جراند شيروكي - اشتريه ولا ما اشتريه؟ رأيكم يا شباب

انا امتلك جراند شيروكي 2006 اوفرلاند

واجهت مشكله في حساس الدبل يعطي غالبا انذار غلط

الان ماشي معي 100 الف

غير كذا الموتر ممتاز
والحرارة في الظهر بطعوس هافمون ومشغل الدبل والحرارة نص
واذا خط سريع الحراره تقريبا على الثلث

واهم شي الصيانة الدورية على الاقل كل 10 الاف في الوكاله

والقطع متوسطة الغلاء

والاستخارة مهمممممه

تحاياي

خل كراسيلر تحل مشاكلها المالية وبعدين اشتر
نصيحة أخوية

انت المفروض تكتب لا يرد الا المجرب

انا اخوي معه جراند شيروكي اوفرلاند 5.7 هيمي موديل 2007 و له الآن معه سنتين

و عمره ما اشتكى منه و بصراحة السيارة ما عمرها ارتفعت حرارتها و انا استغرب من اللي يقول الحرارة ترتفع

و عموما السيارة قيادتها ممتعة و قوية جدا و انصحك لو بتطلعها تآخذ اوفرلاند لانها افخم و اقوى :xyxthumbs:

و بصراحة في مشكلة وحدة و ما تعتبر مشكلة كمان اللي هيا اول ما استلمها كان في صوت في جلدة المساعد الخلفي و كانت ماهي راكبة في محلها و تم تغييرها على الضمان و بعدها السيارة ما فيها اي مشاكل الى الآن

و اخوي ان شاء الله ناوي يبيع اللي معاه و ياخذ الشكل الجديد ان شاء الله

و لو السيارة ما كانت رائعة و ما فيها مشاكل ما كان فكر في الشكل الجديد

و لعلمك الوالد كان معه واحد موديل 99 و كان فيه شوية مشاكل لكن الشكل الحالي ما عليه اي مشاكل

و يشهد الله على صحة كلامي

طبيعي ان الناس تذم وتنقل الهرج خاصتن بالسعوديه

والسبب طال عمرك ان ورشنا كلها بنقالية جاي من ديرته مايفرق بين السيارة والسيكل

لكن تعلم على كم ددسن وكم كرسيدا على شوية جيوب :bigggrin: مافيهم الا قير ومكينة هالسيارات يعني وش بيخرب فيهم اكيد كهرب ولا بواجي ولا شي تافه


كيف توقع انه بيفهم للشروكي اللي جاي بخاخ وحساسات وكمبيوتر :bigggrin:

الحين اشوف الوضع تحسن وصار فيه ورش متخصصه وعندها خبره



اما من ناحية تساؤلك فأنا الصراحه ماقد امتلكت قراند جديد لكني جربت قيادته والصراحه انه من اروع الجيوب اللي مرت علي وفعلا ( لاجيب الا jeep )

لكن ماطول معي بس كم يوم يعني ماقدر افيدك بمعلومات من ناحية الاستخدام الطويل

اخوي كان معه واحد 97 جلس معه فترة لابأس بها والصراحه كان مرتاح جدا


انا الحين معي شروكي2000 عادي مهب قراند باب واحد ومستانس :bigggrin:



اتوقع الناس تذم لأنه ماتعودت على هذا النوع من السيارات ( المتطور ) :bigggrin: لأن الشروكي كلها حساسات ومهتمين بالسلامه فلو يعطس شخص عند السيارة راح يطلع لك تحذير بعداد الطبلون خخخخخ
<< الامريكيين يحبون انفسهم :bigggrin:





موفق اخوي واهم شي استخر

والله يالحبيب انا مثلك ناوي اشتري جديد 2009 او 2010 وفيه ناس تمدح وناس تذم
انا شخصيا ماعرف احد من ربعي او جماعتنا عنده شروكي وكل الكلام آخذه من النت
عموما اللي فهمته واكثر الناس متفقين عليه

هو ان اغلب الورش ماتعرف للشيروكي ويمكن الرياض كله مافيه الا ثلاث ورش صغيره ومايمدحونها بعد يعني في الصيانه مالك الا الوكيل والوكيل يعيبه الخدمه والتاخير في تسليم السياره لان كثير من الاحيان قطع الغيار يطلبها لانها ماتكون متوفره ويعيبه القطع ان سعرها غالي نوعا ما مقارنه بتويوتا مثلا

وانا والله محتار لحد الان

اتمنى اني افدتك

مشكورين على التجاوب ، لكن بحاجة للاستفادة اكثر من تجربة الشباب مع الجراند للوصول لنتيجة ، خاصة ان الوضع محير نص الناس تذم والنص يمدح ، وين الصح ؟؟؟؟؟ اتمنى الوصول لنتيجة واضحة ومحددة .

قريب لي اشترى 2006 امريكي ماشي 60000 ميل 6 سلندر وادخله للوكالة وفحصوه وقالو ممتاز وغيرو زيته وقالو كل عشرة الاف كيلو تجي لغيار الزيت والتشييك له معه حوالي سنه يمدحه وركبت معه قبل ايام وقمنا برحله استغرقت حوالي 4 ساعات لم تتعدى الحراره الثلث مع ان الوقت الساعه 12 ظهرا ويقول ان الحرارة ثابته على الثلث سواء كانت السياره تسير او اثناء التوقف ام سيرها على الاسفلت فهي ممتازه تمشي 160 كأنك راكب صغيره والمكيف ممتاز سواء في الامام اوالخلف ولكن المراتب الخلفيه ضيقه وغير مريحه لكبار السن وجيده للشباب وسألته عنها بالرمل فقال توصلك للي تبي لكن تطعيس ماتصلح لسببين ان الدبل تماتيك والشيء الثاني الانظمه الخاصة بالثبات والتي تحتاج دائما للفصل ولكني شاهدت 8 سلندر فيه زر للدبل الثقيل لكن اللي مع قريبي 6 سلندر دبل تماتيك وتراه امريكي مستعمل
ارجو اني افدتك

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ياخوي ابعد عن الشر وغنيلو
مشاكل واجد فوق ما تتخيل
واهم مشاكله الحراره ترتفع ارتفاع خيالي
والله يكتب اللي فيه الخير