ياأخي لا أفضل محرك ولاهم يحزيون أفضل محرك وشلون مع نقص الزيت إللي فقع مرارتي
أحسب المكينة منشقة ما أدري وين يروح الزيت 600 كيلو فيها علبة وش هالكلام قال أفضل
محرك ياخي إذا ماجربت السيارة لاتحكم عليها من كلام قريت أو سمعته أنا مجرب محرك الكامري
خفيف جدآ مكينة المنيوم إذا خبطت خلاص لازم مكينة جديدة يندر إللي يمكن توضيبها روح للصناعية وشوف بعينك الكامري خاصه من 2003 أغلبها مخبطه والسبب صاحبها يمسك بها خط
طويل ومايعاير الزيت وتخبط معه بالراحة أنأ باعطيك تجربتي بالرياض لو امشي 10000كيلو مافي
مشكلة بدون تواصل يعني مشاوير عمل بيت ماينقص الزيت لكن خط متواصل لو 150 كيلو تلقاه ناقص والالتيما ماجربتها ولكن أسمع عنها الراس مايعوق يطق والله اعلم بس الكامري أنا مجرب
2001 و2004 سنين وانا اسوقها باخصها وكارها
ايه و الأكورد بعد تمشي عليها شوي ينفجر تانكي البنزيزن
و المازدا 6 تمشي عليها 50 كيلو إلا كل تاير في جهة و السيارة في جهة
و الجالانت تطلعها من الوكالة يوم ثاني تردها مكينتها مخبطة
بعد ما بقى إلا هذيلا
شوفوا عاد
هالموضوع زاد عن حده
يا تتكلمون بصدق و أمانة و مصدر
أو كل واحد فيكم يلزم الصمت
و من قال انا ما جربت الكامري
جربت 5 موديلات و ليومك و لا موديل فيهم ظهرت لي فيه مشكلة واحدة
كلهم اشهد ليهم بالخير
حتى مشكلة نقص الزيت اللي فقعتوا راسنا من كثر ما تكررونها ما عمرها مرت علينا و لا سمعنا عنها خط و لا داخل المدينة
صديقي ظل كل اسبوع رايح و راجع بها الكويت بحكم دراسته و لا عمره اشتكى من هالمشكلة
و عندنا كوامري في العائلة ما شاء الله غير الأصدقاء
ما عمره واحد وضب مكينة
و لا عمرها اصلا المكينة طلبت منه شيء
لذلك لا خبرة لي بإمكانية توضيبها او لأ
