بصراحة أنصحك تاخذ الليجاسي 2009 علشان مواصفتها أعلى إلا ان كنت تبي 2008 علشانها أقل قيمة
لأن 2009 تجي 4 سلندر فئة B-SPORT
وهذا ردي في أحد المواضيع
الفروق بين 2008 و2009 الـ 4 ـسلندر
موديل 2009 أعتقد خلاص أصبحت تجي بفئة أسمها B-SPORT
أختلافها عن موديل 2008 (طبعا مواصفات زيادة)
1- فيه التنقيل القير عن طريق المقود.
2- الجنوط تجي مكحله باللون الرصاصي مقاس 17 (نفس حجم 2008 بس أختلاف اللون).
3- شبك رياضي يختلف عن الموجود بـ 2008.
4- فيه منظف الأسطب الأمامي وفيها زينون.
الاكورد أفضل من الليجاسي بحكم الوسع والفخامة وسعر أعادة البيع فقط هذا الي يعجبني بالأكورد والي يخلي الواحد يحتار علشان ياخذها
لكنها أضعف قوة (عن تجربة 2008) ولا فيها مواصفات الي تجي طيس وكذلك قطع غيارها نار أغلى من الليجاسي
وأتفق مع
Sammy_R-Gti فيما قاله
اذا كنت تبحث عن الامان و الثبات و القوة عنونها الليجاسي و اذا تبغى الراحة و الفخامة خذ الاكورد
إلا مسألة الراحة فأنا أشوف مراتب الليجاسي ألين (أكثر راحة) من مراتب الأكورد لكن تعليق السيارتين قاسي بعض الشيء
