شيروا علي ياشباب قبل اتورط واندم

هذا هو الكلام

والله انهم حراميه ويهددونك بالغاء الضمان

حبيبي في حالتك انت متجاوز ال 10000 يعني لو في خلل تصنيعي في السياره ان بين من فتره

اللي قاعد يصير الحين هو ابتزاز قانوني
يعني
الوكاله تقولك يا تدفع 3500 ريال على تغيير زيت وفلتر وشويه خرابيط
يا ما تدفعها ونلغي ضماننا العظيم على سيارتك العزيزه
والخيار لك

وصدقني لو ان سيارتك (الله يبعد الشر) فيها مشكله عويصه
الوكاله راح تجحدك وتقولك هذا سوء استخدام ولا هذا شي ما يغطيه الضمان
بالعربي بيصرفونك اي تصريفه
لما يشوفون ان الموضوع راح يكلفهم

ووكلاء شفر وجي ام سي سمعتهم معروفه في هالموضوع
اسئل اصحاب اللومينات(2004-2006) اللي عندهم مشاكل في الشاشه
وايضا اصحاب الدينالي واجهوا نفس المشكله بعد في موديلات احدث من ال 2006
الوكاله جحدتهم وتخليك تدفع 6000 ريال قيمه شاشه وانت تضحك
ويقولون لك بغيت ولا اقلب وجهك

يبن الناس خل فلوسك في جيبك
وباذن الله سيارتك ما فيها الا العافيه
استعملها استعمال نظيف وحافظ عليها
واحرص على القطع الدوريه فيها
(بواجي-سيور-فلاتر-زيوت-..الخ)
وما عندك الا العافيه

خلك ذيب تصيد ولا تنصاد
وخل وكلائنا النصابين ينقعون بمراكز الصيانه حقتهم

تحياتي لك

ما ادري انه في العقد حق الضمان لازم تشيك بالوكالة ثانيا 3500 لحالها غير الباقي بتصلح موترك بورش عادية لو فيه انواع المشاكل وإن شاء الله ما يخرب ما تدفع ولا ريال والأصل إن الموتر جديد ما فيه مشاكل إن شاء الله

اسحب عليهم يارجال
واللهم العظيم شوف عيوني
واحد من اخوياي دخل سيارته صيانه
ورحنا نستلمها
انتبهت للمثلث حق المرايه الجانبيه من الداخل مشيول
قلت لخويي صادم بالسياره انت قال لا
قلت طيب ليش المثلث مشيول
قال مدري ومر واحد من الصيانه وقلت له شف هذا وين راح
قام ناظر يمين ويسار حتى شاف موتر نفس موترنا وراح له وفك الغطاء منه وركبه لنا
وصاحب السياره هذيك لو ما انتبه بيروح واذا طلع منهم ثم رجع بيقولون له انت فكيته برا

غير الزيت برا عند واحد نظيف وفاهم
والسير اذا كنت راعي سرعه ومشاوير واجد غيره كل سنه
وفلتر زيت القير على حسب لون الزيت ورائحته

إذا كان الضمان إلى 60.000 أو 100.000 فالحال واحد السيارة جديدة وش راح يصير فيها لا سمح الله، وبعدين لو كان فيها عيب مصنعي كان بين من أول 10.000 وحالياً السيارة ماشية 60.000 وسليمة،، أقول ودها ورشة عادية غير الزيت وفلتر الزيت وفلتر القير إذا كان خارجي وغير ماي الرديتر الأخضر كله وسلامتك والشغلة ما راح تتعدي 200 ريال.
وبالنسبة للضمان مايسوى وللعلم السيارة إذا خرب فيها كهرباء راح تصلح على حسابك وبقولوا الضمان غير شامل وإذا في الحرارة نفس الشي وكل مرة يطلعون لك عذر حتى يسووها على حسابك خصوصاً إذا كانت أوراق الضمان غير موقعة .... وتدخل في مشاكل ليش عاد الله الغني و وفر هالمبلغ لكشتة أو سفرة حياك عندنا بالبحرين ههههه ...

ياصاحبي اقولك شي انا اعرف كثير من الشباب عمره مادخل الصيانه لانه يشوف الاسعار مبالغ فيها جدا علي شي مايسوي وانا واحد منهم كنت حاب اسوي صيانه لسياره عندي فولكس واجن سالت وش الاشياء اللي بتتغير علي 12000 الف لقيت انها تقدر تسويها بورشه برا لا نهم كانو حاطين التكلفله 5000 ريال قلت لهم هاتو السياره بلا صيانه بلا هم سويتها بورشه برا شغل اليد كلف 600 غيرو لي السيور كلها كل الفلاتر مويه اللديتر وغيرت بعض الاشياء من راسي كذا بعض الانوار متحرقه كلفت البطاريه وزيت السياره لا وغسلتها بعد يعني المجموع 1900 من 5000 الي 1900 فانت شوف القطع ورح الي ورشه حلوه وغير عندهم وريح بالك اذا انت بالشرقيه فيه ورشه بالدمام الصناعيه اسمها الصقر والراجح ممتازه للامريكي وانت احسبها وشوف اهم شي تعرف وش لازم تغير

والله يوفقك