدري وش رايكم في فك الليات .
ملاحظة لااذكر ان المشاكل هذي بعد ماثبت الهواء بس ممكن لاحطتها في الفترة هذي .
شكرا لكم على سعة صدوركم واعذروني على الاطالة بس حاولت احطكم الصورة
[COLOR=purple]يعطي الجميع العافية [/COLOR]
