خذ عندك هالمشكلتين الجديدتين في الأزيرا

أخوي سيف .. هل وديت السيارة للفحص في الوكالة ؟ بخصوص فتحة السقف ؟

السلام عليكم

اولا نحمد المولى عز وجل على أمطار الخير والبركه اللتي هطلت بمنطقه مكه المكرمه والطائف ونسأل الله ان يجعلها كذلك

اما موضوعي يا احبابي فهو ظهورمشكلتين جديده في سيارتي مع الأمطار الغزيره

بأختصار :-
# الماء يدخل مع فتحه السقف بشكل رهييب ( اذا كان المطر شدييد )
# صوت صرير في الكفرات الخلفيه اذا عشقت وخليت السياره تدحدر ( الصوت جاء بعد الأمطار )


ملاحظه :
السياره معي من 7 شهور فقط ( 2008 )

تخيلو انها بتقعد معي 7 سنوات وش بصييييير فييييها .

الحمد لله على نعمة المطر أخوي ( اللهم لك الحمد والشكر )
بعدين هذي المشكله بس معاك
أنا معاي أزيرا وواجهتنا أمطر في شهر رمضان ماشاء الله ولا بان فيها شي ولله الحمد



أما أنت أخوي لو أنك مجرب ألازيرا ما تكلمت بهذا الشكل عنها
وتقبل ردي بكل رحابت صدر

بالنسبة للفتحة ودها على الضمان
اما الاصوات الي بعد المطر حسب ما قريت في الكتالوج
انها طبيعية
والله يوفقك

اذا طاح الجمل كثرة سكاكينه

انا قريت الـ 7 صفحات
و للاسف ان اغلبيتهم تشميت فالكوري

انا ما بستصغر المشكله
هي اكيد مشكله مقلقه ان الفتحه تسرب ماي
بس الموضوع مو محتاج كل هالتهجم على السياره
من ناحية ان المواد رخيصه ولا السياره رخيصه

يا جماعه الموضوع مثل ما تطرق بعد الاخوان يا عيب ولا مشكله خاصه بسيارة
اخوي سيف وان شااء الله باذن الله بيحصل الحل وبتختفي

اخونا سيف عرض مشكله ومتوقع منا مساعدته في ايجاد الحل
مش نحطمه ونكرهه في سيارته الي دافع عليها فلوس


تحياااااااااااااااااااتي للجميع

السلام عليكم

يا اخوي متأكد انو سيارتك أزيرا.... أنا خايف يكون ضاحكين عليك ومعطينك دباب وقايليلك هذي أزيرا:c0214:

أبو الشباب انا عندي ازيرا مطلعها من الوكالة من 4 شهور والصراحة ماشاء الله عليها زي البانوراما

الله يهديك بس

انا ما شي بالمطر ولا قد صارلي كذا ابدا

وانت معايه

بالتوفيق :xyxthumbs:

ايييييييه قصدك اذا بعت السياره شو بشتري سياره
انا فهمت منك اني بشتري سياره على سيارتي

وش نقول عاد سبب البيع زي ما هو مكتوب

والسياره القادمه احتمال انها كامري 2002 V6
او كابريس 96 LTZ ..... او يمكن كاديلاك فليتوود

http://www.assayyarat.com/forums/showthread.php?t=180008


ولا أنت عارضها للبيع عشان تشيل العين :confused1:

وش السالفه
من قال اني بشتري سياره جديده

ترى ازيرتي دوبها ما مشت الا 24000كم

الله يوفقك بالسيارة الجديدة وش فكرت تشتري

الصراحه راحه

انا عندي مشاكل الأزيرا المصنعيه ( وقد تكون بسيطه )
اهون من مشاكل تويوتا الفادحه ( ولا وش نسميها اذا كان المكينه تصرف زيت)

ايه انتبه اصحك تتكلم بالازيرا ولا ترى بتشوف شي ماشفته :a1120(86):

انت ماتدري ان الازيرا افضل سيارة بالعالم

انت ماتدري انه ممنوع تتكلم بالمشاكل وفي ناس تطلعلك وتقول طبيعي جدا مثل فلم امركان باي

الشباب يسوقون ودعيات واعلانات ليل نهار ليل نهار ونت وتقعد تبربر هنيا :bigggrin:

مشاكل ومشاكل واخرها انت الي خارق التندا :bigggrin:

:a1120(121): على الي قاعد يصير

شباب لا تضخمون المسالة تلقى فيها يا اخوي عيب صناعي لاني ما قد قريت عن مشكلتك
فارجو انكم تصبرون 7سنين واذا ما صارت هونداي بالصدارة وبعدها تيوتا واذكرك اذا امد الله باعمارنا

ما شاء الله عليك
وش ذا الرد السريع

اول شي يا اخوي انا معي سوناتا فل ابوشت الحمد لله معها لي 4 سنوات يعني موديل 2006

ورحت فيها لكل مكان ابها الي تبي المهم امطار ما تخش لو تكب 100000 لتر فوقها

وتبي الازيراا تخشها مويه انت صاحي الا في حاله وحده انك شاق السقف يعني انت الي مسوي الفتحه
وبعدين ما عمري سمعت احد اشتكا من الازيراا مع 2 من اخوياي الموتر الموتر يا اخوي مركب لكزز قسم بلله وواحد منهم الان بجنبي بل الاستراحه وسالته يقول لا ما يدخل هو موب مويه
على العموم فيه شي اسمه ضمان الوكاله ترا مشاكل زي ذي وربي لاحوس ام ام ام الوكاله على ابو مديرهم ابو المصري اقصد وعلان الرياض
وعلى العموم مر الوكاله بقرب وقت ترا ذي المشكله كبيره تدري وش معنها يعني الوكاله جابوها بدون فتحه من المصنع الرئيسي وفتحو لها فتحه هم بصيانه عندهم قلبوها فل مالها الا التفسير هذاا والله
على العموم انا تفاعلت معى مشكلتكـ وحبيت ابين لكـ لان المشكله ذي عندك انت بس لا تعمم
سيارات الازيرا كلها يا الغالي .......

ابد ماصار شي جديد
لكن تأكدت ان تهريب المويه من الفتحه يروح مع التصريف ( للخارج )
ولكن يوجد تنديه خفيفه عند الكتف الخلفي الأيمن
ولو ان كاميره جوالي اعلى من mp2 كان صورته ووريتكم الصور عشان تتأكدون

اما الصوت الخلفي فهي مشكله مزمنه

عندي اثنين من الشباب في الدوام عندهم ازيرا نفس الموديل وكمان نفس المشكله
في الصوت

رحت غسلت السياره بستم وراح الصوت تماما لكن رجع لي بعد اسبوع من الغسيل
00000000000000000000000000


الزبده :-
مشكله الصوت ما اظن ان لها حل والصبر جميل
لكن ايجابيات السياره اكثر من سلبياتها

والزين ما يكمل
وقنعت بسيارتي من مشاكل السيارات الجديده اللي اعرفها عند الوالد وعند اخواني
مثل
كابريس SS 2002 على ايامه ( للوالد) وباعه 00000يا كثر مشاكله
VXR 2004 ( للوالد ) وباعه000000 خرب الكمبيوتر + صرفيه على غير قوه
يوكن دينالي 2005 ( للوالد ) لا زال 0000 اعطال كهربائيه دائمه

باترول سوبر سفاري 2008( عند اخوي ) جلدة قزاز السائق تقطعت في اول شهرين من الأستخدام
كابريس 2006 ( عند اخوي ) 00000الكهرباء + نظام تبريد المكينه ( يعبي هواء)