هذه نهاية الهجولة بعد الأختبارات / صورة

صراحة تعبنا وحنا نحذر من عواقب الهجولة والتفحيط .. وقلنا كم مرة

ولكن لقد أسمعت لو ناديت حياً ولكن لا حياة لمن تنادي .



يعني هـ الحين الله من عليك ورزقك بسيارة وأنت طالب يعني مادفعت

فيها ريال واحد وعلى كذا تفحط فيها علشان عيون أبو فلان :mad1: ولا

علشان المعززين الي معك والله كلهم في النهاية يضحكون عليك

ولافي واحد راح يوقف معك إلى بيقولون ستين داهية حنا ماخسرنا

شي دام أنه مايعرف يفحط ليش يفحط من الأساس :mad1: ..

هـ الحين شف وش جنيت من هذه التي تدعي أنها متعة ..

أولاً ضرر عليك أولاً يا من تفحط ..

ثانياً ضرر على من معك لو قدر الله توفي أحد راح تتحمل دية كاملة ..

ثالثاً ضرر مالي على أسرتك في حين أنك لست من الطبقة البرجوازية (أي الأغنياء) .

رابعاً السمعة راحة تكون بين أهلك وأقاربك وأصدقائك سيئة ..


وصراحة الأضرار كثيرة وهذه غيظ من فيض ..

نتمنى الكل يراجع نفسه قبل مايقدم على أي يعمل يندم عليه بعدين ..

أتمنى أن تكون وصلت لكم هذه الكلمات الصادرة من قلب محب


ولكم أطيب تحية