محتار بين : الآوريـــون & الآكـــورد

شوف حبيبي اذا انك ماشريت سياره الا اللحين انا انصحك بالاوريون لعدة اسباب :
1- شكل ممتاز
2- فخامه
3- مافي بينها اي مقارنه مع اللكزس
4- الدخول الذكي
5- V6 تكفي وتوفي
ماراح اخلص ...
نجي للااكورد
1- سياره جيده من ناحية الشكل من الداخل والخارج ولكن شكلها يحسسك بانك دب خخخخخخخ
2- قطع غيارها نار الله الموقده
3- مواصفات هايلكس
برضوا راح اتعب ......
ولا اقولك خذلك سوبارو افضل واقوى وافخم ومواصفات اعلى ومنظر جذاب وقطع غيار اسعار مقبوله وقسم بالله راح تحس بالفرق بس خذ موديل 2008 ولا 2009
او كاديلاك CTS اذا ماتعرفها دور عنها بالنت
واذا ماعجبك شي خلك بدون سياره خخخخخخخ
واسف على الاطاله .......... تقبل تحياتي

اوريون وراح تدعي لي
سيارة حلوة ومواصفاتها افضل من الهوندا بكثير
وبالتوفيق ان شاء الله

اوريون وارفع يدك اناجربتها 100%رساوه دعس فخامه اللي تبغاه من الموصفات واخذ الفل نصيحه لكن عيبها القير ميتحمل اخوي معاه اوريون من كثر الشد ضعف الجربوقس

نصيحة ياخوي خذ أوريون والله عذاب
ومكينة راعية دعس
وعزم ولا احلا
مع احترامي للأكورد لكن احس شكلها القديم احلا من الجديد
الجديد تصلح للشياب :c0214:

حبيب قلبي انت شكلك نفس حالتي توكل ع الله و اخذ الاوريون الفل بدون شاشه ...
ابتعد عن الاكورد قطع غيار نار - كانك راكب ف صندقه من الداخل صغيره بس منظر اوكي...
اذا كان مايمديك ع الامييييييييره شوف الازيره ........ز
تقبل مروري .. تحياتي

ابصراحة اخوي انا افضل انك تاخذ اكورد شكلها احلى وعليها قصت السبورت وجفته من الداخل انا افضل الاكورت
وتقبل مروري الطيب

غيّر حياتك وجرب مازدا 6 الجديدة ,,
تدوم وقوية وروعة وشكل جديد وقيمة أقل ,,

مودتي

المقارنة مع إحترامي الشديد لك أخوي [ مو في محلها ] ..

تقارن [COLOR=Green]4 سلندر ضد 6 سلندر ..

تقارن .. سيارة حتى ما فيها عدسة .. بسيارة فيها .. !

تقارن سيارة تجيب الـ 100 في 8 أو 10 ثواني .. بثانية تجيبها بـ 6 ثوان .. ؟!

تقارن سيارة بعد سنة ينزل نص سعرها .. بسيارة تبيعها بعض الأحيان بـ ربح .. !

نصيحة لوجه الله .. لا تبعد عن الأوريون .. !
صدقني رح تندم لو اخذت أكورد .. *_*

..[/COLOR]

إذا بين الأكورد والأوريون بدوووووووووووون ما تسأل اكووورد وارفع رااسكـ : شكل داخلي ..طاره مميزة ..ديكوور يكبي فخامه فخامه لين تتعب .. بس ناااااااااقصهآـآ التبترونيكـ وسماعات البوس .. ولا الأكوورد في الثباااااات افضل من الأورويين الأكورد رساوتهآـآ قريبة من السوباروا وربي راسه اقولكـ سقتهآـآ بغيت ابكي .. ومن ناحية الشاشة والكلام الفاضي ..روح اشتري لكـ من اي محل نيفقيشن تقريباً بـ1000 ريال وانتهينآـآ

وذا رأيي بالنسبة لمقارنتكـ

والله ياخوي مافيه وجه مقارنه بين الاوريون الفل اللي بدون شاشه من ناحية المواصفات مع هوندا اكورد ب 100 الف اربعه سلندر بدون اي مواصفات تذكر وسبب ارتفاع سعرها ليس الجوده ياأخي العزيز ولكن السبب في ذلك تصنيعها في اليابان وارتباط سعر الين الياباني بالدولار هذا السبب الرئيسي في ارتفاع سعرها
وعلى فكره انا كنت محتار زيك لاني ناوي على شراء سياره موديل 2010 ومحتار بين اوريون وهوندا لكن بعد البحث بين المواصفات للسيارتين والله فرق كبير في المواصفات والسعر والجوده تقريبا متساويه كثير وانتهيت اخيرا الى انتظار موديل 2010 اوريون مواصفات ممتازه وجوده جيده جدا مقابل سعرها وهذي نصيحه اخوي مني لك توكل على الله وانتظر الاوريون 2010 مثلي وخذلك اوريون فل بدون شاشه وان شاء الله ماراح تندم

المشكله مو في السياره المشكله في الى يستخدمها :smilie16:

اهم شي لا تحطهم على كوري قمة الردائة وغالي عالفاضي واحترامي للجميع

وبالتوفيق لاختيارك للسيارة

السلام عليكم ....


الخيار الاوريون افضل من الاكورد بمرااحل ..

ولا تصدق لما يقولو انه الاكورد لك وللزمن طيب ايش المانع ان الاوريون تكون لك وللزمن طبعا الجواب <<< المحافظة والصيانه الدائمة .

لذلك انصحك بالاوريون لانه المقارنه بصراحة ....:c0038:.


وعندك خيااار ثاني ويعتبر داخل عرض نوعا ما ..((ازيرا 2009 فل كامل +شاشه+3.8+مواصفات رووعه ))


وتقبل خالص تحيااتي .

على حسب فلوسك راح تجيب لك 4 سلندر ..واشوفه والله قهر شوي كانت بـ 91 وتصير الحين بـ 100

بس المهم الاوريون خيار ممتاز ومواصفاتها حلوه
وعندك لومينا ال تي زد مواصفاتها ممتازه وامانها ممتاز بس يعيبها سمعتها انتشر كلام انها ماتعيش

وعندك هونداي سانتافيه ممتاز اذا كنت راعي طلعات خفيفه للبر

بس في النهايه اتمنى انك تاخذ فره على الوكالات كلها ..ممكن شي يعجبك غير الي قلتها

وعندك بعد اذا انت ناوي تصبر لين 2010 ..فايف هندرد الشكل الجديد بينزل 2010

مودتي لك.. واحب اقولك الف مبروك على سيارتك اين كانت

انا افضل الاكورد
بس من ناحية المواصفات اعتقد الاوريون افضل

مشكلة الأكورد هي الوكيل السيء عندنا
وقطع الغيار نار

ياأخي قبل كم شهر الفحمات للسيفيك 2003 بــ 220 قبل كم يوم آخذها 260
طيب الأكورد 2010 كم توقع بتكون القطع الاستهلاكية؟؟؟؟

وبعدين لما سألت البائع في قطع الغيار ليش مالكم موزعين للقطع مثل غيركم في كل مكان

قالي الهوندا ماتحتاج موزعين لأن القطع بتطول معاك :c0214: :bigggrin:


كذلك لو تسوي مقارنة لأسعار السيارات الي في بالك بعد 4 أو 5 سنوات ان شاء الله كم تكون خسارتك للسيارة المستخدمة.

الأمر اولا واخيرا لك وانت المعني بالامر واستخر الله قبل كل شيء ولاتأخذ الا سيارة لها شعبية ومنتشرة قطع غيارها بكل مكان ومتوفرة .

لا تنسى كذلك الخدمة بعد الشراء تراها مهمة جدا.

شوف اخوي انا احب افيدك اذا انت ناوي تدقع 100 الف لاتدفعها في اكورد حرام 100 في 4سلندر وفوق هذا بتعبك في قيمة قطع الغيار خلك على التيوتا حتا والدك اذا بغير لك القطع مايقول لك شي اخذ لك اوريون 100 فل اوبشن بدون شاشة مالها داعي الشاشة لانو نصبه 11الف علشان شاشة اتركها تولي وانا خوك واخذ لك اوريون وتمتع بالتشغيل الالكتورني ومبروك مقدما

الاكورد يوجد فيها نظام استخدام السلندرات >> مدري اسمه كذا او لا

شكل رياضي 100% + فخامة داخلية 100% + مواصفات 60%

بالنسبة للي يقول ان ما فيه فررق بين الاوريون و الاكورد مع احترامي له ما يعرف شئ عن السيارات .

الاكورد 271 حصان بينما الاوريون 268 حصان
الاوريون دخول ذكي الاكورد لا توجد هذه المواصفة
الاوريون 4 حساسات قدام و4 ورا
الاوريون ستارة خلفية
قير الاوريون تيبترونيك ( تمامتيك + عادي ) ويحتوي على 6 تبديلات بينما الاكورد تماتيك فقط و5 تبديلات .
الاوريون طبلون ديجيتال بينما الاكورد عادي
الاوريون الشمعة الامامية النور العالي فيها ( عدسة )
الاوريون الاصطبات الخلفية led
الاوريون يتواجد فيها شاشة ملاحة كامل