مشكلة سيارتي اليوكن والوالدة حفظها الله

اقول الله يرزقنا واياكم برهم انا عندي جمس سوبربان م 2003 ونفس المشكله ولكن الوالده حفظها الله تعودت على ركوبها بالمساعده والحمدلله

يمكن مو متأكد تلقاها عند[COLOR=red] أتو مول في شارع الملك سعود [/COLOR]
او ابحث في الأنترنت عن الورش او الوكالات الي تجهز السيارات للمعاقين ستجد عنهم اكيد حل

او فصلها انت ( مخمخ عليها صح ) ومع الأراده مافيه شي مستحيل وفكرتها جدا بسيطه

ستحتاج حديده فقط بشكل [COLOR=red]U يلحمون لك فصالات لها من تحت دعاسه السياره الأصليه واذا بغيتها ترتفع من نفسها بعد طلوع الوالده الله يخليها لك ترتفع من نفسها بتركيب سبرنغات [/COLOR]

وانا ان لقيت شي مشابه عطيتك خبر

الأخوان الكريمان

مؤيد الهاشمي وبانوراما 2009

هدا ما أبحث عنه بالضبط

أين أجد هده الدعاسة سواءً جاهزة أو تفصيل

هل تقترحان علي محلات في الشرقية لديها الخبرة والتجربة في بيع أو نفصيل مثل هده الدعاسات

شكراً لكما

الأخ خليد عينين

هدا ما أبحث عنه بالضبط

أين أجد هده الدعاسة سواءً جاهزة أو تفصيل

هل تقترح علي محلات في الشرقية لديها الخبرة والتجربة في بيع أو نفصيل مثل هده الدعاسات

شكراً لك

حط لها وطايه متحركة نظام سهل

اشي يركب على الوطاية ترفعة الا الباب
انا حاطها في السقس حق ابوي
ولزقها زين عشان اذا انفكت واحد راكب عليها مع السلامه

الأخ salehhd

شكراً لمساهمتك في ايجاد الحل

الأخ قيس بن الملوح

حل جيد كما تفضل الإخوة في الأعلى

لكني ابحث عن حل أسهل

الأخ سلطان الرياض

الموتر الثاني موجود لكني أود حل مشكلة اليوكن حتى أستغني عن السيارة الثانية

.
.
.
صندوق صغير من الخشب ,, يفي بالغرض ,,

انا كان خالي مسويها في سيارته ,,, صندوق صغير ويحطه في شنطة السيارة ,, لاهله عللشان يصعدون عليه

وبخصوص الاماكن المزدحمة ,, ياخوي انت معاك اهلك وكبيرة في السن ,, ياخوي انت كم مرة بـ توقف في مكان مزدحم ,,, وبعدين تقدر تجنب بشكل بسيط في احد الاطراف وتنزل اهلك ولا احد يقدر يفك فمه ,, احتراما لكبر السن قبل كل شيء

انا الوالد عندي ,, ينزل من السيارة على كرسي متحرك ,, عند الحرم << أزحم منطقة مرورية ,, اوقف بشكل مائل قليلا ,, وانزل الوالد ,, والعسكر ولا احد يفك فمه لانهم متفهمين للوضع ,,, علما ان الكرسي اجيبه من الشنطة يعني اصعب من الصندوق الخشب اللي بـ تسويه

واذا معاك كاااش ,, تقدر تفصل عن محلات الحداد عتبة اضافية لليوكون تركب في الباب بـ مفصلات وتثبت على دعاسة السيارة الاساسية

الله يخليلك الوالده ويطول بعمرها ان شاء الله ويعطيها الصحه والعافيه


فصل لك او دورها بمحلات قطع الغيار قطعه عباره عن عتبه واحده فقط وثبتها بنفس الدعاسه الأصليه من تحت ولها فصالات يكون بحيث اذا اردت انزالها تنزل هذه العتبه وتصير العتبه الثانيه هي الدعاسه الأصليه للسياره واذا جيت ترفعها تنخش وتنسفط تحت الدعاسهالأصليه لليوكن وماتبين وركبلها قفل حمايه لجل ماتنزل عليك وانت تمشي

الله يرزقنا وياك الجنه وبر ابنائنا

السلام عليكم

عندي اقتراح بسيط واعتقد انه يفي بالغرض

عمل عتبه صغيرة ( سلم صغير ) من الالمنيوم او الخشب يكون صغير الحجم وسهل الحمل تقدر تحطة جنب الرجلين للراكب تنزله من السيارة اذا جات تركب الواله تستخدمة للصعود الي السيارة واذا انتهم ترفعة بسهوله

اووو لو تركب دعاسات زي الدينالي الجديد تنزل لتحت العتبه مع فتح الباب

وتسكر لما تركب وجميع الابواب مغلقه

بارك الله لك في والدتك وحفظها من كل سوء
المشكلة صندوق صغير من الخشب يشبة صندوق الشاي خليه معك دائما في السيارة وتنحل المشكلة

الله يرزقك بر والديك ويرزقني معك والمسلمين اجمعين

اولا الله يخلي لك الوالده

ثانيا ياخي اقرب سطل بويه وريح نفسك هههههههههههههههه
او قطعه خش من الموبيليا وتخليها معك في السياره

فيه اشياء كثيره تقدر تستعين فيها

بع الموتر واشتر موتر طامن عشان الوالده
او تشتري موتر ثاني يكون استعمال يومي ( دوام + مسجد + مشاوير عائلية )
واليوكن يكون للسفريات والخطوط
ومع احترامي لك
المفروض الواحد يكون عنده شويه تفكير وتخطيط قبل ما يتخذ قرار بشراء السيارة
انت عارف ان اليوكن رفيع والوالده اللي يحفظها لك تواجه صعوبه في الركوب
المفروض تكون حاط هذا في بالك

الأخ الكريم AL-PAJERO

أكيد الإهتمام الشخصي بالوالدة حفظها الله ووالديكم موضع فخر وشرف بالنسبة لي

لكن تبقى مشكلة ركوبها عند عودتها من مكان مزدحم كمواقف الأسواق يجعل الأمر غير مناسب


أشكرك عزيزي على المشاركة

الأخ الكريم asak333

الحل الدي تفضلت به جيد ،،لكنه غير عملي في بعض الأحيان كالأماكن المزدحمة حيث ينبغي التحرك بسرعة لعدم التسبب في تعطيل السيارات الأخرى.

شكراً لمشاركتك في حل المشكلة